بنات بسالكم سؤال .. انة نفاس لي 5 ايام

[فراشة الرغد]

هاي بنات اشلونكم

حبيت اسالكم عن زيت الشعر وكريم الجسم والسنفرة ..
هالاشياء متى ابتدي استخدمها

انة سمعت يقولون لي لا تغسلين شعرج ..
بس انة متعودة على العناية .. اغسله كل يوم وما طايقته
غسلته بس يوم الي ولدت فيه ..

فيدوني بخبرتكم فديتكم ..

 

[انــــا احبك]

هلا والله وحمدالله ع السلامه تدهني عقب اسبوعين من ولادتج انا نفسج نفاس وامي تقولي موزين بس ماسمعت كلامها وتسبحت بس يفضل عقب العشرين يوم تبدين تسنفرين وتهتمين بجسمج ع ماتطيح خيوطج وترتفعين شوي اهتمي بأكلج الحين 

 

[فراشة الرغد]

الله يسلمج حبيبتي .. وانتي بعد الحمد لله على سلامتج ويتربى البيببي بعزج يارب
بنطر اكمل اسبوعين عيل ..
الايام بسرعة تركض ..

بسئلج سؤال دامج نفاس يا قلبي..
قالو لي اخذ تمر ورشاد .. كل يوم ..
لي يومين اكل منه بس احس الدم قام يخف
وانة الي اعرفه عن الرشاد انه يخفف الدم ..

الحين شنو الصح وشنو الغلط ..؟

 

[رشرشني بعطره]

هلاوالله حبيبتي .. الحمدالله على سلامتج.. انا بفيدج بما اني توني طالعه من النفاس ولله الحمد صارلي يومين
السبوح اثناء النفاس عادي وبالعكس نظافة لازم تنظفين شعرج وجسمج بس الجسم لاتفركين فيه حيل اللهم بس نظفيه لانج توج..
والسنفرة والمغربي وتحاميل التنشيف وبيتادين وهذيل كلهم خليهم على اخر عشر ايام ووايد بعد..
الحين اهم شي اهتمي بالاكل والاعشاب واللهوم وتدفي عدل علشان الرحم توه يبيله كل هالاشياء..
والتمرة والرشاد وااااايد زينه كنت اكلها ليمه تميت 30 او اكثر حيل نظفني .. والرشاد يطلع كل اللي بالرحم

وسوري طولت وقرقت واااايد وتطلعين من الشر ان شالله

 

[خبيرة اعشاب]

السبوح و الدهونات افضل بعد أسبوعين م الولادة
و الرشاد مع التمر افضل اخر ٥ ايام او اخر ١٠ لانه ينشف

 

[Mednight Rain]

اب اب

 

[om_3azoz]

انا يوم رديت البيت من المستشفى سبحت سريع وغسلت شعري ونشفته عادي كل يوم وترك اسبح

بعد العاشر دهان وسنفره وهل سوالف

 

[عبث طفله]

حبيبتي الرشاد ما تاكلينه الحين لاينشفج ويوقف الدم .. والحين توج ما صار لج اسبوع لازم يطلع كل الدم عشان تنظفين ورحمج يصير نظيف ..


خليج اول عشر ايام على الحلبه .. والدارسين والاعشاب الغوري ..

اخلي 20 يوم اكلي الرشاد


وعن السبوح حاولي بسرعه تسبحين وتطلعين من الحمام مو تطولين تفرك والخ .. عشان ما يدشج هوووا


والسنفره والخلطات لما يصير لج عشرين يوم يكون الخياط طاح ..

طالعه من الشر مقدما ,,

 

[تبطي عظم!]

الحمد لله على سلامتج

 

[حبوبة الأطفال]

أنا نفاس بعد

إن شاء الله أخر 3 أسابيع راح أبلش بالكريمات والخلطات والسوالف هذي

لكن الحمام المغربي ... ما ادري متى أبدى فيه

لأني والده قيصري؟؟؟

 

[بدووورة]

بنةتات ماقصرو انا انشالله مايقالي شي واخلص

 

[gannan99]

البنات ماقصروا بس لاتكثرين سبوح اول الايام

 

[ورده عنابيه]

اب اب

 

[ورده عنابيه]

اب اب

 

[ورده عنابيه]

الله يطلعج من الشر

 

[غيوووووور]

رفععععععععععععععععع لااله الا الله

 

[توتا حمرا]

استغرب من اللي يقولون لا تسبحين
السبوح لازم يكون كل يوم بس لا تطولين في الحمام
وسوالف السنفرة خليه بعد اسبوعين أو ثلاثة لين ما تقومين بالسلامة​

 

[ناتشوو]

السبوح عادي مو شرط يومي
متى مابغيتي
بس تنشفي عدل عقبه
وجففي الشعر عدل بالمجفف
واللي خايفة يدش هوا
ممكن تدهن بطنها بزيت دافي