بنات باركولي و ادعولي و ساعدوني بنفس الوقت

[الدر المكنـــون]

السلام عليكم و رحمة اله و بركاته

شلونكم و شلون العيد وياكمو شلون الكويت حبيبه قلبي

باركووولي انشالله بسكن بيتنا اليديد عقب اسبوع بإحدى الدول====(مغتربة عن ديرتي الغالية )
ادعولي انه يجعله منزل مبارك و يبعد عني الوحشة لأن بعيده عن الأهل

و ابي منكم بليـــــز مساعدة ضرورية
ابي اعرف شنو اهم الأشياء اللي اسويها قبل لا اسكن البيت عشان تحل فيه البركة و يبعد عنا شياطين الانس و الجن و هالسوالف لاني اخاف و احاتي وايد و عندي اطفال صغار و الديرة تخرع بصراحة ...

في اشياء اسمع عنها بس ما اعرف طريقتها بالضبط مثل الملح بالزوايا على ما اعتقد ووو
ابي نصايح بليز

و هل في حل حق وييع وييع وييييع البراعصه لانها تكثر بالمنطقة

و شكرا

 

[ابلة رسم كتكوته]

الف مبروك ومنزل مبارك
والله يسهل عليج ويخفف عنج ان شالله
ولا تكتين ملح ولا شي
اقري المعوذات وسورة الكرسي
وبخري بيتج
وشغلي سوره البقره تطرد الشياطين من المكان
واذا قريتيها انتي بعد افضل
بس لما تطلعين شغليها
والبريعصيه مالهم حل النعال وانتي بكرامه لووووووووووووووووول
يلوع الجبد ما يموت بسرعه
سالي احد بالمنطقه نفسها اذا في كويتين ا عرب اكيد عانو منهم ولقو الطريقه
موفقه يارب

 

[الشامريه]

فمن سكن منزلاً جديداً فإنه يستحب له أن يقول عند نزوله: أعوذ بكلمات الله التامات من شر ما خلق. لما رواه مسلم عن خولة بنت حكيم رضي الله عنهما قالت: سمعت رسول الله صلى الله عليه وسلم يقول: من نزل منزلاً ثم قال: أعوذ بكلمات الله التامات من شر ما خلق، لم يضره شيء حتى يرتحل من منزله ذلك. وهذا يشمل من نزل منزلاً ينوي الرحيل منه كالمسافر، وكذا من نزل منزلاً ليقيم فيه، سواء أكان ملكا له أم لا.

 

[عهود الحب]

رد : بنات باركولي و ادعولي و ساعدوني بنفس الوقت

الله يبارك لكم فيه و يجمعكم فيه عالمحبة والمودة



بس حبيت ادعي لج



و نصيحة صلي ركعتين بكل غرفة منه انتي وزوجج وزعوا الغرف بينكم


و سموا وهللوا وانتم داشينه و طبعا لاتنسين الصدقة والاستغفاار

 

[نبض السعاده]

رد : بنات باركولي و ادعولي و ساعدوني بنفس الوقت

منزال مبارك

البقره لمده اربعين يوم

 

[<<لمار>>]

منزل مبارك ان شاء الله وشغلى البقرة فى البيت واقريها بعد ونفخى فى ماى ورشية بجوانب البيت

 

[أغلى حبيبه]

رد : بنات باركولي و ادعولي و ساعدوني بنفس الوقت

منزل مبارك ان شاءالله

اقري المعوذات وحطي البقره والله يحفظكم ان شاءالله من كل شر

الصراحه انا سمعت عن الملح الخشن تحطينه بكل زوايه البيت لانه الشياطين ماتحب الملح



بسسسس

مو مقتنعه بهالفكره

 

[استعجلت الرحيل]

رد : بنات باركولي و ادعولي و ساعدوني بنفس الوقت

منزل مبارك اهم شي سورة البقره على طول شغليها

والله يعينج على الغربه ويساعدج عليها

 

[الدر المكنـــون]

جزاكم الله الف خير