بنات بخصوص تحليل كلير بلو ؟؟

[سميره مملوحه]

قوه بنات شلونكم

انا حللت اليوم الظهر وباقي على دورتي 4 ايام
وطلع خط واضح سالب وخط ثاني موجب بس خفيييف واختفى

وقطيته تكرمون بزباله رديت عقب طلعته وشفت الخط الموجب صار شوي اوضح

ورحت اليوم سويت تحليل دم وطلع سالب

تكفون شالخربطه اللي انا فيها

علموني

 

[سميره مملوحه]

اللي صار معاها جذي تعلمني

 

[سميره مملوحه]

شدعوا بنات

 

[مذهلة2013]

حبيبتي هالتحليل انا مستخدمته يا يطلع + او -
مايصير يطلع + خط خفيف بالنص
لازم خطين واضحين +

شوفي نطري بعد يومين وسويه هالتحليل الصبح اول ماتقومين من النوم عشان يكون الهرمون قوي
ربي يرزقج بدال الضنى توأم

 

[New_bride]

انتي انتظري لوقت الدوره والله يرزقج اللي تتمنينه

 

[ام احلى بيبي]

هالتحليل يا يطلع لج + او -

انطري لي وقت الدوره وحللي احسن لج
والله يرزقج باللي تتمنينه

 

[سميره مملوحه]

مشكورين على دعواتكم بردتو قلبي
ويرزقكم وكل وحده محرومه

 

[# غنوجة بيبي #]

الله يرزقج

نطري تتأخر الدوره يومين او ثلاث

انا سويت بعد تأخرها باسبوع

 

[Dalalyv]

انا طلع لي نفسج قبل الدوره بثلاث ايام ونزلت هذا معناته سالب

 

[انتيكا]

سوي تحليل دم هرموني افضل مو سالب وموجب يبين لو عمر الحمل ٣ ايام

 

[برنسس أوراق]

صارت معاي
ترى اهو الخط يكون واضح يا موجب يا سالب
بس من تفكيرنا ورغبتنا بالحمال نونس نفسنا خط وهمي
ونقوم نحاتي وننطر وتنزل الدورة
انتي نطري لبعد موعدها بثلاث ايام على الاقل
وراح يبين معاج
والله يرزقج بالذرية الصالحة

 

[سميره مملوحه]

مشكورين وعساكم عالقوه
انا بنطر عيل لين موعدها والله كريم

 

[fofowa_q8]

الله يرزقج الذرية الصالحة عاجلاً غير آجلٍ يارب

نطري اذا طاف على موعدها ٣ ايام سوي تحليل

او اذا مستعيله نطري يوم الدورة وسوي كليربلو

الديجتال دايما يضبط معاي قبل موعد الدورة

بس اضمن لج نطري جم يوم