السلام عليكم حبوبات
انا اختكم من البحرين ومتزوجة كويتي وتوني منتقلة الكويت من فترة بسيطة
وحاليا قاعدة أشوف أثاث جديد لشقتي لأن كنا حاطين شي مؤقت والحين بأسويها على ذوقي
المشكلة الاولى ان زوجي الله يصلحه حط لي سيراميك أسود في الشقة كلها !!! :eh_s(4): تصوروا !!!
والحين عايشة في كآبة وأبي أعطي الشقة منظر مشرق وفاتح مو عارفة شلون
صالتي هي المكان الأساسي اللي أبي أسويه
فهل ممكن تقترحون علي الشكل العام يعني القنفات شلون يكون ستايلها ولونها
والسجاد بعد والستاير
أبي صورة متكاملة الله يخليكم لأني فاشلة في الديكور وماعندي خيال
والطلب الاخير لو سمحتوا وين ألقى سجاد زين ... أقصد القطع طبعا ...
مابي النوعيات المنقوشة التقليدية ملوت تركيا وايران وبلجيكا
لا أبي شي عصري وبسيط سواء كان سادة أو برسومات بسيطة
عطوني اقتراحات بليز لأن زوجي ماعنده فكرة .. وبس رحنا ذاك اليوم هادي سنتر بالضجيج وبنتا ... بصراحة ماشفت شي يسر
مشكورين والله مقدماً .... لاتخلوني محتاسة بليز لأن ماعندي ولا صديقة في الكويت :eh_s(2):
