بنات المنطقة العاشرة رشحوا لي صالون

[ام رائد2020]

السلام عليكم يابنات الكويت العسولات انا اختكم من الرياض طالبة شوركم من احسن صالون بالمنطقة العاشرةغير حنان دشتي وشرايكم احسن صالون بالنسبة للتسريحة رومانية ومكياج لبناني ناعم ويكون كريمهم ثابت ما يقطع ولا يهولون فيني رشحوا واحد من هالصالونات


1(بريجيت 2(سهام ماجيك 3(لمسة فن وياليت تذكرون الاسعار والعنوان بالضبط والاسعار شاملة كريم جسم والرموش او لا ومشكورين مقدما:eh_s(17):

 

[كيوي كويتي]

والله انا ارشح لج لمسة فن وبقوة
مكياجهم في من 15 ل 45 اتوقع
بس انا اللي يعجبني فيهم كريمهم ثابت اول شي وثاني شي تساريحهم ثابتة
لااخر العرس ثابتة
بالنسبة للمكياج انتي طلبي منها ناعم ودرجة الكريم وكلشي على طلبج
المكياج الرخيص في نديكا حلو ب 15 اتوقع وخطتها حلوة
واذا اوفر في الفلبينيه اللي ب45

انا اسوي تساريحي دايما عند روبي عجيبة وشغلها حلو وثابت
مكانهم عالبحر بالمهبولة

اما بريجيت مكياجهم حلو ونظيف وتساريحهم بعد حلووة

ماجيك مادري والله ماحبه انا ونفس الشي ل حنان دشتي ماحب اللي بابوحليفة
شغل بستكي وبس

 

[Ķyan«Al7sn]

صالون اكاسيا بالفحيحل .. شغلهم عجييييييييييييب ومكياجهم ناعم ..
والتسريحات لا يعلى عليها .. ​

 

[توام قلبه]

اكيد سهام مجك تساريحهم لايعلى عليها ومكياجهم بعد
مكانهم ابو حليفه بس اسعارهم مو عارفه بالضبط
لمسة فن اشوفه عادي اختي سوت عندهم عااادي
حييل وبرجيت ماادري عنه​

 

[ام رائد2020]

مشكورين يا عسولات لا خلا ولا عدم بس كذا حيرتوني ياليت اراء اكثر عشان استقر على واحد منهم

 

[همسه بلا صدى]

انا اتعامل مع فنون المكياج اي عرس عندي اروح لهم احط عند رشا صاحبه الصالون والفلبينيات بعد حلوووووو مكياجهم

 

[صلاتي-حياتي]

صالون اكاسيا مكياجه يجنن وتساريحهم كذلك

 

[ام رائد2020]

البنات اللي يمدحون اكاسيا قريت عنه في النت انه مونظيف مكانهم صحيح هالكلام او لا ملاحظه المناسبه زواج اختي والعرس في الخفجي يعني مشوار والجوازات مابي صالون اي كلام عشان ما يسيح المكياج من المشواروالعرس بشهر سبعه يعني رطوبه الله يعين رشحوا لي اي واحدمن الثلاثه الله لا يهينكم

 

[خليجيه وافتخررر]

لمسة فن روووووووووووووعه ولا بعده نقاش

 

[قشوطة]

ماجيك عند مديحة المكياج والشعر عند مريم يطلعج ب٧٠ دينار تقريباً ولمسة فن عند ناديكا وشعر عند نورة أخذي التسريحة المميزة ب ٣٥ وطلبي التسريحة الرومانية تسويها عجيبة لج ويطلعج ب ٦٥ شامل كلشي أنا اخر عرس قبل ٣ شهور رحت بلمسة فن والله كانت اول مرة اروحله ما بقا احد بصالون والعرس ماسالني عن مكياجي قريب وبعيد ونفس الشي ماجيك بس قبل سنة روحي انتي وشوقي بعينج

 

[بدويـــة مودرن]

بريجيت بلا منازع ذرابه ومودفش وكذلك تسريحاتهم روووعه
المكياج له 3 اسعار ع حسب طلبج انتي شنو افضل تروحين تشوفين بنفسسج أحسن لان الناس اذواق

أتمنى اني افدتج ودعواتج

 

[درة أهل الطولات]

لمسة فن

 

[&موناليزا&]

عزيزتي رفع لعيووووووونج

 

[ام رائد2020]

لا اله الا الله

 

["البتول"]

شوفي ياقلبي على حسب طلبج تبين مكياج ناعم وحلو وكريمهم مايقطع وتساريحهم روووعه لمسة فن
وأسعارهم على حسب المكياج مع كريم جسم بدووون رموش جنه20 أو25 بسسسس موغالي
والتساريح على حسب و تساريحهم من 15 وطالع بس تساااريحهم روووعه وتثبت وماتخرب ماشاءالله للأمانه أنا ماجربتهم بس بنات عمي وأختي متعاملين معهم ماشاءالله روووعه

بريجيت حلوووو مكياجهم وجنه على 35 ناعم على فخاااامه بسيطه بس الشعر موشي ماعجبني أحلى مافي هالصالون البديكير والشيره وتنظيف البشره

سهام ماجيك حلووووو بالأخص الشعر روووعه كان شعري حيييل خفيف بعرس أخوي ماشاءالله سولي تسريحه من غير حشوه خلوووه شكبره
بس المكياج ثقيل حقهم وكريمهم موشي ماعجبني
وحياج الله بديرتج الثانيه

 

[ام رائد2020]

الله يجزاكم خير والله ما قصرتوا بس ولا عليكم امر ابي عنوان لمسة فن اللي بالمهبولة بالضبط لاني مادل اي قطعة شنو اقرب شي له ومشكورين يا عسولات