بنات بسوي استقبال وما اعرف بالضبط شسوي :(

[Vanish_q8]

السلام عليكم

بنات انا ولدت الحمدلله بس ما سويت استقبال بالمتشفى كنت تعبانة والحين ودي اسوي عقب الأربعين ، بس بصراحة ما اعرف شنو المفروض اسوي بالضبط وما اعرف اسال منو... يعني شنو المفروض البس قميص ساتان او دراعة و التقديم شنو يكون ؟؟؟؟؟ يعني يصير اسوي بوفيه او بس فطاير وكاكاو ،، وتوزيعات اسوي ولا لأ ؟؟؟ والله ترى مادري صج يا ريت تساعدوني وادري ما راح تقصروووون ... ومشكوووورين

 

[عيمية^والقلب^كندري]

حبيبتي الاستقبال بالبيت يكون انج تطلبين بوفيه كاامل هذا اهم شي باستقبال البيت ولبسج طبعا مايكون الا دراعة استقبال كشخة وتكونين مسوية شعرج شي بسيط وحلو ومكياج خفيف يعني لازم تكونين كاشخة شوي

كل الفكرة ان الناس اتييج تباركلج وتكونين حاطة طاولة للهدايا ويقعدون شوي ويتعشوون ويمشوون لا اتدققين بالتقديم والحلو لان البوفيه ان كان كامل بيكون معاه حلو التقديم والجاي والعصاير وماراح تقدمين معجنات لان العشا كاافي وبس مايبيله تفكير ولا عوار راس كل الموضوع مطعم حلو ومرتب وبوفيه سنع واقترح عليج الوطنية او الوالي وسلااامتج

 

[Om Ghalia]

نصيحة مني، خللي الاستقبال ناعم وبسيط... لا تتكلفين وااايد........

 

[عصير مانجا]

رد : بنات بسوي استقبال وما اعرف بالضبط شسوي

اول شي الحمدالله على السلامه بعدين اختي على حسب الناس اذا كانو وايد سوي نظام بوفيه مثل بوفيه ام حسين الصفار واذا كانو شويه سوي نظام البوفيه المتنقل مثل معجنات وكبب وهالسوالف واذا مالج خلق الحين تسوينه سوي اول ماتخلصين الاربعين منه مغيره اللوك وتروحين لريلج بلوك يديد

 

[معشووقة السفر]

شوفي حبيبتي بالنسبه للبس لبسي دراعة استقبال كشخه ( شوفي عند سالي مودا )
ما انصحج بالبوفيه لان بزيد وينقط والناس بالاكل اذواق
انصحج تطلبين مقالي كبب وسمبوسه و ورق عنب و فطاير وسلطات الشخصيه وحلو بارد وحلو قهوه وشاي وبس
بالنسبه لورق العنب والسلطات و حلو جيز كيك عن تجربه انصحج بوحده شغلها ذرب ونظيف ولذيذ 90089463
فطاير وكبب في بنات وايد شغلهم حلو بالمنتدى

 

[ساندريلا]

حبيبتي سوي بوفيه كامل راقي ماادري مااحب سالفه التوزيعات الا اذا كان الاستقبال بالمستشفى حلو بس بالبيت احسه فشله
وكشخي لان بتكونين طالعه من الاربعين يعني جنج عروس لو كنتي بالاربعين جان انصحج بدراعه ناعمه

 

[الأميرة جوري]

رد : بنات بسوي استقبال وما اعرف بالضبط شسوي

رفع لعيونج

 

[^noonaa^]

شوفي حبيبتي انا سويت استقبال بعد الاربعين

لبست بدلة استقبال ورحت الصالون سويت شعري وتميكيجت وصرت جني عروس اسمالله علي

وحطيت بوفيه وحطييت توزيعاتي لانه تعبانه فيهم امسويتهم قبل لا اولد كنت بوزعهم بالمستشفى وماصار

وبس كان راقي وبسيط ابنفس الوقت

 

[عيون قتاله]

ومنكم نستفيد
ماعندي خبره بهالسوالف

 

[فراولة حمراء]

الحمدلله على سلامتح ومبروك ماياج اول شي لبسي دراعة استقبال فخمة وسوي شعرج وميك اب ناعم وطلبي حلو ومعجنات وعصاير ومقالي. وسمبوسه وتشيز كيك وورق عنب ومن هالحركات وبس

 

[Tender Heart]

رد : بنات بسوي استقبال وما اعرف بالضبط شسوي

هلا حبيبتي الف الف مبرووووووك ماياج .......... انا عن نفسي سولي حمولتي استقبال وعزمنا وايد نااس وكان بوفيه والتقديم كان حلو ومعجنات وانصحج لاتلبسين دراعه توج صغيره انا لبست بدله قصيره شوي وصبغت شعري ووتمكيجت بصالون كنت شي جني عروس .......... طالعه من الشر ياقلبي

 

[_Pure_]

تسوين بوفيه خفايف مالح و حلو و توزعين كاكاو حق الطالعين او ممكن توزعين شي ثاني مصاحف كوكيز اذكار توزيعات عطر دهن عود بخور انتي و كيفج و انا اقول الكاكاو احلا شي
عصاير تتوزع عالناس
جاي اسود و اخضر و قهوه عربيه عند الحلو
تزينين الصاله بورد طبيعي
تلبسين بدله ناعمه او دراعه و تسوين تسريحة ناعمه و مكياج
و تييبين خدمة مالوت الضيافه
و تسوين دعوه حق الاستقبال بمسج تطرشينه عالجميع و هم تتصلين عالحريم الكبار

 

[داريني]

حطي لج بوفيه بسيط موالح وحلو بس تكون في مواعين كشخه واطقم كلاسات واستكانات وقهوة كشخه
وفنتكي بالتقديم و ييبي سفرجيات يوزعون ويلبسون لبس موعد
وخلي استقبال على ثيم معين بالالوان

ولبسي لج دراعه استقبال القصيرة وقصتها فلو او واسعه علشان تغطي عيوب جسم عقب الولادة وخلي شعرج بسيط عنقوص او استشوار او ويفي ناعم وميكب بسيط

اهم قاعدة البساطة لازم تفرقون بين العرس وملجه واستقبال الولادة لا تخبون عمركم

 

[شعنون]

رد : بنات بسوي استقبال وما اعرف بالضبط شسوي

اول شي الحمدلله على سلامتك وممبروك ما يبتي
واذا حابه عندي لك توزيعات غريبه وان شالله تعجبك اذا حابه هذا رقم تلفوني
ام محمد 94412839