- إنضم
- 8 سبتمبر 2010
- المشاركات
- 143
- مستوى التفاعل
- 0
- النقاط
- 0
بسم الله الرحمن الرحيم
السلام عليكم ورحمه الله وبركاته ..
انا معاكم من زماااااان بس ما حبيت اكتب بعضويتي
بنات انا بنت نفس كل البنات حلمها بالحياه انها تدرس بأحسن الجامعات وتتوظف احسن وظيفه وتعيش احسن حياه
الحمدلله امي وبوي مو مقصرين معاى بشئ بس يحس اني سويت شئ لنفسي لذاتي خلصت ثانويه عامه عام 2006
وقلت ماني مسجله بالجامعه برتاح خلوها ع الكورس الثاني ان شاء الله وهمن كنا نحضر لبيتنا الجديد
عدت السنين سنه ورا سنه وانا اسجل بالجامعه الكورس الاول و الثاني وللاسف مافي قبووول نهااااااااااائي
طبعا كانت جامعه خاصه وكنت انتظر تخصص التربيه ع ما يفتح للاسف خلصت عمرى وانا اقووول فيه امل
خيره يمكن الله مايبي ادش تخصص ما احبه عدت 2007 وراها 2008 وراها 2009 وراها 2010 والحين 2011
تحطمممممت التربيه ما افتح والا حتي تم قبولي باى تخصص نسبتي كانت 69.9 يعني يقبولوني خمس سنين مرت بحياتي وانا ما شوويت شئ لنفسى ولذاتي اخذت دورة icdl ع احسس اني الاقي ويف بسيطه ع قدي ما خليت مكان
مستشفيات خاصه معاهد مدارس مراكز صحيه حضانات وللاسف همن ما يتم توظيفي مليت حسيت ان حياتي اصبحت ممله
ماعندي شئ غير الاكل والنوووم والتلفزنون وطبعا كانت حياتي مجلات وكتب وطبخ لتضيع الوقت قطعت علاقتي برفيجاتي لانهم متزوجات احس فشله اتصل عليهم يمكن وقتي غير عن وقتهم
بنات عمتي حريم كبااااار مو كبري / بنات خالتي مشغولات بالجامعه والدراسه يعني بس انا اللي ف العائله شاااااذه عنهم
حياتها ممله ومع كل هذا اقول الحمدلله انا مو ناقصني شئ بس حلمي اكمل دراستي
يوم 1-1-2011 دعيت ربي يغير حياتي للافضل وانا الحمدلله مواظبه ع صلاتي واقرا القران واستغفر ربي وااااايد
وانا الكبيره بعد بين البنات وفوقي اخوي الكبير عمري 22 سنه شهر ابريل بتم 23 سنه اللي مثلي الحين موظفات
الحمدلله ع كل حال ولله الشكر
كنت قاعده ع النت وفكرت ادخل معهد من المعاهد اللي المتوفره بمنطقتي واخذ تخصص كلها 9 شهور وتكون عندي شهاده احترت اداره اعمال / علوم كمبيوتر شامله / سكرتاريه تنفيذيه / شنوووو ما ادري
ابي اخذ تخصص يخليني اتوظف ف مكان فيه نساء فقط ما احب الاختلاط ..
او يخليني اسوي مشروع خاص فيني احترت وين احدد مساري كان حلمي تربيه مدرسه علم نفس من بكالريوس الي دبلوووووم حييييل متضايقه بس سبحان الله خيره من الله
ولله الحمد انا قرقت وااااايد عليكم اسفه اعذروني كتمت وايد اشياء بقلبي حتي لامي ما اتكلم مابي احرق قلبها
كل ما يتم قبول اقووول احسن جدامها بس قلبي يحترق سنين عمري وعمر النشاط والشباب يمشى وانا توني صحيت ع نفسي ارضى بقدري واللي كاتبه الله لي دبلووووم دبلووووم ما قلنا شئ
نسألكم الدعاء والمشووورة ...
