بنات المستجدات بالتطبيقي اللي ما انقبلوا تعالوا

[بنت العتيبي]

السلام عليكم

شلونكم بنات

الا ما انقبلوا بالتطبيققي

سبب عدم القبول : يمكن اضافه رغبات


حاطين هذا السبب يعني شلون ما فهمت

 

[ستروبريه]

لاحبيبتي اهما ماخذين اللي يايبين فوق 75 اكثر منكم لازم تراجعينهم رفيجتي ردت بواسطه

 

[M!ss Bask!n]

رد : بنات المستجدات بالتطبيقي اللي ما انقبلوا تعالوا

مادري والله شنو معناته لان ولد عمتي نفس الشي :s
بس لقيت وحده كاتبه ان روحو راجعو بالعديليه مبنى 7 واهما يسجلونج منااك
بس تأكدي..
اب لعنونج

 

[Nauara]

رد : بنات المستجدات بالتطبيقي اللي ما انقبلوا تعالوا

انااا يوم جيت بسجل قال اخوي ليش حاطه بس 3 رغبات

قلت له اناا نسبتي 82 مقبوله مقبوله .. قالي لاا لازم اكثر من 3

علشان تظمنين قبولج ورحت غيرت اللسته من جديد وحطيت كل الرغبات و اقبلوني

ورفيجتي 75 وحاطه 3 وما اقبلوهاا

اخوي يدرس بالتكلنوجيا هندسه بحريه يعني يعرف لهم

ويمكن بعد كلام اختي ستروبوريه صح

لان اهم ياخذون على النسب

 

[kwt-oo]

رد : بنات المستجدات بالتطبيقي اللي ما انقبلوا تعالوا

حبايبي اي موقع ؟

 

[فداك ياخلي]

سبب عدم القبول : يمكن اضافه رغبات

اللي مانقبلو عشان هالسبب يعني السبب رغباتهم ناقصه حاطين رغبتين ثلاث ومايقدرون يقبلونكم عليها

ع العموم حاطين لكم مجال بعد العيد ثلاث ايام تروح العديليه مبنى سبعه وتحطون رغباتكم وتنقبلون من جديد على هالاساس

يارب استفدتو من كلامي

 

[Q'bOo]

رد : بنات المستجدات بالتطبيقي اللي ما انقبلوا تعالوا

اهم كاتبين بالموقع جذي ..

الطلبة الكويتين المستجدين الذين لم يتم قبولهم نظراً لقلة رغباتهم , والمسموح لهم باضافة رغبات ,يحق لهم ادخال رغباتهم الجديدة عن طريق الانترنت خلال ٣ ايام فقط بعد عطلة عيد الفطر المبارك

يعني عقب لاعيد بيفتحون النظام من جديد ولآزم تضيفين رغبات جديدة عشان يقبلونج فيها ..

اتمنى افدتج