بنات اللي دخلو الثامن تكفون الله يخليكم ..انتو مثلي..؟؟!!

[..’’ياقلبـك الخوّاف’’..]

قوه بنات




شخباركم وشلون الحمل معاكم..؟؟


بنات تكفون منو مثل حالتي انا بالثامن..والحين لاجيت انسدح وبقوم ااااه احس بآلام اسفل البطن كله يممممممممه يعوّر كن ارحامي بتتقطع .. امانه بنات انتو مثلي والا انا فيني خلل..اليوم زاد حيييييييييييييل .. كنت منسدحه ورافعه رجلي عشانها تعورني ونمت جيت بقوم تألمت حيييل..حتى الحين لاجيت اعطس اتألم ..ولاجيت امشي نفس الحكايه ؟؟!!!




تكفون طمنوني الله يخليكم..

:friends:

 

[Ice Princess]

حبوبه

انا اللي اعرفه انه تجاديم ولاده

انا كان يصير فيني جذي

من ثقل الجنين

راجعي دكتورتج او دكتورج علشان تطمنين اكثر

وطمنينا عليج

 

[..’’ياقلبـك الخوّاف’’..]

حبوبه

انا اللي اعرفه انه تجاديم ولاده

انا كان يصير فيني جذي

من ثقل الجنين

راجعي دكتورتج او دكتورج علشان تطمنين اكثر

وطمنينا عليج

بس انا صارلي 12 يوم بالثامن ..انتي ولدتي متى ومتى جاك هالالم ..على فكره انا اعرف الطلوق لان هذا ثاني بيبي..

ان شالله بروح لدكتورتي بكره ..وبطمنكم ..

 

[miss-winter]

انا مثلج احس شي يتقطع وبعدين قالتلي الدكتوره يمكن التهاب بالبول شربي ماي وايد وعصر برتغال وتوت

 

[..’’ياقلبـك الخوّاف’’..]

انا مثلج احس شي يتقطع وبعدين قالتلي الدكتوره يمكن التهاب بالبول شربي ماي وايد وعصر برتغال وتوت

انا بعدوقالتلي كل ماجيتها قبل كان خفيف اشرب ماي واجد..بس انا مكثره ماي وسوائل اصلا اكثر عيشتي سوائل

 

[كويتيه مذهله 87]

ماله شغل تجاديم ولاده

حبيبتي شي طبيعي تحسين بعوار مثل شد تحت خصوصا صوب العانه انا اختي يوم طبت الخامس الي التاسع وهي جذي علي القعده والقومه تتعور كانت تقولها الدكتوره الرحم يتمدد والياهل يضغط علي الرحم حيل

كثري سوائل ولمن تقومين من علي السرير اشويشوي يعني اول شي لفي يمين ونزلي ريولج اشويشوي

الله يسهل عليج ياااااااااااااارب

 

[miss-winter]

عادي انا قبل عبالي البيبي قاعد يتقطع لووول الحمدالله والشكر بس عادي اذا كنتي توج قاعده من النوم صح ؟؟او فتره طويله منسدحه وقمتي يذبحج بس لاتقومين على طووول قعدي وبعدها بفتره قومي وربي يتمم عليج ويسهل عليج

 

[كتكوته22]

انا كنت بنص الثامن وحاشني نفس الي تحسين فيه ورحت سويت تخطيط طلع طلوق وولدت بالسبوع الي وراه

الله يسهل عليج وتولدين بالسلامه

 

[..’’ياقلبـك الخوّاف’’..]

الله يريح قلوبكم بنات طمنتوني والله عبالي ولاده مبكره ..ذابحني حيل,,

 

[DaLaL_Q8]

حبيبتي الالم الي معاج الم طلق ولا شد ؟
انا اليوم دشيت الثامن الحمدلله
ومثل ما قالوا البنات من السادس وانا بالقومة والقعدة احس
شد قوي بطني من تحت سألت دكتورتي امس قالت كل شي سليم
وهالشعور عادي دام ماكو افرازات ولا دم الحمدلله
راجعي طبيبتج اذا الالم الم طلق مو شد !

 

[..’’ياقلبـك الخوّاف’’..]

انا كنت بنص الثامن وحاشني نفس الي تحسين فيه ورحت سويت تخطيط طلع طلوق وولدت بالسبوع الي وراه

الله يسهل عليج وتولدين بالسلامه

الله يستر بستره ..ان شالله بروح وبشوف,,

 

[..’’ياقلبـك الخوّاف’’..]

حبيبتي الالم الي معاج الم طلق ولا شد ؟
انا اليوم دشيت الثامن الحمدلله
ومثل ما قالوا البنات من السادس وانا بالقومة والقعدة احس
شد قوي بطني من تحت سألت دكتورتي امس قالت كل شي سليم
وهالشعور عادي دام ماكو افرازات ولا دم الحمدلله
راجعي طبيبتج اذا الالم الم طلق مو شد !

لا الم شد ..خصوصا عند الجوانب من تحت
..بس اليوم زااااااااااااااايد

 

[غلاي غير]

اسم الله عليج لا تخافين اهم شي العوار مو منتظم

المفروض ماتنامين على ظهرج كلللللللللللللش

وبعدين انتي الحين حيل ثقيله يعني البيبي لما ترتاحين يرتاح فياخذ وضعيه الراحه فانتي قمتي فجاه فما يتحمل الرحم ردة فعل الجنين المفاجاه وقومتج بسرعه فيشد وياخذ شويه ثواني لي دقيقه ويطخ
شربي ماي على فترات متقاربه بكميات قليله عشان المثانه ضاغط عليها البيبي واصغرت ماتحمل سوائل وايد

والف سلامه عليج وتولدين بالسلامه بالتاسع

 

[..’’ياقلبـك الخوّاف’’..]

اسم الله عليج لا تخافين اهم شي العوار مو منتظم

المفروض ماتنامين على ظهرج كلللللللللللللش

وبعدين انتي الحين حيل ثقيله يعني البيبي لما ترتاحين يرتاح فياخذ وضعيه الراحه فانتي قمتي فجاه فما يتحمل الرحم ردة فعل الجنين المفاجاه وقومتج بسرعه فيشد وياخذ شويه ثواني لي دقيقه ويطخ
شربي ماي على فترات متقاربه بكميات قليله عشان المثانه ضاغط عليها البيبي واصغرت ماتحمل سوائل وايد

والف سلامه عليج وتولدين بالسلامه بالتاسع

انا نمت على ظهري عشان ارفع رجلي لانها تعورني .. وبعدين انا من حملت وانا اقوم اشوي اشوي ..حتى الحين انا بحط رجلي عالارض عشان بقوم حسيت بالالم

 

[Tosta]

عادي حبيبتي انا امس كنت عند الدكتوره وقلتلها عن هالشي جان تقول جداا عادي
معناته ان الراس تحت والوضع طبيعي الحمدالله والراس قاعد يضغط
انا ساعات ايني شد وانا اتحرك اموت منه ولي بغيت اتقلب بالليل وانا نايمه اقوم من شدة العوار
حتى وروجي تعورني

 

[..’’ياقلبـك الخوّاف’’..]

عادي حبيبتي انا امس كنت عند الدكتوره وقلتلها عن هالشي جان تقول جداا عادي
معناته ان الراس تحت والوضع طبيعي الحمدالله والراس قاعد يضغط
انا ساعات ايني شد وانا اتحرك اموت منه ولي بغيت اتقلب بالليل وانا نايمه اقوم من شدة العوار
حتى وروجي تعورني

ايييييييييييي نفسي بالضبط..

 

[Om_Ksha]

الله يعين

 

[أمـ علاوي]

أنا فيني نفس العوار اللي فيج احس بطني من تحت مشدوووود حييييييييييل
وإذا جيت بنسدح ولا بقوم يشد أكثر بس يعووووووووووووور

ولما قلت للدكتوره قالت عادي لأن الرحم قاعد يتمدد ....

 

[عسل وردي]

عادي انا قبل عبالي البيبي قاعد يتقطع لووول الحمدالله والشكر بس عادي اذا كنتي توج قاعده من النوم صح ؟؟او فتره طويله منسدحه وقمتي يذبحج بس لاتقومين على طووول قعدي وبعدها بفتره قومي وربي يتمم عليج ويسهل عليج

قوه اختي يا قلبك الخواف انا يصير معاي جي بس مثل ماقالت الإخت اذا توني قاعده من النوم وربي يسهل علينا ان شاءالله

 

[لولوه1]

رد : بنات اللي دخلو الثامن تكفون الله يخليكم ..انتو مثلي..؟؟!!

انا صارلي اسبوعين بالثامن ويصير فسج بالظبط احس شي بيتقطع اسفل البطن عااادي حده عااادي من تمدد الرحم وضغط البيبي
شي طبيعي

الله يتمم عليكي ...