بنات اللي عندها حل للشعر المتساقط تدخل عفيه :*

[hessa_q8]

بناات شعري يطييح بشكل مو طبيعي ..
حتى من جدااام الكل لاحظ ان يبهتي صارت عوده من كثر ما يطيح
و قلت بروح طبيبة جلدية قالولي ان العلاج اللي يعطونه ما يستمر واييد
نصحوني بالحنة بس مادري شسوي ابي شي يطول الشعر بسرعه
مع العلم ان من فترة طلعتلي قشر x_x

 

[روعة ذاتي]

حبيبتي سوي فحوصات و إخذي فيتامين للشعر من الصيدليه و كثفي اهتمامج بالشعر مأشاء الله البنات بالمنتدى حتى الشامبو مسوينه ضد التساقط و الله يجزاهم ألف خير حيل استفدنا منهم و الحنه تهبل صج نحب النيولوك و الشقار لكن اهم ماعلينا صحة شعورنا و ترى الاهتمام يبيله طولت بااال يعني مافي شيء بيوم و ليله أنا تبارك الرحمن لي سنه كامله مسويتله كورس و إلحمدالله تحسن و بشكل ملحوظ فَ طولي بالج و اهتمي كل البنات اللي تشوفينهم سواء شعورهم تهبل أو جسامهم تهبل أو حتى بياضهم هالشي ما جاهم بيوم و ليله إلا من اهتمام و تعب و عنايه و ان شاء الله يإرب يتحسن شعرج

 

[خجولااا]

حبيبتي لازم تعرفي السبب هل هوا سوء تغذيه او نفسيه او من الصبغات لو كنتي تصبغي او من قشره الراس
عمومن حاولي تعرفين السبب وتعالجينه
بالاضافه ابعدي عن الاستشوار والفير والسترتنق وكل المنتجات التابعه لهم ريحي شعرك
وشوفي شامبو وبلسم يناسب شعرك وزيت "للتساقط وللتكثيف لو كان نوع شعرك يستقبل الزيوت " او بخاخ للشعر المتساقط من الصيدليه.والحنه زينه للشعر من ايام جداتنا يستخدمونها
واهتمي بالتغذيه اكثر شيء
​

 

[مس استي لودر]

اب اب لعيونج

 

[BuTtI^BoOp]

استخدمي فيتامين اسمه فيفا سكال للتساقط الشعر

 

[Letk te7s]

البنات ما قصروا

^^
جربي فيتامين هير فيت وخففى الشامبو مالح بمنقوع السدر
وقبل لاتغسلينن شعرج بساعتين حطى زيت كيشوردهنى من الحواى
حطى من جدام مع مساج خفيف
وعندج الدكتوره منى الفارس وايد يمدحونها

 

[د.مها]

السلام عليكم

أول ماقريت موضوعج وانا مغمضة كنت بكتب لج استخدمي حنى ... اول شي لازم تعرفين شنهي القشر ة: القشرة عبارة عن طرح الاسطح الخارجية من الجلد بسبب تكاثر نوع من الفطريات . هالنوع يعيش علينا كلنا بس اللي عندهم قشرة يكون عدد الفطريات زايد ،، واسباب زيادة عدد الفطريات وايد واااايد .

الحنى شتشوي : تقضي عالفطريات ، تنظف الفروة ، تغذي الشعر (3 في واحد) . لما الشخص يكون عنده طبقات جلد متراكمة على السطح الشعرة داخل تنحبس وتختنق وماتقدر تطلع حتى لو من الداخل كنتي سليمة ومافيج نقص فيتامينات وتميتي تاخذين حبوب وادوية ماراح يفيدج وايد اذا الفروة فيها مشكلة لانه بيئة الشعرة غير مضيافة ،، فلازم تسنعينها وتعدلين هالبيئة

انا فيني اكزيما دهنية (الاكزيما الدهنية تسبب قشرة وتساقط) في شعري وحواجبي ورموشي وياني تساقط رهيب ( تخيلي النفسية) ماخليت علاج درسته بكلية الطب الا واستخدمته وماخليت طبيب استشاري في بريطانيا وقطر الا ورحلت له واستخدمت كل الادوية الطبية وتميت عليها مايقارب 5 شهور ولا شفت شي ولا استفدت. لكن الحمدلله ماشاء الله تبارك الله من استخدمت الحنى من اول شهر اموري تعدلت ( اخلط الحنى مع سدر ولي خلصت احط حمام زيت 4 دقايق عشان الجفاف ) واحطه 3 مرات بالاسبوع . (التساقط يزيد حزة السبوح لما اغسل شعري من الحنى والسدر بس يخف التساقط بين غسلة وغسلة)

وانصحج وبشدة وبشدة وبشدة تسوين جلسات ميزوثيرابي للشعر . شوفي لج دكتور يسوي ميزوثيرابي باستخدام طريقة الابرة اليدوية ومب عن طريق مسدس الميزوثيرابي ،، لانه المسدس يطلع ثلاثة ارباع الدوا برا ومايستفيد منه الشعر . واخدي حبوب فيتامينات خاصة للشعر (استمري عليها بانتظام).

واهم شي الاستمراااااار ،، استمري لمدة سنة على الاقل وبتشوفين الفرق نهاية السنة انشالله. الشعر اخر شي يبين بعينه وايد يطول عشان يستفيد فاصبري واستحملي الحنى كل كم يوم ولا تتكيسلين (( اللي يبي الدح مايقول أح)) وكافي ان الحنى سنة

وبعد ضروري تسوين لج فحوصات لانه ممكن يكون في اكثر من سبب ــ سوي فحص لمخزون الحديد (فيرتين) ومب الحديد نفسه ( الفيرتن يعطي صوره اوضح) ، فياامين ب 12 ، الزنك ، هرمونات الغده الدرقية، هرمون الاستروجين وهرمون التيستوستيرون

واخر نصيحة ،، كثري من تناول الزبيب الاسود

والله يشافيج ويشفي جميع المسلمين ويشفيني معاج :eh_s(9):

 

[د.مها]

ونسيت اقولج سوي فحص فيتامين دال ،، نقصه يسوي تساقط شعر

 

[قمر تقهر قهر]

كنت استعمل السدر رهيب لتساقط الشعر​

 

[نوني الحلوه]

سورسير رهيب
سورسير+ حنا +فيتامينات

 

[omsalooom@hotma]

اخذي فيتامين بيورين ان مع فيتامين wallwoman اخذي شانبو hair cur راح تدعي لي انا كنت مثلج خف التساقط

 

[ضنـآني الشوق]

آآآآب