بنات بليز ابي رايكم لاني حدي محتاره

[sweet pure hart]

السلام عليكم بنات بصراحه اول مره اكتب موضوع يخصني بالمنتدى بس لاني محتاره وماني عارفه شسوي بصراحه انا عمري 34 سنه ما سبق لي الزواج وطبعا حالي حال غيري أتمنى ان الله يوفقني مع ولد الحلال المهم تعرفت على واحد بالصدفه عن طريق صديقتي واهوا ما سبق له الزواج عمره بأول الاربعينات ويبي يتقدم لي مادري اوافق ولا لاء خصوصا انه مو كويتي جنسيته أمريكي بس طبعا مسلم والحمدلله مسمي ومصلي ووضعه المادي ممتاز:eh_s(15): وشرطت عليه اني ما اعيش بره ديرتي ووافق بس هم متردده وخايفه وهم العمر قاعد يركض فيني ومابي أتم بروحي ................ بليز نصحوني:krkrkr:

 

[Tom ♥ Jerry]

،

استخيري و توكلي على الله (=

 

[( المـلاك )]

استخيري اهم شي
و خلي اهلج يسألون عنه
والله يكتب اللي فيه الخير انشالله

 

[دلع روز]

الاستخاره ثم الاستخاره ثم الاستخاره
هي الي بتوجهج للطريق الصح
وربي يوفقك ويجعله خير لك ومن نصيبج

 

[ســتارز]

الله يوفقج بحياتج

 

[sweet pure hart]

مشكورين بنات على النصيحه ما قصرتوا الله يوفقكم دنيا وأخره قولوا أمين

 

[عبير العنزي]

جنسيته امريكي؟؟

اهو عربي؟


والله ياختي انصحج توافقين دامج متعرفه علي اكيد تبينه.؟؟؟

والا مافي وحده تتعرف عل واحد ماتبيه؟

اذا انتي مقتنعه وافقي ولا يهمج احد

باجر اذا مرت السنوات وتميتي بروحج محد راح يفيدج

لحقي على عمرج ع الاقل اتيبين ياهل تستانسين فيه والعمر يركض وسن الاربعين بيكون الانجاب صعب

بس بعرف هالامريكي ماكلمتينا عنه اكثر؟؟

عربي؟؟ يعني من اصول عربيه.؟

بنت خالي كويتيه وخذت سوري

او وحده من جماعتنا تحدت اهلها والناس كلها وتزوجت فلسطيني


الله يوفقج وعطينا اخبارج اول بـ اول


بالتوفيق

 

[nurse m]

والله اختي اذا كان في توافق اجتماعي أأيدج يعني اذا كانت الجنسيه امريكيه واهوه عربي نفس اخوانا البدون توكلي على الله لأن نفس العادات وماكوا فرق الهم الا الجنسيه بس اذا كان بس مسلم ومو عربي لا تستعجلين لأنه ما في توافق وبعدين انتي مو كبيره الا درجة القطار يطوفج جربي حطي اسمج عند خطابه وانشالله الله يوفقج آمين

 

[عبير العنزي]

سوري الرد طلع مرتيين لوول

 

[sweet pure hart]

مشكروين على المرور عزيزاتي بس على فكره اهوا أمريكي أمريكي بيور مو من أصل عربي وطبعا كنت حاطه اسمي عند خطابات واااااااااااااااااايد بس مع الاسف الغالبيه يقولون اني كبيره والرياييل يبون بنت صغيره

 

[دلوعة أبوهآ]

اهم شي الاستخاره ..
والله يكتب لك الخير

 

[ام زهقانه]

استخيري

 

[ام ميميتو]

بصراحه اهم شي اخلاقه قبل جنسيته انا كويتيه بس زوجي لبناني و عايشه معاه احلى عيشه و مرتاحه الحمدلله

 

[ام ميميتو]

و اهله يموتون علي و انا بعد وايد احبهم ولا مره حسيت بفرق بيني و بينهم حتى اهلي يموت على زوجي

 

[عتيبيه رزه]

استخيري والله يوفقج يارب

 

[الغاليه ام احمد]

حبيبتي اهم شي اهلج اذا يوافقون تاخذين امريكي توكلي على الله

واذا لا خلاص مالج الا اهلج

 

[شوشو الشقيه]

السن متقارب بينكم ومناسب بصراحه
بس امريكي مو صعبه تحسينهااااااااا
يعرف يتكلم عربي واو لا
احسه مناسب لج
بس امريكي قويه قويه
قلتي مسلم اخاف يطلع مسيحي
تاكدي منه
يصلي ويصوم
لا حبيبتي تاكدي منه عدل يمكن يكذب عليج ويطلع مسيحي
واايد صارت
تاكدي منه هذا زواج مو لعبه
سئليه عن الدين وشوفيه شلون

 

[♥ SWeeRa ♥]

امممممممممم
لو انا يخطبني اجنبي لو سوري والا مصري والا لبناني
ماوافق


خليجي اي ومو اي خليجي
سعودي ويمكن اوافق



بس على حسب المجتمع اللي انتي عايشه فيه

يعني عادي عندكم تتزوجون اجانب
اذا عادي توكلي على الله