بنات بشاوركم ابشي ابي اييب خدامه يديده شطلب

[malgoofah]

بنات حدي محتاجه رايكم انا عندي سيرلانكيات و سايق سيرلنكي الخدامه مالت اعيالي عندي من خمس اسنين واعيالي يموتون عليها و عارفه كل شغل بيتي و كانت امريحتني و حتى انا احبها بس الأسبوع اللي طاف طحت عليها مع السايق اللي هم صارله عندي 3 اسنين بالله السايق من اول اكرهه السانه طويل و حقير بس مت من الحره على هالخدامه حسبي الله عليها لما يروحون اليهال المدرسه اتروحله عاد فتنت عليهم خدامتي الثانيه و حطيت كاميرات و جكيتهم بس للحين ما واجهتهم جني مادري على ما ادبر نفسي عالاسبوع عالأقل واي بنات يا ربي متحسفه على خدامتي وادري ما راح القى وحده فاهمه شغل بيتي واعيالي نفسها شسوييييييي افتريت عالمكاتب ادور مسترجعه لين اطلب وحده لقيت نيباليه مسكينه بس بارده واستيعابها بطيئ اشرايكم اصبر عليها والا اطلب هنديه من بنجلور محتاره مادري شسوي اللي عندها خدامه للتنازل اتقولي عفيه

 

[Alia]

طلبي هندية بس من جوا يعرفون انجليزي وذربين ويبون يشتغلون

بس والله ماتستحي خدامتج؟ عقب هالعشرة ياربي متى يمديهم

ونطري شوي على النيباليه عطيها وقت

 

[malgoofah]

اي والله شفتي اشلون يا ربي مادري ليش سوت جذيه والله قلبي يعورني عليها و متحسفه عليها حيل و من العشره طبعا اعيالي وانا انموت عليها بس اهي اللي يابته حق نفسها لاني جم مره احذرها ولا اتعظت طايحه عليها من قبل بس الله كريم يا ربي يعوظني باحسن منها اذا وحده اتعرف مكتب اييب من بنجاور او قوا او كيرلا اتقولي واذا فيه مسترجعه يااااااا ريت

 

[Harmony]

واي ابي خدامه من جوا تكفون اللى تعرفلها مكتب تعلمني بعد

 

[ضحكة الدنيا]

انا بعد بنات محتاجه خدامه بس مانى عارفه من اى جنسيه اخذ
جربت الاندونيسيات ولاعت جبدى منهم ومن سوالفهم
وعندى الحين فليبنيه زينه بس صارلها سنه وماتبى تقعد تبى تسافر
وشافيه نفسها واايد
والنيباليه مالها ديانه ومايمدحونهم
والسيلانيات مو نظاف
بصراحه محتااره ياليت اللى تعرف مكتب زين تقولى واكون شاكره لها​

 

[^^ ريان^^]

الله يعينج صراحة صعبة حاسة فيج اعيش نفس الوضع

 

[موني موني]

انه بعد انصحج بخدامه هنديه من بنجلور او كيرلا او جوا ..

ووانه نفس حالتج قاعده ادور خدامه هنديه خدامتي بتسافر

 

[ghalaty]

الظاهر في مشكلة خدم بالديره واي الله ياخذهم وقدرنا انا نستغني عنهم ويا اختي ملقوفه في اخت بالمنتدى حاطه خدامه فلبينيه للتنازل

 

[جروح تبتسم]

وااي بنات خدامتي سيلانيه ونظيييييييفه منو قال مونظاف والله العظيم من كثر ماقول عنها نظيفه حسدتها وصارت ملوعه جبدي المهم لاتصبرين على النيباليه وااااي اييب وحده تساعدني ولاتطلع عيني بالبرووود اذا انتي تتحملين البرود خليج عليها والله يعينج والصراحه سيلانيتكم بطت جبدي لو انا منج اموتها لوووووول
طلبي سيلانيه وتكون مشتغله من قبل وعندها عيال الصرااااحه انا خدامتي مسيحيه وهي بنفسها قالت كريستيان ريال واحد بس مايتعاملون مع 2

