بنات المنطقه العاشره ممكن مساعده

[رحله عمر]

اخواتي لوسمحتوا ابي ابي اعمل لوالدي الله يرحمه صدقه جاريه
مثل حفر بير اومساهمه في بني مسجد وين اروح ابي عنوان لجنه نسائيه
في المنطقه العاشره لوسمحتوا

 

[Londoni]

رد : بنات المنطقه العاشره ممكن مساعده

اللجان كثيرة منها ( الصباحية,الرقة,هدية.......)
الله يكتب لك الخير ان شاء الله

استغفر الله العظيم و أتوب اليه
استغفر الله العظيم و أتوب اليه
استغفر الله العظيم و أتوب اليه
استغفر الله العظيم و أتوب اليه
استغفر الله العظيم و أتوب اليه
استغفر الله العظيم و أتوب اليه

 

[رحله عمر]

جزاج الله خير اختي
ابي رقم تلفون اوعنوان لوسمحتوا

 

[ندى سعيد]

الحمد لله كما ينبغى لجلال وجهك وعظيم سلطانك

 

[al3sooola]

شايفه مدرسة المتوسطة حقت البنات ؟ مقابلها في لجنة وعندج بعد دوار الصباحيه مال التقحيص عرفتيه<<<< امممحق وصف
اللي عند المصور اللي فيه عماره بيضه قديييمه في جنبهم لجنة
قطعة 2 وعندج لجنة هديه والرقه بعد

 

[..<< ندى الورد >>..]

شفتي الصباحية واني داخله قطعه واحد في لجنه مكانها واضح عند الدوار

 

[حرم سي السيد]

سبحان الله وبحمده

 

[ليان]

عساااا ربي يرحم ابوج

شوفي حياتي

في كذا لجنه ومافي اي صعوبه عليج في البحث عنهم

لكن انا اقول روحي لجنه معروفه

اقصد يعني لجنه تثقين فيها من خلال السؤال عنها

اقولج شغله

امي الله يطول بعمرها كانت بتحط برادات ماي بكل منطقه

وراحت حق اللجنه اللي لها مده تساهم معاهم في فعل الخير

وقالت ابي اشتري برادات وابيكم تساعدوني وتحطونها بكل منطقه بحيث يتوزع على المكان اللي ممكن يحتاج براده

قامت الموظفه

كإن احد قايلها الفلوس بتجيج

قالت يا حجيه عطينا الفلوس واحنا نتصرف

قالت امي لا يا بنتي انا بشتري وانتم وزعوا

واصرت الموظفه قالت احنا نتصرف

تالي اطلعت امي مزعوجه قالت شسالفه اول مره اشوف ناس جذي

وصارت ما تتعامل معاهم

وفي شغله بسيطه بعد

يختج تصدقي على اللي يخمون الشوارع

ربع نص دينار

والا اشتري اكل ووزعيه عليهم

والله ترتاح نفسيتج

وبتشوفين الفرحه بعيونهم

وعساااا ربي يسمح دروبج في فعل الخير