بنات بغيت ساعدتكم ضروري ... بجر وماعرف شي :)

[kuwaitya_zoGaa]

شلونكم بنوتات كويتيات ؟؟

حبايبي عندي جم سؤال بس لا تضحكون على :krkrkr:
ترا والله صج ماعرف
راح ابتدي باسالتي ..

1. سمعت انه فى كوتكس ( تكرمون ) خاص للنفاس وين يبيعونه هذا ؟؟ وشنو ماركته ؟
2. البيبي اللى بالنفاس اشتري له العاب ؟؟ والا لا؟ وايصير اقعده على كرسي والا تو الناس ؟؟

بليييييييييييييييييييييييييييز والله ماعرف شى :yaaaaaarb:

 

[Ԏỡґἰᾷ]

الكوتكس اول مرة اسمع عنه
بس انا قالت لي الدكتورة لازم كل شوي تغيرينها عشان لاتسبب التهابات ع الجرح
والالعاب لااا ماينشرا للبيبي العاب الا بعديييين يمكن ع 3 او 4
ولااا تقعدينه ع الكرسي !!
جم عمره ؟
البيبي ما قعد الا ع 3 او 4 ع حسب البيبي واحد عن واحد يفرق ..
بس لي حسيتي انه يسند روحه شووووووي

 

[om deaj]

الكوتكس للنفاس العادي بس اخذي بجوانح عاشن النزيف في غالب الاحيان يكون غزير اكثر من الدورة
انا اخذ فام ولا ليدي سوفت قطنهم مريح

العاب البيبي بالنفاس ولا شي لانه مو واعي على شي
بس نصيحة لاتعودينه على الحضن والشيل نصييييييييحة
وحاولي انج اخلينه بكرفايته الصغيرة حتى الي بيشوفه سشيليه لهم بالكرفاية ماله داعي يبوسون ولا خل امج تقولهم رجاءا لحد يبوس وخصوصا الاطفال

اذا كلش كلش خل يبوسون راسه من فوق

الكرسي والقعدة تو الناااااااااااااااااااااااااااااااااااااااااااااااااااااااااااس
حرام عليج يبيله بعد 4 شهور تحطينه بكرسي الاطفال وتربطينه خوفج يتحرك ويزلق

 

[om deaj]

هذول السراير الي قلتلج عنهم

 

[Ԏỡґἰᾷ]

انا الكوتكس مالي اولويز
حييييييييييل عملي احسن من فام وليدي سوفت
فام وليدي سوفت تتعفس وتسرب واااايد
اولويز حيييييييييل مريحة كلش ماتسرب معاااي ابد
وخاصة ان صمغها حييييل قوي ويثبت الكوتكسه
فام وليدي سوفت صمغهم مو شي

 

[الأميرة جوري]

اخذي الكوتكس الطبي القطن الكبير يريح ....المولود ماتشترين له الالعاب الا بعد شهر 5 او6 يلاحظ

 

[kuwaitya_zoGaa]

مشكورين بنات وايد وماقصرتو :*****************************
ويزاكم الله كل خير

 

[kuwaitya_zoGaa]

الاميرة جورى من وين اشتري الكوتكس الطبي ؟

 

[om deaj]

علميه ينام بالازعاج عادي والليت مبطل عادي

مو كل ما بجى شلتيه وسكتتيه عادي يبجي ويسكت
بس تكونين متاكدة انه مو يوعان ولا موصخ

الياهل رضعيه من صدرج افضل
ومو تشوفينه نايم تخلينه يستن لا قوميه كل ساعتين وعطيه صدرج يشرب