 

[bnt q8 in usa]

والله انا بعد فلبينيتي .........سافرت وكانت تعرف كل شي حسيب اله عليها سافرت وانا هنيه وخليت اختي تطلب لي وهم مسكينه راحت سالت كذا مكتب قالوا من جوا وكيرلا مانييب لانه وايد مشاكل صارت عليهم ييون تالي يتعنفصون علي بون انهم يعرفون انجليزييبون يشتغلون بره
شوفي سيلانيات في بعضهم نظاف يهبلون خاصه ليياتج مشتغله بلبنان
وعندج الفلبينيات طبعا نصهم وهم الهنديات يبا باختصار الخدم حظ
حظ حظ حظ .........................انتي وحظج
بي نيباليات قطع احسهم خاصه البوذيات

 

[malgoofah]

وااي بنات مت وانا افتر عالمكاتب و للحين مو لاقيه الله يحرق قلب سيلانيتي والسايق نفس ما احرقو قلبي واااااي ميته حره و للحين محتاره النيباليه صارلها عندي 4 ايام و جنها سمحه حيل و تبي تشتغل و مكسووره واتقول انها مسيحية بس تبي تسلم و لما فتشتها اول ما يتني عشان اعرف اشعندها لقيت كتب و اشرطه عن الاسلام و قلبي حيل مرتاحلها و كل اشوي اتقولي ماما انشالله بتعلم واصير احسن كاسره خاطري ما ودي ارجعها اشرايكم بنات اصبر عليها واعلمها واتحمل والا ارجعها عاد ودي اوديها لجنة التعريف بالاسلام واكسب فيها اجر مسكينه شكلها هاديه وافقيره واتحاول بس استيعابها و اشوي بارده اتقول راح اتعلم و باجر اخر يوم للتجربه المشكله سيلانيتي الاوليه كانت لهلوبه فعلى طول بقارن هذي ما تقدر تشتغل نص شغلها او ابنفس الفهاميه و لقيت بعد مسترجعات وحده سيلانيه عمرها 37 و مكتب قايلي يمكن توصله هنديه مشتغله عند اشيوخ مادري امراء بالبحرين واتعرف انجليزي انطرها والا اكفل النيباليه واكسب فيها اجر ؟ ويها حيل مريح و مكسووره و هالشي امعور قلبي ؟

 

[bnt q8 in usa]

حرام يا ملقوفه طالما تبي تشتغل وتبي تسلم كسبي فيها اجر وبعدين الله يهداج تبين كل شي حار بحار بيت الله انبي في 7 ايام صبري عليها
وكلهم ييون كمخه تالي يتعلمون.............
عاد الحين كسبي فيني انا ثواب شنو عندج من ارقام لمكاتب الخدم وهالهنديه الي مشتغله عند شيوخ جان ماتبين عطيني خيتج محتاجه والله
والله يفك عوقج ويفكج من هالسيلانيه الغبره

 

[الشماليه]

ياحبيتي كل الخدامات فيهن الحسن والسيء وكل جنسيه لها مساؤها ومحاسنها بس بس انا افضل الاندونيسيه اسرع في التعلم وامكن في الطبخ وعليهم والله طبخ يجنن ماعليك الا تورينها اول ماتدخل البيت مطبخك وادواته

 

[الفرحه السجينه]

واللي يعافيكم لحقوا علي بارقام مكاتب يجيبون هنديات طباخاااااات

 

[الفرحه السجينه]

لا تاخذون خدامات مشتغلين عند شيوخ ترى دلوووعات و ما يعجبهم شي

رفيجتي جابت هنديه مشتغله عند شيخ من الصباح لوعت جبدها وما يعجبها العجب لانها تقاااارن بينها وبين الشيخ اللي اشتغلت عنده ولااازم تطلع تتمشى وعندها نقال ودلوعه لانها تعودت على نظام الشيخ لانه الخدم مدلعين عندهم وعادي مو نفسنا

