بنات انا ان شاء الله اليوم الفير رايحة لندن

[احلا كويت]

السلام عليكم ..
شلونكم شخباركم ؟؟
بنااات انا ان شاء الله اليوم الفير بسافر وبغيت اعرف كذا شغلة ..
ابي اهم الاشياء الي لازم اشتريهم من هناااك غير الشالات و عطور الي مو موجودة بالكويت وجواتي من جينا .. ابي شغلات حلوة من لبس ووو بس موجودة بالكويت وبليز ابي اسامي المحلات معاهم ومشكورييييييييييييين ..
بليز ردو بسرعة لان ما يمديني ..​

 

[mr000]

تروحين وتردين بالسلامه ان شاءالله! انتي روحي سيلفريجز وويستفيلد مول ونيو بوند ستريت والآوت لت في بستر فيليج وهناك راح تقررين شنو تاخذين!يعني قصدي تشوفين شغلات تعجبج! المكياج أخذي من انجلوت في ويستفيلد مول بنتي توها راده من دبي وشاريه منه ألوان الشدو حلوه وكريم الأساس وعموما مكياجه حلو وعندج بعد مكياج ماك! والعطور دوري بهارودز وسيلفريجدز اللي يقولون لج عنهم أكسكلوسف يعني مايوصلون الخليج ألا بعد أشهر عطورهم حلوه وثابته والله أنها غير اللي بالكويت حتى لو تشوفينها موجوده هني! اذا تلبسين تريننجات مخمل بالشتا راح تلاقين بسيلفريدجز وويستفيلد مول! وبدليج على سنفره للجسم تهبل ماركتهاsoap& co وايد تنعم الجسم تلاقينها في ويستفيلد مول! وعندج بريمارك راح تلاقين فيه أشياء وايد واذا تبين جنطه ماركه اخذيها من لندن ترى أرخص من الكويت وخليلج فلوس حق المطار وانتي راده ترى الماركات أرخص من داخل لندن لأن بدون ضرايب

 

[mr000]

أختي فتحي على تجمع المسافرات ألى لندن شهر 7و8 وراح تلاقين شغلات وايد البنات كاتبين عنها وأسماء عطور وأسواق!