بنات بروووح دبي ...؟

[om janoona]

قووه بنااات
شلووونكم ..؟
بنااات انا ان شاءالله ناوية ارووح دبي صارلي 4 سنين مو رايحتلها وناسية الاماكن و اميد في أماكن يديدة طلعت
ابي اعرف جم اخذ حق 5 أيام
و ابي المولات و الاماكن اللي أروحلها ..؟
و عندي سؤال بعد منو راحت شاليها او منتجعات بره دبي
يعني بجميرة
وحدة من اهلنا سافرت الامارات و راحت جميرة و قعدت بمنتجع او شاليهات ما ادري شنو بالضبط بس تقول رووووعة المكان
يعني بحر و سباحة و غوووص ..؟
منو تعرف هالمكان
او منو راحت منتجعات او شاليهات بره دبي بجميرة ..؟
ولا تنسووون ابي الاماكن اللي بدبي شنو اهيا ..؟؟

ويعطيكم العافية
بليز بنات ردوا علي ولاتطنشووووني

 

[مسكـ الامارات]

والله ما اعرف الميزانيه إلي تحتاجينها بس على حسب صرفج في بنات يقولون 1000 دينار تكفي بدن تذاكر وسكن

المولات : دبي مول - الامارات مول - بن بطوطه - المارينا مول - الفيستيفال سيتي - مردف سيتي سنتر - ميركاتو - وافي سيتي

وحاليا القريه العالميه مفتوحه إلى نهاية مارس

جميرا في دبي

شوفي ميناء السلام - دار المصيف , فندق القصر في جميرا ,منتجع ومارينا ويستن دبي الميناء السياحي بيتش

 

[om janoona]

والله ما اعرف الميزانيه إلي تحتاجينها بس على حسب صرفج في بنات يقولون 1000 دينار تكفي بدن تذاكر وسكن

المولات : دبي مول - الامارات مول - بن بطوطه - المارينا مول - الفيستيفال سيتي - مردف سيتي سنتر - ميركاتو - وافي سيتي

وحاليا القريه العالميه مفتوحه إلى نهاية مارس

جميرا في دبي

شوفي ميناء السلام - دار المصيف , فندق القصر في جميرا ,منتجع ومارينا ويستن دبي الميناء السياحي بيتش

مشكورة حبيبتي
بس الفجيرة فيها منتجعات بعد
وفيها سباحة و غوص
وجم تبعد الفجيرة عن دبي بتاكسي ساعة ولا ساعتين ..؟؟

 

[مسكـ الامارات]

الفجيره فيها منتجعات

اكثر عن ساعه حوالي ساعه ونص إلى ساعتين ( الوقت على حسب الشارع )

 

[قلب الزعابي]

فيه فنادق فيها حوض سباحه خاص يعني داخل الجناح
جربت ارجان روتانا وناسه تسبحين براحتك بس الحوض مب كبيييييييييييييييييير
زين
على فكرة جمير في دبي نفسها فيها وااااايد فنادق ومنتجعات ادخلي موقع بوكينج دوت كوم
عن الصرف
مادري هذا شي راجع لج
عندج منتجع بانيان تري في راس الخيمه وتبعد عن دبي حوالي ساعه تقريبا واديين مدحوه بس ماقد جربته فيه حوض سباحه خاص بعد
لو تبين تعرفين الفنادق دخلي بوكينج

 

[om janoona]

مشكوووورين حبايبي
بس وين اروح بالفجيرة منتجعات
وين تنصحوني

 

[Huda.A]

هلواااااا



أولاً بنتوريييييين دبي الغاليه



شوفي دبي إذا تبين منتجعات فيها حلوه بس يعني مكس
مابتاخذين راحتج وااايد
دبي للسوق و المولات و السهرات روعه روعه

إلي لازم تروحين له

دبي مول كل الماركات و المحلات فيه - و إذا تبين شي ملموم على بعضه و صغير مردف سيتي سنتر
و الفيستفال ،
الجي بي آر وناسه بالويكند فليل تروحين - و مرسى دبي بعد حلو إذا عندكم شباب يشيشون و جذيه
و روحوا منتجع باب الشمس بالويكند روحوا الحضيره وااايد وناسه إذا تحبون السهر و من هالكلام .


لا تروحون الفجيره روحوا راس الخيمه
فندق بانيان تري البحر بما إنه دخلنا على الصيف
واااايد يهبل و فيه مسبح خاااص لكم و يقدرون يغطونه من ك صوب بعد
و يكون مطل على البحر يهبل وااااايد


روحوا بعد الخور و حجزوا لكم في المطعم العائم بس مب أي مطعم في مطعم
واحد إلي جداً راقي و أكله أنا أضمنه لج إسمه باتو دبي هو جذي زجاجي كله




و إنجوي

 

[sukrah]

والله دبي تكلف الميزانيه كبريها وخاصه وخاصه تاكسي هي بتكلفك أخذي الميترو أوفر واسرع

أنا سكنت بفندق بولماان كان روعه ويوفي الفطور جناان. وهو يكون فوق مجمع الامارات مول في مدينه خليفه روووعه

ومجمع الامارات مول جنان ودبي مووول روووعه ولازم تروحين مجمع التنين الصيني روووعه ومرسئ دبي روووعه جلسه كوفي علي البحر وترك بين الجاخور روووعه وفي

مجمع بن بطوطه

وسمعت عن للقريه العالمين رووووعه بس مارحت لها

وأبو ظبي في عالم فراري خياااااال
هذا الا ذكره

 

[M!SS.LOBY]

بالتوووووفيق