بنات اوربا ولندن سؤال مهم بليز اطير من الكويت الي لندن او فرنسا افضل ؟؟؟

[كويتيه عبسيه]

بنات اوربا ولندن سؤال مهم بليز اطير من الكويت الي لندن او فرنسا افضل ؟؟؟

--------------------------------------------------------------------------------

السلام عليكم بنات شلونكم :eh_s(4)::eh_s(4):

عندي سؤال ظروري جدا جدا..؟؟؟؟


ابي اروح لندن:ggdw: ....واوربا :ggdw:....وزلمسي وكابرون وفرنسا ويمكن سويسرا او المانيا؟؟؟؟سؤالي اهو

احجز التذكره من الكويت الي اي ديره بالضبط ؟؟؟؟؟فرنسا ولا لندن ...؟؟؟ولا ويين بالضبط ؟؟؟؟ ابي ديره تكون بالنص عشان مانتعب بالطريج

لان معاي اعيالي ..؟؟؟

وابي احسن طيران شنو بالضبط ؟؟؟؟؟



تكفون اللي تعرف تساعدني لاني محتاجه واول مره نروح اوربا ولندن ؟؟؟



ويزاكم الله الف خير ......................تكفون ساعدوني لازم نقرر هالاسبوع

 

[رمز الموده]

احجزي من هني احسن وروحي وكلهم حلوين

وان شاء الله البنات مايقصرون

 

[كويتيه عبسيه]

بنات انا قصدي .....انا بروح لندن وفرنسا وهذول يم بعض ....وبروح اوربا شلون الطريقه احجز من الكويت الى وين؟؟؟؟الى ميونخ او وينبالضبط؟؟؟؟؟؟

لان لندن وباريس يم بعض واوربا بروح...........


واي طيران احسن ..؟؟؟؟

 

[In Geneva]

شوفي مخططك هذا كنا كل سنة نسويه بالصيف قبل بس بدون فرنسا

ألحين قمنا نخلي سفرنا لدولة أو ثنتين بس


اقترح عليك

تحجزين لميونخ على طيران الامارات


وتقعدين ليلة أو ليلتين

بعدين تروحون زلامسي أو كابرون يم بعض حيل 4 ليالي

بعدين تروحون مدينة اسمها برينغز تقعدون ليلة وهذي تطل على بحيرة كونستانس اللي تشترك فيها النمسا وألمانيا وسويسرا

وعقبها تروحون إنترلاكن بسويسرا 4 ليالي

عقب فرنسا وعدد اليالي اللي يناسبكم لاني ما زرتها لاننا ماتشجعنا نزور باريس نفسها كل بمدن فرنسية قرب جنيف

بعدها لندن بالقطار اليورو ستار وعدد الليالي اللي تناسبكم



ممكن بعد انترلاكن تقعدين بلوزان أو جنيف مع إني أفضل لوزان على جنيف بالصيف ومن بعدها باريس

لأنه من انترلاكن لباريس الطريق طويل حوالي 8 ساعات 7 ساعات

عموما حطي في بالك المناطق اللي ودك تزورينها يبيلها حوالي 23 يوم موأقل

ويبيلها ميزانية

لانه ألمانيا وفرنسا ولندن غاالين
سويسرا عندي أهون


يعني ممكن طيرانك يكون وصول لميونخ والعودة من لندن




وغذا تبين مخطط أفضل

إلغي ألمانيا وزلامسي

وروحي انتر لاكن أحلى من زلامسي

ترا زلامسي تغيرت ماهي الاولية

ممكن تحجزين على الاماراتية

زيورخ

تروحين

انترلاكن

لوزان

باريس

لندن جذي أحلى


واي مساعدة او استفسار حاظرة

 

[راعية_الجمس]

رد : بنات اوربا ولندن سؤال مهم بليز اطير من الكويت الي لندن او فرنسا افضل ؟؟؟

انا ما انصح تروحين اكثر من دولتين بسفره وحده

عالعموم انا اقول اول شي روحي فرنسا وبعدين تعالي بالقطار اللندن ومن لندن في طيران اوربي رخيص اسمه ريان ايير ryanair
عندهم عروض وايد حلوه يعني الحين اي مكان باوربا ب 6 باوند التذكره والله مره سافرت بباوند بس لازم تحجزين مبجر يعني تحجزين عن طريق موقعهم بالنت من الحين وتنسقين التواريخ
ملاحظه الدول الاوربية تحتاج فيزا شنغن اما بريطانيا مو مشموله بالشنغن يعني لازم تفيزين فيزا ثانيه علشان لا تتوهقون

 

[ترتر زري]

أنا أنصحج تروحين لندن بالطياره بعدين تروحين باااغي بالقطار

وبالنسبه للطيران على حسب ميزانيتج وأنصحج بالبرتش أير وويز

 

[دلوعة أبوهآ]

روحي لندن أول بالبرتش .. وبعدين بالقطار ع باريس ..

 

[bent-36a]

رد : بنات اوربا ولندن سؤال مهم بليز اطير من الكويت الي لندن او فرنسا افضل ؟؟؟

انا بعد ودي ازور انتر لاكن ادعولى اروح لها