بنات انا في الكويت ممكن

[دمـوع الشـموع]

السلام عليكم
كيف حالكم
انا الحمدالله وصلت امس الكويت
وحاليا اسكن المارينا
ممكن تدلوني على اماكن ممكن اطلع لها سيرا على الاقدام غير مجمع المارينا
ابغى فزعتكم كويتيات
لاني الصبح اكون جالسه انا وولدي نبي نطلع نتمشى:0bee2e8d89:

 

[شندوخه]

شوفي حبيبتي دشي المارينا وعبري الشارع من ورا صوب انرجي وفولار في باب يطلعج على السالميه فيها مجمعات الفنار وماركس سبنسر والسالميه الحوش معروفه بمحلات الجواتي عزج الله ويم الفنار في مجمعات زهره وليلى

 

[دمـوع الشـموع]

ياقلبي الف شكر لك
بس ممكن لسماء محلات تبيع لبس حلو غير الماركات

 

[سمسميه]

شندوخه كفت ووفت
بالنسبه للمحلات الي تبيع لبس عادي عندج ماركس سبنسر وتقريبا اغلب محلات الفنار
وحوش السالميه الي يصير مقابل المارينا كله وحلات بسيطه وشعبيه تبيع لبس للبيت وبجايم وعب اطفال كلها اشياء رخيصه
وحياج الله في بلدج الكويت

 

[دمـوع الشـموع]

مشكورين خواتي

 

[شيهانه]

حياك الله .. ونورتي انتي وولدك الكويت ..

روحي تمشي لي المارينا وويفز القعده هناك حلوة صوب ماكي ..

واذا تقدرين تعبرين الشارع .. روحي مجمع زهرة او بينه وبين المارينا بس الشارع الي صوب الاشاره ويكون على البحر هذا صج خوش مجمع كله ملابس حلوة ماركات وغير الماركات وطلعي منه روحي الفنار كله محلات ويمه البستان ويم البستان ليلى جاليري ويم ليلي جالري مجمع مريم وكلهم فيهم ملابس

 

[دمـوع الشـموع]

مشكورين جدا
بس المشي قصدكم من بعد ماركس وسبنسر؟

بصراحه اليوم الجو غبار شوي ماينفع للمشي

 

[شهدQ]

مشي عندج قريب مجمع منيره تحت سوق شعبي وفوق شحاطات ويمه هم سوق عباره عن حوش شحاطات وهم الجوهره قريب يم مجمع منيره هم سوق شعبي ومجمع الاذينه بنفس الشارع الخاص بالمارينا شغل الصالون من الى

 

[دمـوع الشـموع]

مشكورين جدا جدا
وللاسف الرحله بنهايتها
باقي بس يومين وارجع الرياض
يالله عاد ادعودكم لزيارة الرياض وانا مستعده لمساعدتكم لانكم ساعدتوني كثير