بنات بسجل بـ دار قرآن تعالو ساعدوني ؟؟

[a7ebah]

السلام عليكم بنوتااات


اناا ماادري وين احط موضوعي
:eh_s(10):

بس قلت اشوف واحطه هني

الحين انا افكر اني ادش دار قرآن

بس مو عارفه شلون اسجل وشنو المطلوب وشنو الي لازم اسويه
وانا بالعارضيه يعني وين اسجل بـ أي مركز

فـ ياريت الي عندها فكره عن هالشي تقول لي

اتمنى تساعدوني

 

[senioreta n7oola]

اعتقد بس بطاقتج المدنية
وصورة شخصية لج !
مايحتاج شهادة او اي شي ..
وترى شهادة دار القرآن تعادل
شهادة الثانوية
وبكل منطقة في دار قرآن
والله يوفقج حبوبه ..

 

[a7ebah]

مشكوره اختي

بس سؤال

انا بدون مو كويتيه

الطلبات نفسها للبدون ولا لا ؟

 

[RaWaNzA]

آب

آب

آب

إن ششـآء الله البنــآت يسـآعدونج حبيبتي

 

[(*ام عهــــد *)]

اب
اب

 

[أحلى البشر]

تسجلين بالعمريه اقرب شي لكم على ما اظن وعادي حبوبه البدون والكويتيه نفس الشي اخذي معاج صورة اخر شهاده لج
عاد وناسه دار القرآن انا كنت بالعميريه وناسه والدراسه والبنات والمدرسات هناك يفتحون النفس الله يوفقج

 

[a7ebah]

مشكورات حبيباتي

ومشكوره احلى البشر

بس ممكن اذا ما عليج كلافه تعطيني العنوان
اذا تذكرينه

وما قصرتو مشكورين

 

[dana1212]

عندج مدرسة الشيماء بالعارضيه بالليل تصير دار قرآن
بس اتوقع اللحين مافي تسجيل لان راح ينتهي الكورس
الا على بداية شهر 9

 

[عادت ذكرياتي]

أب


أب


الله يوفقج

 

[@ كويتيه @]

بالتوفيق يارب

والله شجعتيني على اني اسجل بدار قرآن

جزاج الله خير وهذي الافكار الطيبه
:*

 

[فروووووحه]

السلام عليكم

عندج مراكز واجد والانسب لج هو اللي تختارينه

عندج مركز العارضيه ومركز الفردوس ومركز العميريه هذول العصر
مركز صليبيخات مركز الاندلس مركز الفروانيه مركز خيطان هذول الصبح

دوام الصباحي من الساعه 8 لحد ال 12ونص
ودوام العصر من الساعه 4 لحد ال 7 وربع

الاوراق الرسميه اللي تحتاجينها اذا كنتي حابه تدخلين مطور تاخذين اخر شهاده + اي اثبات لج ( بطاقه الاحوال - ليسن او اي شي يكون مسجل فيه بيناتج الرسميه ) + 2 صوره شخصيه
اذا تمهيدي بس صورج + بطاقتج

الفرق بين التمهيدي والمطور
التمهيدي للي ماعندهم شهاده وحابين يتعلمون القران ويكون سهل بالنسبه للحريم الكبار لانهم اكثر اللي يدخلونه
المطور اللي بعد ماتتمين اربع سنوات تاخذين الشهاده وبعدها يختبرونج واذا توفقتي ونجحتي تصيرين محفظه قران فيمراكز دور القران فقط تابعه للاوقاف


بالنسبه للتسجيل يكون للتمهيدي كل شهر 9 اما للمطور كل بدايه كورس جديد لانهم يتعاملون بالكورسات عكس التمهيدي اللي يكون سنه


مميزات الخمس الاول ( المراكز اللي تجتاز الكورس مع الامتياز لها بين 100 لحد 60 دينار ) << للطالبات تمهيدي او مطور ولخريجات المطور لهم مكافأهـ نهايه كورس التخرج



هذا اللي ذاكرته واي استفسار بلغيني على الخاص



موفقه باذن الله



قبل لا تسجلين روحي وشوفي المركز اللي حابه تسجلين فيه ​

 

[روح مغليهآ]

شهر 9 تشوفين اعلاناتهم بكل مكان بالجرايد وtv وبكل مكان ويحطون عناوين المراكز وكلللل شي
الحين ترى ماكو تسجييل خلاص بيعطلون نطري شهر9 حزة التسجيل وشوفي الاعلانات والتفاصيل كامله

 

[a7ebah]

مشكورات حبيباتي هذا الي توقعته منكم

والله وقفتو معاي وساعدتوني عدل

مشكورات والله مادري شقولكم

جزاكم الله خير حبيباتي وياارب يتحقق لكم كل الي تبونه بحياتكم

 

[مهـآآآآوي]

عادي حبيبتي انا مع اختي سعوديات ومصريات وصوماليات وبدون ناس موظفه وناس تدرس دراسات علياوناس رابات منازل مع ذالك ما منعهم من العلم الشرعي الله يوفقهم.... ويوفقج يارب ​