بنات بسافر الكويت وابيكم بشغلات

[رقة فراشه]

السلام علليكم :yaaaaaarb:

انا بسافر الكويت
ابي اعرف الجو عندكم حار بارد حلو :eh_s(10):
عشان اخذ الحيطة :rerrerek:

وابي اسماء مجمعات حلوة
وفندق حلوة
واذا فيه محلات حلوة عطوني اسمهم


وبهيك اكون شاكرة لكم <3 :eh_s(22)::eh_s(22):

 

[ليمونة وزيتونه]

حياج الله تنورينا
اذا تبين سكن اسكني فندق كوستا علئ الخليج رووووعه واطلاله روووووعه
واذا تبين مجمعات عندج مارينا والافنيوز والمهلب والبيرق وكذا مجمع واااايد
واذا تبين العاب للأطفال عندج دسكفري العاب وملابس أطفال وماجيك في الافنيوز
وبروي وعندج هم مطاعم خاصه ع الخليج طبي وتخيري

اما بالنسبة للجو حاااار ينهار وبارد بالليل يعني معتدل

وسلامتج والبنات تفيدج

 

[نياره]

مجمع الكوت وسوق شرق ومول٣٦٠

 

[سراج الليل]

ياهلا ومرحبا فيج تنوريناااااا

انتي من ‏​​ؤيْــنَّ ؟ <<< فضوول


منطقة السالميه فيها شكثررر مجمعات بذكرلج جم واحد المارينا الفنار البستان ليلى جاليري شارع سالم المبارك .... وفي بعد مجمعات بس انتي تروحين بتشوفين


عندج الأفنيوز شاااااامل ماركات جناط صنادل مكياج عطور ملابس جهال بدل ساعات اكسسورات مطاعم كافيهات

360 طبعا كل الماركات العالميه تحصلينها فيه

سوق شرق في ملابس وكل شي حلو فيه

منطقة العقيله فيها مجمع البيرق حلو ورخيص وماكس والمعلم والليوان حلوين ورخاص

ابو حليفه فيها مجمع كويت ماجيك حلو ورخييص وفيها مطااااعم برى وصج هم السالميه فيها مطاعم

الفحيحيل اكبر تجمع للسوق فيها المنشر بذكرلج جم محل بودي شوب ، شادو ، كليرز ، روائع جنيف ، ونسيت الباجي

وفي الفحيحيل الكوت بذكرلج المحلات جاسنمال ، سامبا ، تناغرا ، زارا ، مانجو ، لاسنزا ، اويشو ، نكست ، الدو ، ناين ويست ، اكسسواريس ، اون تـُُااايـƮɪ̣̝̇М̤̣̲̈̇Ε̲̣̣̣̥ـٍْـم ،

مكياجي ، زهور الريف ، وجوه والباجي نسيتهم

وفي اجيال بعد حلو ورخيص وفي سنتر بوينت غني عن التعريف يهبل وفي مذركير وفي ماكس وفي مجمعات شعبيه اذا تبين للجهال بتحصلين اذا تبين اواني منزليه بتحصلين كل شي بتحصلينه

واذا تبين خام ( قماش ) عندج سوق البلوكات داخل بالديره شحلاته وادا رحتي لاتنسين تمرين سوق المباركيه يونسواذا تبين مكياج رخييييص ويهبل مري

سرداب الشايع

وان شااااااالله اكون فدتج

 

[رقة فراشه]

حبايبي مشكورين واييييييييييييييييييييييد
وانا من الشرقيةة

 

[shosho26]

لا تضعين وقتك الافنيوز شامل كل شي وانتي علا ذوقك شنو اللي تبين
الحين عندنا معارض دواوين تجنن امس أنا رائحه بيت بالعديليه كذا وحده عارضه وفي بعد كانت لبنانيه تسوي جناط تاخذ العقل تختارين اللون والجلد اللي تبينه وهي تسويلك الشنطه هي موجوده بس بالكويت وينفتح بعد٤ شهور بلندن واذا تبين اي شي أنا بالخدمة
*

 

[عزة وكبرياء]

البنات ما قصرو ويا هلاااااااااااا ويا مرحبا فيج بالكويت​

 

[حسن الخاتمة]

حياك الله بالكويت ومثل ماقالو خواتي واذا وقتك ضيق الافنيوز شمل كل شي والحين فيه ثلاث معارض بارض المعارض بمشرف لااطوفك فيها كل شي يخطر علي بالك الدراريع المصريه علي4 و5 و8 دنانير حسب الموديل واكسسوارات وجناط وال تبين

 

[حبيبه فايز22]

حياااج الله يالغلا تنورينااااا ...

مثل ماقالولج البناات الافنيررز فيه كل شي بس شووي غالي والمارينا والفنار وسوق شرق والمهلب و360وفي واجججد اسوواق بالكوويت الف سوق وسوق وكل واحد احلا من الثاااني حيااج وتشوفينهم بعيونج وبالنسبه للجوو حر حر حر الصبح الضهر موت حر بليل شوي براد بس هم حر اوف كرهت الطلعه حاااار

الصيف هب نسناسه ياحلوو الشتاء وياحلووو الدووه والناار <<< تبي تسولف هههه


حيااااج يالبيه المملكه يااحي الله ياهلااا والله .... وشكررن

 

[ام فهوووود87]

وين مكان بيت العديليه

 

[غـــنـــوجـــه]

حيااااااااااج الله ياغناتي تنورينا


الي قالت عن معارض مشررف متى اخر يووم للمعرض