بنات اللي خذو حبوب ليبو-6......ابيكم.....تعالو...والباقين هم حياكم شوفو تجربتي

[je t'adore]

قبل شهر ونص....كنت حابة اقط من وزني7كيلو....وشريت من صيدلية طيبة حبوب الريداكتيل15((الماني)) +حبوب ليبو-نت((اردني))...انا كنت مترددة اخذهم او لأ....بس قالي ماراح تتعبين....وفعلا النتيجة كانت حلوة وماحسيت لا بتعب ولاشي وخلال شهر مع ريجيم ومشي نزلت4كيلو...
وثبت وزني....وريحت اسبوع

الحين لازم اكمل خطتي عشان انزل الباقي.....
رحت ادور على حبوب الليبو-6......وماكانو متوفرين
مريت زين الأتات عشان باخذحبوب...وقالتلي ان في نوع يديد....اقوى...ب20
ورحت شريتهم...ورجعتهم بعد5دقايق....واخذت فلوسي........مادري كنت خايفة....المهم
وبطلعتي من المحل...في صيدلية بالزاوية...دخلت اخذقطرة انف حق ريلي
ولا اسأله عن المنتج مال زين الأتات قالي ان يسبب الظغط حتى حق الشخص الطبيعي اللي مايعاني من الظغط

وقالي ان عنده حبوب ليبو-6
بنات هالحبوب قوية حيل حيل حيل....والله اني من اخذهم تلوع جبدي من ريحة الأكل...جني حامل.....والعرق ماله والي...حتى من شعري يطلع ماي....وفوق هذا كل بنام....متخدرة وتعبانة...ومافيني شدة افتح عيني....
بس خذيتهم5ايام ووقفتهم لأن تعبت حييييييييييييييل مادري هالشي نورمال
المهم انا الحين موقفة صارلي يومين والأعراظ كلها اختفت بس سؤالي لكم ياحلوات

-شنو حسيتو؟؟؟؟؟
-وخلال اشكثر بينت عليكم النتايج؟
-وجم علبة استعملتو؟
-كان اييلكم مغص ولوية بالبطن؟؟؟
-حسيتو ان معدتكم تحرق؟؟؟
-حسيتو بألم في الراس؟؟؟
-وداخل العين؟؟؟

انا شارية علبتين....ووحدة منهم بعدها مسكرة
وبصراحة مابي احس اني متحسفة ليش شريتهم؟؟؟؟؟ تنصحوني اخفف الجرعة؟؟؟؟؟؟؟
لأن حرام والله انا حسيت بالفرق من اول يومين.....اني خفيفة واتحرك بسهولة


انا طولي 174
ووزني72ونص
وحابة اوصل للوزن اللي بيرفيكت ماعليه كلام وهو66 او65
ويبيلي درب الدروب

ونفسيا مو متقبلة اشوف شكلي بالمنظرة
وكل مابطلت درجي امس واليوم...ولقيت الليبو-6 بويهي يظيق خلقي اني موقفتهم



عفية بنات......ابيكم تساعدوني بتجاربكم....

 

[بشوشه]

تكفين اختي من اي يدليه اخذتيهم و بكم و انا انصحج تكملين مع الايام تتعودين

 

[نملة حوره]

حبيبتي الحبوب اللي تمشي على غيرج موشرط تمشي عليج ونصيحة اذا كنتي تتعبين منها لا تاخذينها وتجازفين ترى هالامور وايد تخوف

عموماً الحبوب هذي ماراح تنفعج بدون حركة واذا ما لعبتي رياضة راح تنبني عندج عضلة وذيج الساع بدال لا تضعفين تطلع عندج عضلات

ديري بالج على نفسج حبيبتي
وسمحيلي على المداخله واتمنى اني اكون فدتج

 

[mn.mn]

إذا نازلة بس 4 كيلو مع الحبوب معناه الحبوب ما منها فايدة

يعني طبيعي بالشهر مع رجيم ومشي تنزلين 4 كيلو

 

[أم كشة]

