بنات بليزززززززززز

[يغار القمر]

هاي شخباركم بنات تكفوووون افيدوني عرسي قرب وماباقي الا 3 اشهر انا لو لوني اسمر قمحي هل ينفع اصبغ اشقر ولا ماينفع بليززززززززززززز وشغلة ثانية انا نفنوني ضيق كلش بس نافش من عند الركب اللى نافش من عند الركب على الموضة ولا لا وشنو الطرحة اللى تناسبة لانة مافية ذيل وشرايكم بعد بتسريحة تكسير الشعر زي فنانات الستينات بليزززززززز

 

[rose-blanche]

هلا قلبي انصحج بدرجات البني والبني اللؤلؤي اكشخ واحلى من الاشقر وتعرفين ان الحين بالذات مو وقته تغامرين بالاشقر بالنسبه للنفنوف قصة السندريلا على الموضه بس شتبين بالموضه اهم شيء يكون ذرب وحلو وراقي وناعم هذا اهم شيء وبالنسبه لهالقصه يناسبها الطرحة القصيره الي تيي مدرجه شوفي طرحة هيفاء وهبي بعرسها نفس جذي تلوق حيل على قصة نفنوفج وبالنسبه لتكسير الشعر حيييييل عجيب حق عروس بس يبيلج منو يظبطها واكثر وحده تظبطها عبير الياسين تبدع مشاءالله بالتكسير وتقبلي مروري والف الف الف مبروك حياتي والله يتمم عليج وهنيج

 

[M!SS.LOBY]

صبغي درجات البني وبخصوص التسريحة شوفي كتالوج2013

 

[أمورته]

احلى لون شعر للعروس الاسود احسه يعكس لون بشرتها ويخليها اصغر من عمرها وجذابيه
اما الصبغات بخليها بعد العرس بفتره مو اقل من سنه هذا بوجه نظري
اما لقصه بدله العرس حلوه انا احب هالقصه واحب الطرحه الصغيره احسها اذرب ع هالموديل
ماعندي فكره عن التكسير بس للعروس رفع الشعر افضل
الله يوفقني يارب ويوفقج ويوفق الجميع

 

[شربـــات لـــوز]

اول شي الله يتمم امورج علا خير
شوفي حبي تسبحي بصابون المغربي يعني كل يوم حمام مغربي ولله يفتح لونج انا جي مسويه واهم شي الترطيب بالليل دهني الركب والكوع ومفاصل ايدج واي شي غامج بجسمج دهنيه بفازلين
بالنسبه للصبغ لا تغامرين والاشقر مو حلوو عالعروس
وبالنسبه لموضه النفانيف مافيه موضه شوفي شنو يناسب جسمج وحلو عليج ومرتاحه فيه لبسيه
والطرحه اخذي القصيره وايد حلوه
انا عن نفسي نفنوفي سندريلا وطرحتي قصيره
موووفقه حبي

 

[أم*سلمان]

اب اب

 

[مذهلة2013]

اب اب

 

[$ماكنتـــــــــوشه$]

رفع ..

 

[<miss botamba>]

اشقر اصفر انا ما احبه

بس كستنائي مع خصل هايلايت او لولايت يطلع حلو


والطرحتين حلوين القصيره و الطويله بس انا احب الطرحات الطويله اذا القاعه كبيره

 

[دلوعة ماماتي 88]

الف مبرووووگ والله يتمم لچ ع خير ان شاءالله


بالنسبه لي اشوف الاشقر مووحلوو ع العرااايس ابداً
حلاته بنيات




ونفنوف العرس مالچ دخل بالموضه لان اشوف كل وحده تلبس اللي يعجبها ويلوق ع جسمها
والطرحه جربي القصيره والطويله وشوفي ايهوو احلاا عليچ




وبالتوفيق ان شاءالله حبيبتي

 

[M!SS.LOBY]

موووفقة يارب

 

[جوري الصالح]

الــــــــف مــــــبروك حبـــوبة


بخصوص الاشقــــــــــــــر أي كلام

حلاته الاســـــــــــود يطــــــلع جمـــــــــــالج