 

[قمه النعومه و الأنوثه]

بنات بليييز:eh_s(11): انا ابي رقم مكتب اييب هنود بليز حدي ضايق خلقي ...خدامتي طحت عليها عندها موبايل وطحت على صور عندها ماخذه جم بدي من بدياتي اللي مصيرهم الحين بالزباله عزكم الله ومصوره فيهم ...واللي ذابحني ولدي احبها بس انا اخاف اللي عندها تلفون يعني اتخربط و ما اقدر اخلي ولدي عند وحده خربوطيه ..اخاف من الأمراض والبلاوي السوده ..واجهتها انا وريلي اتجذب وديناها المخفر عطت الشرطي التلفون بنات بلييز شسوي...حدي ضايق خلقي وماراح اداوم اليوم ليش بجابل ولدي:eh_s(11):​

 

[malgoofah]

مشكوووورين بنات خلاص عزمت و توكلت على الله و باخذ النيباليه حلرام تكسر الخاطر وانشالله بتعلم اشوي اشوي عالاقل بارده احسن من اللي امبلتعه و شيطانه شي احسن من شي وانا صليت استخارة و مرتاحتلها وانشالله بوديها تسلم و بالنسبه للي اسألوني عن مكاتب عندهم مسترجعات بما اني صرت معروفه عند المكاتب من كثر ما رحتلهم و لوعت جبدهم راح اقولكم اللي تبي مسترجعه سيلانيه مشتغله من قبل بالكويت خمس اسنين و بالسعوديه سنه و هم عندهم سيلانيات اول مره فيه مسيحيه و مسلمه ادق على هالمكتب طلبو نوره قولولها احنا من طرف ام عثمان شنو عندج مسترجعات رقمهم 4769800 واللي يبون اثيوبيه مسترجعه اول مره يروحون حولي مجمع ابن خلدون هذا رقم المكتب2611872 مكتب الفضاله والي يبون اهنود من بنجلور و كيرلا ابنفس المجمع مكتب الخزعل رقمهم2647596
وبالنسبه للي قالي عنها مشتغله بالبحرين اختي بنت الكويت شكله تحسف عليها وقالي ما يات عاد ما يندرى وهم روحو مجمع الملحم ابشارع ابن خلدون تلقون مكاتب وايد وتحصلون مسترجعات و بعد هذا رقم المكتب اللي خذيت منه النيباليه تعاملهم راقي الصراحه خوش مكتب و عندهم 3 سيلانيات مسترجعات والله يعينكم يا بنات وايسر امركم امبيه بشتغل مندوبه خدم من كثر الفراره عالمكاتب لووووووووول

 

[bnt q8 in usa]

مشكوره حبيبه وماننحرم منج والله يوفقج يارب

 

[Alia]

نصيحة لا تاخذون خدامة مشتغله عند شيوخ

احنا جربناها اسبوع ورجعناها

كانت هندية تعرف انجليزي لكن ....

ماتبي تشتغل تبي تاكل حب وتلفزيون وسوالف مع الهنود بره

تقول انه الشيوخ عندهم وايد خدم فماكو شغل!!

رجعناها مالت عليها وشايفه نفسها وكل شي تبي

ملقوفه خلج على اللي عندج وانشالله تكون خيرة

انا عندي واحدة باردة ولا واحدة تحب الرياييل ولا بواقة ودم ضروسي اللي فيهم ريحة ومايهتمون بنظافتهم

 

[malgoofah]

ويييييييه عيل اشحقه خدامه اشونها يات منه و هون عن هذي اللي مشتغله عند اشيوخ بعد انا مو نااقصه عوار قلب لا يمعوده خليني عالنيباليه ابرك لو اتعب وياها اشوي بس اريحلي قلب و مشكووره عاليه عالنصيحه:eh_s(8):