زين اول مرة اعرف ليبو اردني بجم ومن وين ؟؟؟
وشنو طريقة ليبو 6 الاصلي شلون خذيتيهم عندي من العام بالكبت ما استخدمتهم

 

[je t'adore]

تكفين اختي من اي يدليه اخذتيهم و بكم و انا انصحج تكملين مع الايام تتعودين

الحبوب ليبو-نت من صيدلية طيبة

بس ليبو6 م صيدلية يم زين الأتات البدع

وانا الحينخففة الجرعة

 

[je t'adore]

حبيبتي الحبوب اللي تمشي على غيرج موشرط تمشي عليج ونصيحة اذا كنتي تتعبين منها لا تاخذينها وتجازفين ترى هالامور وايد تخوف

عموماً الحبوب هذي ماراح تنفعج بدون حركة واذا ما لعبتي رياضة راح تنبني عندج عضلة وذيج الساع بدال لا تضعفين تطلع عندج عضلات

ديري بالج على نفسج حبيبتي
وسمحيلي على المداخله واتمنى اني اكون فدتج

اول شي اشكر مرورج اللي نورني
وانا كنت اخذ الليبو الأردني ليبو-نت....ونزلت عليهم 4كيلو بس.....وثبت وزني......مع ريجيم ورياضة
والحين توني شارية الليبو الأصلي ماصارلي جم يوم.....وكنت احس بأعراظ
ف ياريلت انكم تفيدوني ومن ناحية الرياضة انا يوميا امشي واااااااايد...اكثر من ساعة

 

[je t'adore]

زين اول مرة اعرف ليبو اردني بجم ومن وين ؟؟؟
وشنو طريقة ليبو 6 الاصلي شلون خذيتيهم عندي من العام بالكبت ما استخدمتهم

اللليبو الاردني ب10 من صيدلية طيبة...ليبو-نت
والاصلي اذا تطلبينه من النت ب17...وبالكويت ب27....ومال الحريم ب33 تقريبا

 

[مخروووشة]

شنو في ليبو حق الحريم

 

[je t'adore]

شلون مافي.....اكيد في ليبو هيرز حق الحريم مخصص حق الدهون اللي بجسمنا.......يحرقها حرق

 

[نملة حوره]

حياتي راح تحسين بدوخه وخمول وغير جذي بين فترة وفترة دقات قلبج تزيد وترد طبيعية

راح تنزلين بس موعشان الحبوب عشان رجيمج والمشي اللي تمشينه يعني فايدتهم مو وايد
ويمكن اعراضهم عليج تكون غير لانه كل وحده تفرق عن الثانية

وان شاء الله يفيدونج مايضرونج والله يكتب لج اللي فيه الخير

 

[Dancing^Queen]

اختي
انا جربت انواع اللايبو كلهم
لايبو 6
لايبو 6 اكس
لايبو 6 هير

ولانزلت ولاقالها الله
ماخذيت غير رقعه بقلبي الي احس كل دقه تعورني
وتخيلي وصلت مرحله مع لايبو 6 هير ان اقومن النوم لان قلبي يعورني واهو يدق
واكاااااااااااااابر علي عمري استمر فيه اقول اكيد بس اول اسبوع
اكيد اول اسبوعين
شوي وتورح

رقعه قلب غير طبيعيه
صداع نصفي زاد
نفسيه صففففففففففففففففر وكئاااااااااااااااااااااااااااااااااااااااااااااااااااااااابه
سهرررررررررررررررررررررررررررررررررررر
وارق
وعرق تعرقين بطريقهه موحلوه
ولو امشي من هني لين هناك انهات جني راكضه عشر ايام!
وبدون فايده

 

[aBoOoRa]

دام الحبوب اثرت فيج جذي لاتاخذينهم



انا استعملت هم ماصار فيني شي الحمدالله



واخوي يستعملهم هم مافي شي وضعف حييييييل



مرت اخوي خذتهم اثرت فيها !!!



