بنات بشاوركم اشرايكم اتأيدون خدامتين نفس الجنسية او مختلفين؟

[malgoofah]

بنات انا عندي هنديه وفلبينية الهندية للطباخ و غسيل ملابس و جزء من التنظيف لان ما عندنا طباخ وايد و الفلينية تنظيف و كوي و بيبي المهم يننوني كله متزاعلين واهواش الهندية حيل اتغار من الفلبنية والفلبينية مو متأقامة مع الهندية المهم بستغني عن الهندية بريح راسي لان الفلبينة بنتي متعلقه فيها واتعرف حق اعيالي اشتنصحوني ظ اييب فلبينية ثانية والا جنسية غير ودي اييب فلبينية عشان يتفاهمون و ما يتناجرون و وحده اتعاون الثانية و هم حايفه يطبقون علي احترت و هم عشان الروح تبي الارواح خصوصا اني مو من النوع اللي اطلعهم وايد فاللي عندها نفس الجنسية اتقولي تجربتها :gr4uu:

 

[Tender Heart]

رد : بنات بشاوركم اشرايكم اتأيدون خدامتين نفس الجنسية او مختلفين؟

ماجربت ثنتين بس اتوقع من جنسيتين مختلفتين افضل عشان تصير بينهم غيره وتنافس بالشغل لووووووووول

 

[malgoofah]

رد : بنات بشاوركم اشرايكم اتأيدون خدامتين نفس الجنسية او مختلفين؟

مشكوورة عالرد اللي عندي الحين جنسيتين مختلفين لووووول كله غيره وامهاوش للاسف ما صار تنافس بس يمكن اللي عندي خالة استثنائية الله يهديهم كل يوم سالفه كل يوم هوشه

 

[الليدي...عمشه]

رد : بنات بشاوركم اشرايكم اتأيدون خدامتين نفس الجنسية او مختلفين؟

ذكرتيني بخدم جدتي كانوا عندها ثنتين وحده هنديه وحده اندونيسيا الله لا يوريج الهنديه هبلت فيها دايما زعلانه وهواش اخر شي بدلتها وجابت نفس جنسيتها صاروا يشيلون بعض وكل وحده تغطي على الثانيه طبعا جدتي اخذت خدامتها وخلتها تنقي الثانيه هههههههههههههههه

 

[رحيل المرافيء]

رد : بنات بشاوركم اشرايكم اتأيدون خدامتين نفس الجنسية او مختلفين؟

حبوبة نفس الشي
كان عندنا فلبينيتين هم نجرة وهواش
ولا وحدة تشتغل والثانية ماتشتغل وتغطي عليها
لاتمشينها ولاشي
بس انتي هاوشيهم وهدديهم اللي بتسوي مشاكل بمشيهاااا
لازم تكونين حازمة معاهم

 

[فاقده حنان ابوه]

لا نصيحه خليهم من نفس الجنسيه لانهم بيتعاونون اما اذا كانو مو نفس الجنسيه وحده بتعتمد على الثانيه

هذا الي صار معانا

 

[ساندريلا]

حبيبتي حزميهم خلي لج كلمه قويه عليهم والي مو عاجبها قراراتج مشيها
بس انشالله يخافون ويتسنعون
ضد بعض احسن مما يكونون ضدج

 

[Tulips]

رد : بنات بشاوركم اشرايكم اتأيدون خدامتين نفس الجنسية او مختلفين؟

والله انتي يحليلج معطيتهم على هواهم

مو الا يتوالمون خوو مو زوج ومرته .. !!

بعدين حبيبتي دربالج تاخذين نفس الجنسيه باجر يتفقون عليج ويلعبون بالبيت لعب

زفيهم وقوليلهم خل يتأدبون وبلا حركات اليهال عبالهم يايبينهم ببلاش الوحده ماتقل عن 500 هذا غير الفيزا و و و

 

[خبيرة اعشاب]

رد : بنات بشاوركم اشرايكم اتأيدون خدامتين نفس الجنسية او مختلفين؟

صراحة كله مشاكل بس بيني و بينج افضل اذا مو من نفس الجنسية

انا اول عندي من جنسية وحدة ( نيبالية ) و يصيرون حق بعض بعد

تعالي شوفي انواع التغطية ,, يغطون على بعض بشكل مو طبيعي

و اذا هاوشتي وحدة الثانية تزعل و تطنقر
و اذا صار في شي بديرتهم الاثنين يقعدون بجي و صياح ... هههه
و اذا بيسافرون لازم الاثنين مع بعض

بس اهم شي ترتاحين من شي اسمه هواش

بعدين جبت لهم جارة ...

