بنات الي يصير معاي امر طبيعي ساعدوني ربي يساعدكم :(

[فراشة الكويت25]

السلام عليكم

انا سويت حقن مجهري في شهر ثمانيه هذا

من انزلت علي الدوره طبعا منتظه دورتي
بس ورا الدوره لي الحين اتيني الام بالرحم نفس الم الدوره

وفيه انتفاخ بسيط صوب المبيض تعرفون بنات جنه لما تتأخر عليج الدوره مو يصير انتفاخ صوب المبايض

وحدي خايفه ..
يبت توني مدلكه صينيه سوتلي مساج لان احس جسمي بعد العمليه كله يعورني وفيني ارهاق وتعب
بس قالتلي شغله
انا الصراحه بنات ما اشرب ماي يعني ان كثرت بالاسبوع كوب
كله عصاير
فقالت لي حق الحمل لازم ماي لان الياهل يعيش عليه اذا الجسم مافيه ماي اشلون تبين اتحملين
والشي الثاني قالت لي رحمج اشوي نازل
ورتني انه لازم يكون تحت السره اهو مكان البيبي بس انا نازل اشوي
سوتلي تدليك صوب المبايض بس حده يعور
بنات شنو تنصحوني اخليها اتسويلي بعد مساج او اروح الدكتور او هذا الشي عادي عشان توني مسويه عمليه الحقن المجهري
بنات تكفون ربي يرزقكم بهالشهر افضيل لا اتخلوني محتاجتكم :0bee2e8d89:

​

 

[فراشة الكويت25]

بنات وينكم اشدعوه

 

[رووح حبيبي]

يمكن كلامها صح بالنسبه للنزول الارحام
ومحد يعرف للنزول كثر الحريم
بس بالنسبه للانتفاخ اللي صوب المبيض
انا اقول سوي سونار احسن عشان تطمنين
والماي الدكتورة قالت لي اشربي ماي وايد
وخصوصا بعد الترجيع
والله يرزقج ويرزقنا بهالشهر الفضيل

 

[mosta7eel]

والله حبيبتي ماعندي فكرة
بس استغربت اشلون انتي
ماتشربين ماي ترا مو زين
قلته تسبب التهابات بالبول
وغيره لااااااازم تشربين ماي
وايد (وجعلنا من الماء كل شي حي)

 

[bint_al8omar]

ماعليج شر ان شالله والله يرزقج من غير عمليه بالحمل عاجلا غير اجلا يارب بس عندي جم سؤال حبيبتي انتي وين سويتي عمليتج وهل في الم ولا بنج لاني راح اسوي العمليه وخايفه حدي اول مره راح اسويها

 

[فراشة الكويت25]

انا سويتها عن البكري بالسلام
لا ما اتخوف
انا قبل العمليه الصراحه خفت وبجيت والله امي والدكاتره اخترعوا (هههههههههههههههههههههه)

لان صج ياني شعور بموت وبيحطولي بنج وايد بس الحمد الله لاني استغفر الله ربي لا اعتراض على امرك
اكره العمليات وانا جبانه
ربي يكتب لج الذريه الصالحه

روح حبيبي انا شربت ماي الصراحه موايد بالترجيع يمكن عشان جذي ما ثبتوا لان اتقولي الصينيه انه جسمي مافيه ماي والاجنه اتعيش على الماي
جسمي من شافته قالتلي انتي ما تشربين ماي

والله قاعده احاول استغفر الله ما احبه
ربي ديمها علينا يارب
بس هذا الصج قاعده اتغصب على قلاص واحد باليوم

فالحين قاعده احاول اشرب ماي وايد لان شهر عشرا بعيدها

 

[$غــ(ز)ــل$]

ماتشوفين شر حبيبتي

شوفي اول شي ترا الماي مهم للانسان
يعني سواء ناويه الحمل او موناويه لازم تشربين مااي 6 او 7 قلاصات باليوم

وانا اقول راجعي الدكتور وشوفي شنو سبب الانتفاخ والام

وان شااءالله ربي يرزقج ويعوض صبرج خير

 

[كويتيه مذهله 87]

حبيبتي اذا راجعتي الدكتووره قوليلها هالاعرااض الي فيج يمكن من العمليه

وان شالله يارب تحملين هالشهر

 

[bint_al8omar]

مشكوووووووره فراشة الكويت عالرد طمنتيني الله يطمنج والله يرزقج ويرزقني ويرزق كل بنات هالقسم الذريه يارب

 

[الفريده]

هلا حبيبتى فراشه تصدقين حتى انا يصير فينى جذى بعد ما سوت عملية الحقن المجهرى عوار صوب المبايض وعوار فى صدرى مثل عوار الدوره وان شاء الله قلت من يخلص رمضان اروح الطبيب واشوف شنو يقولى

 

[فراشة الكويت25]

الفريده
انا امي اتقول مالت العمليه لازم جذي يصير فيج لانهم معطينج ابر و3 انواع من الابر
التحضيريه والتنشيط والتفجير
غير العمليه مالت سحب المبايض
اتقولي يعني المبايض سبحان الله يتتكونون ويتلقخون بالرحم والدكتور سحبهم
اكيد كل شي بيعورج لان توج ماصارلج شهر على العنليه
حتى انا امي قالت نطري ورا رمضان وانا الحمد الله دورتي متظه
قالتلي اذا دورتج مو منتظه راجعي ..

لان يمكن يكون تكيسات او اي شي من اثر الدوا والعمليه
انشاء الله يكون من العمليه ومايكون شي ثاني
لان ببلش بالعمليه الثانيه شهر عشرا ادعولي ربي يرزقكم بالذريه
يارب ما يضيع تعبي

 

[انثى استثناء]

لا انا انصحج انج تروحين للدكتوره

احسن اول باول خاصه انج متخوفه


و شربي ما لا يصير فيج جفاف ترى انخاف عليج:eshrab:

اي شي يصير معاج طمنينا

 

[فراشة الكويت25]

مشكوره بعد عمري بروح بعد رمضان
واكيد بشرب من يت الصينيه مالت المساج وقالتلي بشرب

 

[_ظل الياسمين _]

حطى بطل الماى يمج عشان كل ماتشوفينه تشربيييين ..

انا كنت مثلج ومن حاشنى التهاب بول وكله قلت تووووووبه الله لايراويج الالم..

الله يسهل عليج امرج ويرزق الجميع يارب العالمين.

 

[فانسي نايت]

فراشه حبيبتي لا توسوين ان شاء الله ماكو الا العافيه ،،، الانتفاخ بيروح وايد اسمع بنات و منهم اختي ،،، يمكن تأثير المنشطات بس اهم شي الماي ،، شربي ماي و ااااااااااااااااااااااااايد و ان شاء الله مافيج الا العافيه و بشهر 10 تفرحينا بخبر حملج يارب

 

[وحش سعود]

روحي لأم محمد بالفردوس رقمها24880216