ترى ماتمشي عالكل

 

[هذا وانا الغالي]

انا ذبحتني احس بحرقان بالمعده والنوم صار فيني ارق

 

[Q8stylle]

اليبو من اي صيدليه

 

[ام بنتها]

بشري شصاار عليج ؟؟

 

[ام خــــالــد]

حبوب التخسيس الاولى بالعالم
Lipo 6

للنساء والرجال

المنتج حاصل عالميا على المركز الاول لاربع سنين في تنزيل الوزن

خالي من اي منتجات او زيوت حيوانيه
العلبه فيها 120 كبسوله


Lipo-6 تنزل مع الرياضة اقل شي7-8 كيلو بالشهر

.
طريقة الاستخدام :

اول يومين حبة قبل الريوق بـ30 دقيقة .
وحبة بعد العصر قبل اي وجبة بـ30 دقيقة .
وبعد اليومين نفس النظام بسحبتين حبتين. يفضل قبل التمرين

المنتج لازم تستخدم معاه رياضه حتى لو المشي يوميا ساعه كفايه وتادي الغرض واستخدامه بدون رياضه ما يمتن لانه مكوناته وفكرته انه يحفز الغده الدرقيه على حرق الدهون ويحتوي على الكافيين لزياده الطاقه بالجسم وفيه مركبات ثانيه تعمل على تحويل الدهون المتراكمه بالجسم إلى طاقه يستهلكها الجسم وبالتالي تفكيك هالدهون المتراكمه وحرقها


وللعلم المنتج خالي من الزيوت الحيوانيه وللي عمرهم فوق 18


يحظر على مرضى الضغط والقلب والحوامل استخدام المنتج

المنتج مرخص من وزاره الصحه

 

[je t'adore]

هاي بنات....
انا الحين مع الليبو 6 هيرز......
طبعا اللي وصلته هو ان صار وزني 70....وبين علي الظعف حيل...حتى رقبتي ظعفت لأني طويلة ف مبين والكل يقولي
بس صج تتعب النفسية لأن رجيم....وبالذات اللي توها والدة


العرق....من كل مكان أعرق...ف لازم معاي بطل ماي وين ماروح عشان اعوز السوائل اللي بجسمي
وبنات ترى بالكويت غاليين لو تطلبونهم أرخص بوايد من موقع bodybuilding دوت كوم
أصلي ومعاه بروشور وكل شي مع الشحن السريع تطلع العلبة ب15 او 20 على حسب الجمارك بالكويت لأن ياخذون 2على كل يوم زيادة

بس بالكويت لما سألت ال جي ان سي قالي بحدود32

المهم

تجربتي مع lipo-6-hers
حلوة ويمكن اعيدها....انا الحين كملت شهر....بس اريح جسمي شوي....فترة اسبوعين وبكمل كورس ثاني

وماحسيت بالأعراظ اللي حسيتها على الليبو6 العاديين...

انا وريلي استعملنهاهم مع بعض...هو ماتحمل الليبو 6 العادي مثلي....حرقة مثل الفيكس بالمعدة
بس الهيرز لأ...ماسواليجذي....
اول ايام مشى بطني مو اسهال بس لين عادي وتحسين انج بحاجة الحمام....وبعدين عادي....تحسين انج شد جسمج وخاقة وذبلانة وماتشتهين الأكل...

بس ظروووووووووووووووووووووووووووووووووووووووووووووووووووووووووووووووري اكثر من2ليتر ماي....عشان لا تنغزج الكلى

 

[je t'adore]

طلع الصصداع اللي فيني واللوعة والتعب ((نظري ظعيف))

مو من لحبوب

يعني براءة خخخخخخخخ


الكبر شين خخخخخخ
واي كل من التدريس....مع ان عمري 27 بس فجأة بين معاي ان نظري ظعيف....وكان 6-6

 

[je t'adore]

الحبوب اللي تكلمت عنهم من الصيدلية ليبو 6 العادي


واللي بعدين تكلمت عنهم بالرد اللي قبل ردي هذا.....ليبو 6 هيرز مال البنات

وعجبني ارتحت

وبنات نصيحة اون لاين ارخص