جبت خدامة سيلانية ... بس المسكينة جديدة ما سيطرت على الوضع و اضطريت اردها المكتب


سافرت وحدة منهم لظروف خاصة , و جبت نيبالية ثانية على الاقل خدامتي القديمة اتكلمها و اتفهمها الشغل

بس ما شاء الله ما اشوف شي غلط لان انا مسوية تقسيم للبيت نفس الخريطة ..

انتي عليج كذا و كذا و كذا فقط

و الثانية عليها كذا و كذا و كذا

و كل وحدة ملتزمة بشغلها و ما اتغشمر وياهم

و الحين بعد قدمت لي على فلبينية ابيها اتصير مراقبة لي بالبيت هههه

و سلامتج

 

[om_dodo]

اب

اب

 

[خزااامى]

نفس الجنسيه افضل انا جربت

 

[أسيرووو]

انا عندي ثنتين فلبينيات لا وخوات بعد
صج ان مشاكلي معاهم اقل من الي عندهم من جناسي مختلفه بس همن لهم عيوبهم
الي جنسيتهم مختلفه تقدرين انتي تسيطرين بينهم وتوزعين الشغل وتحاسبينها عليه
والحلو فيهم اذا تزاعلوا كل وحده تطلع فضايح الثانيه
والي من جنسيه وحده عندهم مبدأ انا وابن عمي عالغريب فمابالج بالخوات
يعني الحسبه ضايعه بيناتهم وحده تغطي ع الثانيه ما تعرفين منهي الي غلطت عشان تحاسبينها
بس ماشاءالله والحمدلله ماشين بشغلهم واعاملهم بلين واحترام
وصارلهم سنين عندي يسافرون ويردون
فيعتمد انتي شنو تفضلين

 

[جوووووووووريه]

نصيحه لاتجيبين نفس الجنسيه عشان مايتعاونون عليج
بس انتي ظبطي شغلج انا عندي ثنتين وحده لعيالي وحده لطباخ والبيت قسمي شغلج عشان مايحتكون بعض وحده تقط الشغل ع الثانيه

 

[Air Bag]

رد : بنات بشاوركم اشرايكم اتأيدون خدامتين نفس الجنسية او مختلفين؟

اخذيها قاعدة
كل الخدم يتأقلمون مع بعض ماعدا الفلبينية ما تتأقلم إلا مع فلبينية نفسها
صدقيني عن تجربة أو بلأصح تجارب

 

[Miss Cherry]

والله كلااام اير باااق صح

الفلبينه شييييخه مهي شغاله .. تتعنفق وتشرط جنها معزبه

انا جربت بالسسترات لاني عندي ولدي مريض وجبت فلبينيه شغاله ولانها ماتقدر تجابله 24 ساعة وهو بالليل ماينام فكنت اجيب له سستر فلبينيه من شركة بس فترة الليل .. وبعدين مارتحت يوم شفتهم ترافجوا وانا ماحب جذي مع انهم زينات على ولدي على الاقل جدامي وهذا اللي اشوفهم .. المهم دقيت على الشركة وقلتلهم مابي سستر فلبينيه .. جابوا لي هنديه زينه بس شغالتي الفلبينيه كل يوم جايتني مدام هذي مو زينه تطق بيبي وتدزه لما نسبحه ومادري شنو اول مره صدقتها ودقيت على الشركة غيروا السستر لهنديه ثانية اكتشتفت انه شغالتي تسوي هالحركات لانه مو عاجبينها الهنديات تبي فلبينيه مثل قبل

انا ماحب يكونون عندي شغالتين نفس الديرة يقعدون يخططون ويتفقون علي .. على الاقل اذا بيتكلمون يتكلمون اما عربي او انجليزي افهم شنو يقولون مو يتكلمون لغتهم يمكن يسبوني وانا مادري ههههههههههههههه