انا من رايي طالما ولدج يرضع طبيعي تاخذينه معاج افضل ان قدرتي وان حبيتي لانه سفرتج شهر مو شويه تدرين شنو راح يصير
الحليب رزقه ولدج اللي الله عطا اياها راح يخف هاذا اذا ما جف وحرام تعب ال 3 شهور يروح كملي بعد 3 شهور ثانين يكون
خذا المناعه اللي يوصون فيها الاطباء اهم شي اول 6 شهور بعمر الياهل يرضعها طبيعي تالي كيفج اما تكملي ولا لا
وهمن راح يتعود على الممه وطعم الحليب الصناعي فممكن تلاقين صعوبه انه يتقبل صدرج مره ثانيه
وانا ام مثلج رضعت طبيعي وسافرت بولدي بعمر ال 4شهور كان ممكن اخليه لانه سفرتي كان اقل من اسبوع بس
اخذته معاي وطلعت بنتيجه الياهل بعمر الاشهر سهل انج تسافرين معاه لانه بس يرضع وينام بعربانته فعمره وايد
حلو وما يأذيج اما تعالي لي سافرتي ولدج توه يمشي ولا يحبي ماراح تقدرين عليه لازم تراكضين وراح وراه اما انتي
ولدج 3 شهور بس ماكو رضع نام ساعتين رجع رضع بدلنا بامبرز وبس ما شوف فيها تعب
اذا ما قدرتي تاخذينه مالج الا الحل الونحيد هاذا تاخذين شفاط الحليب وتشفطين وتثلجينه ولين رجعتي بالسلامه ياخذ الحليب
اللي خشيتيه حقه وهمن عالحليب فيج ما ينشف
