بنات الهندسة ... محتاجتكم ...

[بركان الحب]

السلام عليكم

أشلونكم بنات ؟؟

انا متخرجة من الثانوية هالسنه ومعدلي التراكمي كان تقريبا 87

وسجلت هندسة وان شاء الله يقبلوني >>> طبعا قبول غير فوري

وانا حابة اتخصص يا صناعي يا مدني من ثاني سنه وقريت ان مواد التخصص اهيا

مقدمة في الهندسة , انجليزي 123 , فيزياء 1 و2 , كالكلس a و b و كيمياء

سؤالي اهوو هل لو خذيت هالمواد في اول سنه ممكن اتخصص من ثاني سنه

وشنو تنصحووني اخذ باول كورس وثاني كورس

ومنو الدكاترة الي شرحهم زين ويعطوون درجات الي يدرسوون هالموااد ...:eh_s(15):

سوري طولت عليكم ... :eh_s(8):





​

 

[بركان الحب]

أشدعوة مافي مهندسات بالمنتدى :bbbiu:

 

[ذهـبـيـة ~]

اذا ما عندج تمهيدي

اول كورس تاخذين : فيزيا 1 .. كالكولس 1 .. انجلش .. مقدمة هندسة

الكورس الثاني : فيزيا 2 .. كالكولس ب .. كيميا و تضيفين اختياري بعد و لاب

وبجذي تقدمين عالتخصص ورا الصيفي يعني تدشين سنة ثانية وانتي متخصصة

واذا تبين مدني أو صناعي لازم تخلصين هالمواد مبجر لا يقصون عليج البنات و تاخذين الحياة لعب

وبعدين تسقطين وتتأخريين , ترى دكاترة العلوم مايرحمون والمدني والصناعي يسكرون بسرعة

فـ شدي حيلج من أول كورس وييبي بكل موادج a عشان معدلج يكون عالي وتدشين التخصص اللي تبينه


بخصوص سؤالج عن الدكاترة


الانجلش : صفاء جوهر / منيرة العجلان

الفيزيا : طارق الرفاعي / هالة الجسار / عبدالناصر بورزق / فاطمة الدوسري / طارق رمضان

الكالكولس : هاني فران / عبدالله العازمي / مريم الكندري / علي كانسو

مقدمة هندسة كل اسبوع اييلكم دكتور من قسم ويتحجى عن التخصص


موفقة ^_^

يمكن ما ارد الموضوع مرة ثانية , فـ اذا عندج اي استفسار عالخاص (=

 

[بدلية]

الكورس الاول
فيزيا1\ كالكولسa\ انجلش123 \مقدمة بالهندسة +جبر خطي
الكورس الثاني
لاب فيزيا1\ فيزيا2 \كالكولسb\ كيميا+مادة اختيارية يفضل من الشريعة
هالجدول انا خذيته ووايد افضله

احسن من الي يأجلون اللينير لي الصيفي ويتغربلون

اما بالنسبة للدكاترة على حسب منو نازل؟؟؟

بس بشكل عام الافضل للانجلش صفاء جوهر
وللكالكولس بدر الشمري وعبدالله العازمي وهاني فران ووو على حسب يعني
والفيزيا طارق الرفاعي وهالة الجسار
والكيميا كلهم زينين لان مو مهم الدكتور لان الامتحان موحد والشرح الله يعافي الدورة الي تسويها الكلية
بس بشكل عام الافضل حمد المطر

 

[بركان الحب]

ذهبية & بدلية

مشكووووورين

ويعطيكم الف عافية ماقصرتوا ...:ggdw:

​

 

[بركان الحب]

بس بدلية مو جنة الكورس الاول راح يكون علي شووي ضغط

خصوصا ان المواد بالانجلش ويكون للحين توني داخلة الجامعة

وما تعودت على المواد اني ادرسها بالانجلش

وبالنسبة للانجلش اقدر اخذ فيها اي لان انا عقدتي الرايتنق

 

[بدلية]

لا مو ضغط بالعكس
لان كالكولس a اسهل كالكولس راح تمر عليج << اسهل من كالكولس b وكالكولس c
وفيزيا 1 وااايد اسهل من فيزيا 2
والمقدمة ماتعتبر مادة
والانجلش مايبيلها دراسة اللهم قبل الامتحان بيوم وخلاص

لكن ماقدر اضمن لج اذا تقدرين تاخذين فيها a والا لا

انا على فكرة ميييييييح بالانجليزي وبالرايتنق بعد حددددددي ميح والله والله ماعرف لا اتكلم انجليزي ولا اكتب ولا شي

ويبت فيها a بالمقابل رفيجاتي2 كانوا مدارس خاصة ومايعرفون عربي عدل ويابوا b حتى مو a-

يعني السالفة فيها تعود وتدريب مو لغة

اما لو خليتي الجبر كورس ثاني انتي جذي جنيتي على روحج لان معاها فيزيا2 وكالكولس b
واذا خليتيها صيفي حالج حال الاغلبية بتواجهين مشكلة اعتقد وايد بنات واجهوها
ان المقاعد تخلص وانتي ماسجلتي هالماد لان خبرج 90% من المستجدين ياخذونها صيفي

وبعد السلبية الثانية ان المنهج بيكون سريع وكل يوم وراح تملين

الكورس الاول افضل موعد لهالمادة وهذا الي سويته انا وحددددددي ارتحت وكنت سابقة اغلب دفعتي <<بس سبقوني الحين لوول

وبالتوفيق مهما اخترتي

 

[بركان الحب]

مشكووورة

ويعطيج ألف عافية تعبتج وياي

 

[بدلية]

العفو حياج

 

[بركان الحب]

طيب بالنسبة للجبر الخطي

أخذ عند منو من الدكاترة إلي شرحة زين ويعطي درجات

واسمحيلي على أسألتي إلي ما تخلص

 

[بدلية]

لا ميخالف اخذي راحتج بس قوليلي منو نازل بالاول؟؟

 

[بركان الحب]

أنا للحين ما سجلت تقريبا الاسبووع الياي

يقولون بدزون مسج عن موعد التسجيل

بس انا قاعد اسال من اللحين ..​

 

[بدلية]

اي ادري بس منو من الدكاترة منزل كورس اول؟؟ ما شفتي اسماء الدكاترة الي راح يدرسونها كورس اول؟؟

موجودة الاسامي بجدول المواد

انا اشوف وابلغج

 

[بركان الحب]

لا ما شفت منو نازل

أوووكي أنطرج تشوفيين وتقوليلي

 

[بدلية]

احسن واحد من الي نازلين عندكم عبدالله العازمي لاتطوووفيييينه
اذا مالقيتي <<مع ان بقى 15 كرسي
اخذي عند اوريل بيجانكو او علي كانسو

بس الافضل من بين هذيلة عبدالله العازمي

 

[بركان الحب]

ان شاء الله القى

وعلى العمووم مشكووووورة

ويعطيج الف عافية

تعبتج وياااي واااايد ...​

 

[Miss.Piano]

واايد استفدت من ( ذهبية ) و ( بدلية )

مشكورييين ما قصرتوا ... انا سجلت بتلفوني كل مادة و اسم أحسن دكتور يدرسها

و المواد اللي لازم اخذها


و بركان الحب مشكورة واايد واايد حبيبتي لأنج كتبتي هالموضوع و اختصرتي علي المسافة هههه

ماقصرتي حيااتي .. يعطيج العافية