بنات انا صارلي 11 يوم بالانفاس بس ماسويت سوالف الانفاس ممكن اتفيدوني

[سُوالفي حلوة]

عزيزاتي اكون مشكورة اذا فتوني مثل ماكتبت بالعنوان يعني ماكلت لهوووووم وغير جذي كله عطشانه وحيل اشرب سوايل رغم ان اقرا ان موزين ويسوي ارطوبه .. وغير جذي ماقمت اشوف دم اتمنى اتفيدوني باشياء اسويها عشان اصير زينه من ناحيه الاحم احم واذا في شراب تنصحوني فيه اتمنى بالمقادير
والله يوفق ويسخر حق كل وحده اترد علي يارب

 

[سُوالفي حلوة]

بس اكل حسوووو غيرة ماعرف

 

[@ دهن العود @]

الحمدلله على سلامتج

وحبيبتى لا تحاتين سهليها تتسهل

بالنسبه للسوائل عااادى لازم تشربين لانها اهى اللى تنظف الجسم

شربى اعشاب وزنجبيل وشوربه وحطى فيها رشاد

 

[سُوالفي حلوة]

دهن العووووود اشكرج اختي عل مشاركه والنصيحه تسلمين والله يوفقج يارب

 

[حرم يوسف بيك]

رد : بنات انا صارلي 11 يوم بالانفاس بس ماسويت سوالف الانفاس ممكن اتفيدوني

اشتري من الحواي جاي قوري ضروري وشربي يانسون وشربي زعتر وكمون وحلبه بس بالضبط متى يشربون الحلبه جنه بس اول 10 ايام اكلي رشاد مع تمر سويه نفس التمريه والحسو وايد زين والعصيده بعد واذا بغيتي اتسوين اي شي تشربينه مو تحطينه مع الماي وتفوحينه لا تروح فايدته لما الماي يغلي ويخلص حطي الاعشاب بقاعه المطاره وصبي فوقه الماي وفي عشبه نجديه عند الحواي يقول مفعولها مثل اللهوم

 

[فـراوله]

رد : بنات انا صارلي 11 يوم بالانفاس بس ماسويت سوالف الانفاس ممكن اتفيدوني

لا تحاتين ان شاءالله سهالات

وأنا بقولج من تجربتي اللي سويته وهذا كله بنصايح البنات جزاهم الله خير


1- اللهوم عباره عن :

فلفل أسود - رشاد - كمون - حلبه - محلب - مسمار

اطحينيهم كلهم ما عدا الرشاد واخلطيهم مع بعض وحطيهم بعلبه والهمي قد ما تقدرين باليوم

3 مرات أو 4 مرات وشربي وراه قلاص ماي .

طبعا كلهم بكميات متساويه ومثل ما تبين يكفيج لجم يوم سواء تسوين وايد

ولا اشوي بس أهم شيء الكميات متساويه .


2- اشتري من العطار جاي قوري وسوي الطريقه المكتوبه على الكيس .


3- اشتري من العطار النقوعه وهم سوي الطريقه اللي مكتوبه على الكيس .


4- اشتري عنزروت من العطار واخلطيه بشوي ماي وسويه كور صغيره وأكليها مرتين باليوم

بعد الوجبه لا تأخذينها على معده فاضيه .


5- جيبي بطل ماي صحه وحطي فيه :

10 حبات محلب - كسرة مره - كسرة مغل - شويه حبه سوده وتصبين فوقه ماي دافي

وخلصي بطل باليوم وكل ما نقص زيدي الماي والكميه وتقدرين تشربين أكثر من بطل باليوم

وااااااااااايد حلوه استمري عليها وصج صج بتحسين بالفرق من تحت .


6- جيبي من العطار قشر القهوه وأطحنيه وحمسيه وسوي قهوتج كل يوم وضيفي عليها

قشر القهوه بس الأفضل تخلين قهوتج دايما ما تخلى من الزنجبيل والمسماااار وااااااااايد يفيد


7- طبعا لا تنسين المشروباااااااات الحاره واااااااااايد زينه ومفيده وتنزل كل الدم والوصخ

الزنجبيل - الحلبه - الدارسين - الزعتر - المغاااات - واشربي شوربه وحطي معاها فلفل أسود أو أبيض

ويفضل الأبيض وحطي معاها رشاد .

والحلبه استمري عليها لين الـ 20 أو 25 يوم وبعدين قطعيها .

8- سوي هالغسوووول وغسلي منه لمدة شهر يوميا وبعدها خليهم 3 أيام بالأسبوع

بابونج - مره - ملح فارسي - قشر رمان مطحون

يخلطووون مع بعض وحطيهم بطل ماي صحه وصبي فوقه ماي حااار

انقعيهم يوم كامل في البطل وبعدين بلشي استخدمي الغسووول يوميا وكل ما دخلتي الحمام


9- آخر 3 أيام قبل طلعتج تبخري ببخور الهوااا ومن اليوم الـ 30 بلشي تحطين

تحاميل بيتادين يوميا قبل النوم حطيهم ونامي بسرعه .


10- اشتري من العطار صابونة فرجتني وصابونة المره والصبار وغسلي فيهم من تحت

يوميا وكل ما دخلتي الحمام .


11- أهم شيء تدفي عدل ولبسي بنطلون طويل دايما ودلاغاااااااات .


12- طبعا لا تنسين اكل النفاس

الحسو والعصيده والمرقوق والقبووط أكليهم بس أول 20 يوم وبعد الـ 20 يوم

خلي أكلج مشاااااااااااوي عشان المتن .


واستمري وسوي اللي قتلج عنه وبتحسين بفرررررق كبيرررررر والتزمي فيه


وان شاءالله تطلعيــــن احلى عروووووووس







​

 

[سُوالفي حلوة]

حرم سوسف بيك: اشكرج حبيبتي عل مشاركه والله يوفقج يارب وسهل عليج كل صعب.

فراااااااوله : مشكورة كفيتي ووفيتي ماقصرتي والله يسخرلج وسهل عليج كل صعب يااااارب

 

[زينانه]

اهم شي يكون اكلج حارودافي وتبعدين عن البارد وحطي باكلج فلفل اسود ورشاد واكلي مردود واعجني تمربرشاد وسمن

 

[دمع القلوب]

ما قصرت فراوله بصراحه

 

[الــــغاليـــه]

رد : بنات انا صارلي 11 يوم بالانفاس بس ماسويت سوالف الانفاس ممكن اتفيدوني

حبيبتي هذا موضوعي ان شالله يفيدج http://www.q8yat.net/showthread.php?t=786008&page=2​

:friends: