بنات انا جنيت

[sha!o0oma]

السلام عليكم


بنات انا صار لي 6 اشهر متزوجه وللحين ماحملت بنات جنيت من كثر ماافكر في الحمل وليش ماصار هل فينا شي ولالا ونفسيتي تعبت كل شهر اقول هالشهر انا حامل وتنزل الدورة على واضايق وعقب احس الدنيا سودة ارقد واقعد وانا حزينه وقعدتي على النت بس عن سوالف الحمل ومتى ايام التبوبض والمشكله اختف اروح احلل وانصدم واقول بصبر بس يمكن اجن ماقدر اشيل هالفكرة من بالي اي احد اجوفه اكلمه عن هالسالفه بناااااااات شاسوى سمعت التفكير في الحمل يأخره نفسييييييييييييتي تعبااااااااااااااااااااانه احس ان الدنيا سودة بعيوني ادعوا لي اني احمل دعوه في ظهر غيب مستجابه


بنات في احد مثلي جذي ولا انا مرضت وصار فين اكتئاب يعني؟؟؟؟؟؟؟؟؟


حتى امي تقول خلاااااااص لاتقرين عن الحمل ولاتفكرين فيه خلااااص شيلي من بالج بس موقادرة قاعدة اصيح على حالتي وليش تفكيري بس بالحمل صرت كأني عجووووووز من التفكير وكأنه في الدنيا مافي شي غير الحمل واحس اني ناقصه عن الناس وخصوصا ماشاء الله تبارك الله اهلى واللى تزوجوا عقبي حملوا ماشاء الله وادرى ان هالشي ارزاق وانا راضيه مواغار من احد بس نفسيتي وتفكيري بس عن هالشي صار ماافكر بشي ثاني

شاسوى بنااااات انا جنيت او جريب اجن:0bee2e8d89:

 

[كويتية ورديه]

حبيبيتي تعوذي من ابليس الله سبحانه رحيم بعباده .. وان شاءالله ربي بيعطيج بس لهي نفسج واستغفري كثري الاستغفار .. اشتركي بنادي .. كل يوم سويلج جدول وروحي امشي سوي اكسرسايز ,, لاتفكرين وبعدين حبيبتي 6 شهور تو الناس .. انا 3 سنين وقاعده اعالج ولحد الحين ماحملت 3 سنين مو 6شهور

 

[sara_77]

حبيبتى هذا ابليس يسوى فيج جذى وكلما خليتى نفسج للتفكير كلما رحتى معاه
المهم انا اقولج نصيحتى وترا الكل يفكر مو بس انتى حتى لو نلهى عمرنا شوى لالالازم يرجع المخ يحوس بهالفكره وهذى غريزه الله سبحانه وتعالى حطها فينا انا اقولج انتى لازم تتغلبين على تفكيرج وعقلج يعنى انتى فكرى بينج وبين نفسج واقنعى نفسج اذا فكرتى وفكرتى وضاق خلقج وشفنى غيرج عيالهم قاعدين يكبرون واحنا ليما الحين على وضعنا يعنى ونهاية التفكير شبتفيد بتخليج تحملين لا بالعكس راح يخلى هالشى يتاخر فبدل ما انتى تفكرين بشى غير مفيد خلى بالج مشغول بوقتها بوقت اللى تفكرين فيه على طول خلى ببالج الاستغفار او ربى لاتذرنى فردا وانت خير الوارثين او افوض امرى الى الله ان الله بصير بالعباد وبعدين تشوفين نفسج نسيتى الموضوع وراح من بالج وانتى مرتاحه نفسيا

 

[mememoon]

واللة حاسة فيج اهو صعب الواحد ينسي هالشي .. بس 6 اشهر توج لا تحاتين انا صارلي 4 سنين وما بقي دكتور مارحت وما بقي شي وما سويته .. بس اهو الشي ارزاق وكل وحدة ونصيبها ., ادعي اللة بهالشهر الفضيل .. واللة يرزقج ويرزقنا كلنا يااارب ..

 

[كويتيه مذهله 87]

صاجه امج الي مأخرج حملج انج تفكرين وااايد

 

[ام نوونه]

توا الناس حبيبتي عادي انا قعدت سنه ماحملت عادي
واذا اننتي خايفه وقاعده تحاتين روحي الطبيب
وجيكي على نفسج مع ان توا الناس المفروض بعد
سنه بس اذا انتي حدج خايفه روحي اتطكني وانشالله
مافيج الا العافيه وتعوذبي من ابليس

 

[أم لطووف]

حبيبتي كثري من الاستغفار بنية الحمل وكوني متيقنه ومتأكده إنه ربي بيرزقج اليوم قبل باجر...وربي يرزقنا وياج عاجلا غير أجل يارب العالمين

 

[مهرا احلى مهرا]

اقولج حتى انا صارلي ست اشهور وما حملت ومثلج افكر حيل لا وبعد اكثر منج اذا جتني الدوره ابجي وهاذي حالتي من اول ماتزوجته بس الله كريم ورحت الشهر هذا اول يوم وره سويت فحوصات اولشي سونار داخلي وطلعت الحمدالله سليمه بس كان عندي هرمون الحليب مرتفع شوي والحين قاعد اخذ علاج والدكتور عطاني بالدوره كلوميد عشان ينشط المبايض واحمل انشالله باذن الله وخذيت ابر بعد ترا النفسيه تلعب دور انا من كثر التفكير تلخبطته هرموناتي مع اني سليمه ومو متينه بس التفكير لازم نشيله من بالنا انابسافر بالعيد عشان انسا يعني الهي نفسي وانشالله احمل وانتي بعد سافري او اشتركي بشي اوكثري طلعاتج والله يرزقج بالشهر الفضيل ويرزقنا جميع قولو امين

 

[ba6re8a]

7abebbti tawach 6 months metzawja

 

[Joody]

لاتفكرين وايد وانشالله الله بيرزقج بعدين ليش مستعيلة توج عروس استانسي وطلعي مع ريلج وعيشي حياتج يعني اذا زعلتي نفسج بتحملين انشالله مافيج إلا العافية بس حاولي تنسين موضوع الحمل وانشالله بتحملين

 

[ملكه الحطب]

ويييييييييييييييه تو الناس عليج

انا الحين لي سنه و4 اشهر للحين ماحملت وشهر نبجي وشهر نرضى ومره نفكر ومره ننسى وكله نفس النتيجه بس الحمد الله ياربي الحمدالله

 

[مـــــاسة]

الحمد الله على كل حال اكثري من الاستغفار بنية الحمل والله يرزق كل محومة أأأأأأأأأأأأأأأأأأأأأمين

 

[الريشة]

ترى الوحدة غصبن عليها تفكر بهالشيء أدري حبيبتي
بس حطي في بالك إن ربك راح يخليك تحملين إن شاء الله في الوقت المناسب لك
يمكن الحين مو خيرة لك تحملين بس انتي ما تعلمين الغيب
و اذا تحاتين روحي الطبيب و شيكي على نفسك و حتى زوجك بعد خل يفحص معاك
اقري سورة البقرة على طول و سورة آل عمران و مريم و ياسين
و كثري صدقات و سوي كافل يتيم و ادعي بهالشهر و استغفري
و لعبي رياضة ترى الرياضة تنشط كل أعضاء الجسم و تقوي الرحم و تعدل النفسية

 

[$$لامار$$]

الله يرزقج انشالله

 

[WaChoCha]

البنات ماقصرو بس اذا هالشي مضايقج روحي سوو فحوصات شاملة انتي وريلج وان شاء الله مافيج الا العافية بطلي تفكير وانتي بتحملين ان شاء الله

 

[دندنه23]

الله يرزقج ان شاءالله بالشهر الفضيل استغفري وتصدقي

 

[ما في مثلهااا]

عليج بقيام الليل والا ستغفار

 

[نيبال الايمان]

ياعمرى اول شى بقولج يا عسى ما يمر هالشهر الفضيل الا وانتى مبشرتنا بخبر حمالج اللهم امين يارب

ياعمرى ترى التفكير والمحاتا هى اللى تذبح وتدمر الواحد فيا عمرى توكلى على وقولى يارب وادعى وادعى وادعى بهالشهر الفضيل وخاصة اخر الليل وان شاء ما يمر الشهر الا وانتى حامل 000

انا ما راح اقولج انسى الحمال ولا تفكرين فيه لانه مستحيل بس كل ما لقيتى نفسج فكرتى بالحمال استغفرى الله وادعى الله يرزقج وان شاء الله الله بيرزقج عاجلا غير اجلا اللهم امين يارب

وعسى الله يرزقج ويرزقنى ويرزق كل محروم ومحرومه منهم عاجلا غير اجلا اللهم امين يارب

 

[نكهةالبرتقال]

تعوذي من ابليس و ان شا الله رزقك ياي ، أنا صارلي 13 شهر انطر الحمل و داشة بالشهر 14

و سليمة تماما انا و زوجي و لله الحمد، لكن انطر رحمة ربي و انطر الفرج

اصلا مايصير تعالجين إلا بعد سنة من المحاولات و هذا كلام معظم الدكاترة ، لا تستعجلين علة نفسك و تاخذين ادوية ما تحتاجينها

 

[شوشه الحلوه]

حبيبتي توج الناس تقعد 6 سنين و10 سنوات ومايفقدون الامل عسى ربي يرزق كل وحده بالذريه الصالحه بهالايام الفضيله وان شاء الله مافيج الا العافيه وان شاء الله ماتكملين سنه الا وبطنج ياهل انتي لاتحاتين واستانسي توج عروس