بنات بسال عن ماليزيا

[Dloo3at^Ahaly]

السلام عليكم بنات بقيت اسال بجم اتكلف ماليزيا حق عشرة ايام مع فندق احنا اربع اشخاص 2 كبار و2 اصغار يعنى اقل من 11 سنه اصغر واحد ووين اسكن بماليزيا اى فندق وبجم سعر الفندق حق عشرة ايام ابى فندق حلو

 

[@ دهن العود @]

شوفى يا قلبى انا رحت ماليزيا مرتيين انا وزوجى

مره قعدنا 5 ايام بس بكوالمبور فندق 5 نجوم وتمشى وتسوق واكل مطاعم كلفتنى 1000 دينار

والمره الثانيه رحت اسبوعيين ورحنا 3 جزر وفنادق 5 نجوم كلفتنا 2000 دينار تقريبا

وما خلينا شى بخاطرنا

 

[أم حمني المزيون]

أختي دهن العود ..رحتوا مع قروبات مع السفريات والا حجزتوا بروحكم؟؟؟

 

[@ دهن العود @]

لا يا قلبى اول سفره حجزنا ونسقنا بروحنا

بس السفره الثانيه سوينا الجدول واخترنا الفنادق بروحنا بس اللى نسق لنا الحجوزات هناك وعطانا الاوكى شركة العربيه للسياحه بماليزيا

 

[أم حمني المزيون]

ما عليه دهن العود بمصخها شوية بالأسئلة ...تعرفين شقق فندقية زينة ؟..لأنه معاي عيالي ثلاثة فأعتقد أحسن من الفندق والا شرايج؟؟ ؟؟

ومشكووووورة مقدما .....

 

[banota]

اذا عندج يهال سكني في فندق برجايا تايمز سكوير فندق وشقق فندقية بمجمع تجاري وبالمجمع مكان العاب لليهال

 

[أم حمني المزيون]

حبيبتي بنوتا ..شلون أسعاره؟؟

 

[كويتيه تينن]

والله آنه سألتلج ابوي قالي تكلفج 2100 مع كلشي حتى تذاكر بس راح يفوق معاج شوي على حسب الفندق الي بتسكنونه واي سؤال الوالد موجود

 

[القطانيه]

موفقيين ياقلبي

 

[umlamis]

فعلا فندق تايم سكوير مناسب
فندق + مجمع تجاري + ملاهي للاطفال + سينما وقريب عل شارع بوكيت بنتانج >>>> شارع العرب


ورحله سعيده

 

[Samurai]

السلام .. والله كلفتني السفره .. 10 أيام انا وزوجي بس

التذاكر(لشخصين) + الاقامه + المصاريف من اكل ورحلات وتكاسي + المشتروات ( ما كثرنا بصراحه) ما حبيت سوقها

1400 دينار واقامتنا كانت بفنادق غاليه .. تتراوح اسعار الليله من 45 و50 وليليه بفندق لنكاوي لاقون ب 80 دينار

ورحله سعيده

 

[banota]

حبيبتي بنوتا ..شلون أسعاره؟؟

تقريبا سعر البروكلين (غرفتين و صاله ) 85 دينار
وهذا موقع الفندق
http://www.berjayaresorts.com/beachresort_timesquare.htm

 

[miamy]

اتوقعون الاسعار زادت عندهم واللا هذي اهيه؟؟

لأن الديره اذا صار عيها دوس تبدي تغلى