بنات اللي راحوا ماليزيا .. أبيكم ضروري.. كل وحدة تدخل

[سبيل المودة]

بنات حبيباتي اللي راحوا ماليزيا

ابيكم بشغلة .. او شغلتين..





_03BA:_03BA:_03BA:



















شوفوا الله يسلمكم.. :ggdw:


أبي نصيحتكم شنو آخذ معاي حق ماليزيا لأني ابي احط جنطتي و ضاييعة..

شنو احط هدوم و تكرمون جواتي مادري ذكروني .. ماعرف شنو يصلح هناك ولا مرة رحت مكان استوائي!

احنا رحلتنا صايرة كالتالي: كوالا - لنكاوي - جنتق. رحلتنا ٧ ايام بس


و عندي سؤال ... اذا بنروح رحلة من لنكاوي لي بيننق من وين نحجز؟

و أبي اعرف البنات المنقبات شكنتوا تسوون،،، شلون على العبي والنقابات هناك شكنتوا تلبسون ؟



أبيكم تفيدوني عن ماليزيا و عن هالاماكن بالذات حبايبي

الجو - الاماكن - وين ناكل - التكاسي .. :tomato2:

نصايحكم :ada:



يعني قولولي كل اللي لازم اعرفه عشان اروح ماليزيا :dddds:

و عسى ربي يرزقها العتق من النارررر في هالشهر اللي ترد علي :klhfl:

 

[X 3nono Style X]

اهلييين حبوبه
طبعا تروحين وتردين بالسلامهـ
وأول شي أحب انبهكم
اذا انتو حاجزين بفندق معين
مرات اول ما تنزلين المطار ايي واحد ماليزي ماسك لوحه فيها اسم زوجج او ابوج يعني اسم اللي حاجز الفندق
وطبعا انتو ما تدرون تروحوله تقولون شنو شالسالفه ؟
يقول احنا عن طريق الفندق اللي انتو حاجزينه
ونوصلكم بسعر حلو وجذي
وطبعا انتو تصدقون لان شلون ياب الاسم؟
بس طبعا طنشوهم
لان احنا طحنا بهالسالفه
قلنا اوخ وشلون ويوم وصلنا الفندق وخذينا تكسي طل سعر التكسي ارخص بوايد منهم !!!

وطبعا احنا رايحين كنا شهر 2 اعتقد
وكان الجو بكوالالامبور صيف
كنت البس قمصان وبنطرون يعني اشياء خفيفه
واعتقد بالصيف الحين الجو يكون أحر وفيه نسبه رطوبهـ
بس بجنتنق الجو كان شوي فيه برودهـ
مرات البس قميص خالي
ومرات احتاج حق جاكيت خفيف
يعني اذا انتي منقبه اتوقع مناك تلبسين بس عبايه لان حر
وبجنتنق لبسي تحتها بدي قطن يعني او فوق جاكيت خفيف ..
والأماكن وايد
تونز تاور .. السوق الصيني .. البحيره .. حديقه الحيوان .. أكواريوم .. وفي منتجع واايد حلو اسمه أفاموسى فيه عروض دايما عرض كاوبوي واشياااء واااااايد واهو نظامه مثل شاليهات اذا تبين تأجرين أو تبين تروحيله من الصبح لي بليل براحتج ..
وفي مجمع اسمه سن وي لاقون << هذا مجمع طبعا اينن كبير وفيه بحيرره تهبببل

طبعا المطاعم هناك احنا ما ندخل الصينيه لان أغلبها مو حلال
في بعضها حلال واهم يقولولكم يعني ما يغشون
وفي مطعم لبناني او شي جذي اسمه " الروشه "
يهبل حق المشاوي وقعده عربيه وجذي ..
لان راح تفقدين هالقعدات لوول

وطبعا احب انبهج
بالسوق الصيني اهو سوق بالشارع وايد حلو
هذا السوق شنو نظامهم مثلا شفتي جنطه يقولج بـ 50 دينار
اصدميه قوليله لا ابيها ب 5 دنانير مثلا راح يقولج لا ب 30 قوليله لا ب 5
وجذي يعني كاسري كاسري حيييل لان صج يتغير السعر 180 درجهـ
وبس اي سؤال انا حاضر

 

[نووووونا]

بنات حبيباتي اللي راحوا ماليزيا

ابيكم بشغلة .. او شغلتين..


حياااج الله


_03ba:_03ba:_03ba:



















شوفوا الله يسلمكم.. :ggdw:


أبي نصيحتكم شنو آخذ معاي حق ماليزيا لأني ابي احط جنطتي و ضاييعة..

شنو احط هدوم و تكرمون جواتي مادري ذكروني .. ماعرف شنو يصلح هناك ولا مرة رحت مكان استوائي!

اخذى جوتى رياضه وشحاطه واطيه ,,وملابس خفيفه يعنى بنطلونات قطن وتيشيرتات تحت العبايه

احنا رحلتنا صايرة كالتالي: كوالا - لنكاوي - جنتق. رحلتنا ٧ ايام بس

حلو برنامجكم
و عندي سؤال ... اذا بنروح رحلة من لنكاوي لي بيننق من وين نحجز؟

ممكن تحجزين من النت او من هناك اذا وصلتوا بالعباره او طيران فلاى فيرى
و أبي اعرف البنات المنقبات شكنتوا تسوون،،، شلون على العبي والنقابات هناك شكنتوا تلبسون ؟

اكثر شى هناك المنقبات وبالعكس الامور عاديه تلبسين عبايتج وتحتها بنطلونج وتيشيرت ولا تصير طويله

عشان تلبسين جوتى مو عالى اسهل لج بالحركه والمشى الوايد

أبيكم تفيدوني عن ماليزيا و عن هالاماكن بالذات حبايبي



اذا رحتوا لنكاوى وتحبون الطبيعه لا تطوفين رحله المنغروف وركوب التلفريك العالى حيييل عالم تحت البحار

يشبه الاكويريوم عندنا
الجو - الاماكن - وين ناكل - التكاسي .. :tomato2:


الجو نوعا ما رطب واحيانا ممطر

الاماكن كثيره اتمنى تاخذين جوله عالتقارير المصور

الاكل متوفر الوجبات السريع والمطاعم اللبنانيه بكثره

التاكسى وااايد واذا تبين ارقام ممكن نساعدج
نصايحكم :ada:



يعني قولولي كل اللي لازم اعرفه عشان اروح ماليزيا :dddds:

و عسى ربي يرزقها العتق من النارررر في هالشهر اللي ترد علي :klhfl:

وحياااج الله


الاجابات وسط الكلام

 

[DoOoOoha]

مرحبا حبيبتي

تروحين وتردين بالسلااامه يااارب انشاءالله يااارب

اول شي بالنسبه للجو استوائي يعني مرطب وانا بحكم اني منقبه طبعا بناطيل وبلايز خفيفه تحت العباااة

وماخذه بلايز على عدد الايام مالي خلق اغسل لاني رايحه استنانس

<<<< لاحقه على الشغل

جواتي ماخذه معاي جوتي واحد طبي لونه اسود او جوتي رياضي

وطبعا اخذي معاج عبايتين احتياط لاني انا لمن رحت جنتنق لعبنا بالماي فاكيد ابي ابدل العبااة

وطبعا العباه مو عااائق انا كل شي سويته لعبت واستانست وتسبحت

وبالنسبه للتكاسي حساافه قطيت ارقامهم بس حاطتهم في موضووع اهني ما ادري وينه

والاكل شارع العرب في كوالا كله مطاعم عربيه وهمن اذا بتشترين من السوبر ماركت مكتوب على كل شي حلال يعني ما تخافين

بس انا عندي سبعه ايام ما يمديج تستانسين بالاماكن خاااصة الاسوقه عجيبه

اكثر شي خمخمي من عندهم شحاطاتهم رهيبه وغريبه وفيه شحاطات حق البيت في شااارع العرب بالكوشكااات تهبل تندمت ما خذيت واااجد

وانشاءالله اذا تذكرت برد اقووولج

 

[سبيل المودة]

اسفه تأخرت بالرد عليكم

حبيباتي والله ماقصرتوا على الردود الوافية طمنتوني عسى الله يطمنكم

مشكورررررين وايد دايما استفيد منكم .. عساااااااكم عالقوة وحده وحده

 

[eman84]

ويي ليش مخترعه عااد يااعمري ,, الله يوووفقج
وان شاء الله تستانسين

 

[د-سوسه]

حبيبتي اذا بتروحين لنقاوي روحي الاكواريوم مالهم احلي بوايد من الي بكوالا لمبور ولا يطوفج سباق السيارات واااايد حلو نفس السباق الي تشوفينه بلتلفزيون سوقي انتي وريلج واستانسي والمطاعم اهناك شارع واحد تنقين فيه المطاعم الي تبينها واغلبها سي فود والمنطقه حيل هاديه ورومانسيه وطبعا لازم تروحين رحله المانجروف حجزيها من الفندق وطلعي...وبيننق اتروحون لها بالفيري بوت حجزوه من لنكاوي بس اول ماتوصلون علشان ماتطوفكم الرحله تجربه حلوه غير عن الطياره واذا تبين طياره حجزي عالاير اسيا احسن من اهني بالنت قبل لاتروحين ارخص واضمن-بيننغ جوها غير حركه ووناسه والسوق الليلي ايونس والبحر والهيصه والمطاعم تلقينها وايد وعارضه روحها والي يشتغلون فيها عرب حتي الماليزيين الي اهناك يغنون بالعربي ويحاولون يتكلمون عربي معاج بس ديري بالج من البياعين الصينيين ترا اخلاقهم ويع ولا تفاصلين بالسعر اذا مومتاكده انج تبين الشغله لان عندهم تعتبر كارثه ان يعطيج السعر الي طلبتيه وعقبها تقوليله لا مابي ..وطبعا بيننق كلا رحلات حجزيها من مكاتب السفريات ارخص من الفندق تلقينهم بالشارع يم بعض ..
كوالا لمبور اكثر شي التسوق بتروحين شارع العرب كل مظاهر الحياه فيه السوق والمطاعم ايرانيه ولبنانيه وعراقيه طبي وتخيري مراح اتضيعين ..الافاموسا صار قديم وفي رحلات تشبهه راح تروحين لها ببيننق لاتضيعين وقتج فيه خلي كولالمبور حق السوق بس
جنتنق جوها غير عنهم مافيها الا الملاهي طبعا وقريه الثلج هذا الي بتشوفينه جدامج اكيد بس سالي عن متحف الاشياء الغريبه بالملاهي الداخليه وقريه الرعب هم وناسه ..هذيله الي موالكل ينبه لهم عندج بعد القريه الفرنسيه اخذي تاكسي وروحيلها هم تونس اذا بتريحون من اللعب ومعاها الحديقه اليابانيه لانها يمها ولا تشترين من جنتنغ الا الشي الي يدش خاطرج مره وحده لان اهناك اغلي في ضرايب اذا عجبج محل ساليهم وين فرعكم بكوالا لمبور وروحيله ..
اما عاللبس دامج متنقبه اخذي عباتين وبديات خفيفه وجنز واحد وبنطلونين قطن لان بالجزر حر بس بكوالا لمبور راح تستخدمين الجنزوجوتي رياضه اوطبي غير الي لابسته بالمطار والشحاطات هناك بتشوفينهم مقططين ان بغيتي اخذي وحده ونصيحه لاتكثرين هدوم لان بتنقلين من مكان اذا بطيران داخلي راح ياخذون عليج وزن فوق الي تشترينه والاخت الي قالت مالي خلق اغسل اصلا ماكو مكان تشرين فيه الملابس عندهم -في كل فندق عندهم لاندري تعطينهم الملابس بعد ساعه يعطونج اياهم يعني صج ماله داعي تكثرين..وانشالله تستانسين وموفقه يالغاليه