-- بنات اللي خذت ابر فيتامين "د" تتفضل ---

[* EMY *]

بنات انا توني خذيت اول ابره امس بس للحين العوار بعظامي ماخف بريلي وايدي مااقدر اقوم الا لما امسك شي ولا ارفع ايدي مادري شي غريب بس بعرف متى تحسون بتحسن بعد الابره؟؟

 

[منوة القلب]

ماعمري اخذتها ... بس وش فايدتها ؟؟؟

ماتشوفين شر ان شاءالله

 

[دنيتى زوجي M]

رررررررفع

 

[* EMY *]

حبيبتي انا سويت تحليل وطلع عندي نقص بفيتامين د

 

[* EMY *]

اب اب

 

[عطورات المطيري]

رد : -- بنات اللي خذت ابر فيتامين "د" تتفضل ---

ماتشوفين شر بس هذي مو حق العظام

 

[* EMY *]

عيل شنو؟؟

 

[ياحُبِي لِلكويت]

رد : -- بنات اللي خذت ابر فيتامين "د" تتفضل ---

​

انا صارلي اخذ الابر ثلاث اشهر العوار طبيعي تحسين بالعظم على فكره كل ابر الفيتامينات تعور بس اكثر شي فيتامين دال .. مااتشوفين شر وان شاءالله يتعدل ويرتفع معدل الفيتامين عندج :eh_s(17):

 

[الليدي المغتربه]

رد : -- بنات اللي خذت ابر فيتامين "د" تتفضل ---

ماتشوفين شر

خصصي لج 10الى15دقائق يوميا قعده في اشعةالشمس وذلك من فترة
9صباحا الى 3العصرتعوضج الفايتامين الناقص <<<<<من تجربه

 

[العجيبة]

اختي انا نفسج قمت احس عوار بعظامي واحس جني عيوزه اتعب حيل لمه امشي وايدي وريولي عوار فسويت التحليل وطلع ناقص حيل النسبة الطبيعيه بالجسم المفروض تكون 75 وفوق وانا بالتحليل طلع 25 :cxxxp:يعني حيل ناقص فخذيت أول أبره وبقالي ابرتين وبعدهم اوقف شهرين بعدين ارد اسوي التحليل اذا هم ناقص ارد اطق.


وحاولي تعرضين نفسج حق الشمس وانا مشكلتي بهالشي لانه استخدم كريم تبييض وهم مسوية ليزر شعر فموزين اعرض نفسي حق الشمس ولا صدقيني احسن شي الشمس وهم سخني على النار زيت زيتون وبعدين دهني ساقج وايدج طبعا بقطنه عشان مايحرق ايدج بس لازم يكون الزيت مسخن عدل في حراره ،حيل ارتحت وخف العوار بهالطريقة وهم غسلي ساقج بماي وملح .

بس لاتخافين ان شاءالله ماعليج باس .​

 

[بوغاتي88]

انا اخذ هالابرة والحمد لله من اخذها ما حس بآلام عظامي والدكتور يصرفلي ياها كل 3اشهر / عسى الله يشافيج ويشافي كل مريض يارب

 

[دانه الشطوره]

مساء الخير
حبوبه انا توني مسويه تحليل و طلع الفيتامين دال ناقص عندي وااااااااااااااااااااايد و بشكل كبير فقالت لي الدكتوره تبين ابره قلت لها املج قالت عيل في حبوب بدال الأبر بس لمن رحت بصرف الدواا بالمستوصف قالوا لي خالص و يوم الثلاثاا راح اييبون منه فرحت الصيدليه و شريت حبوب حق اللي عندهم نقص في الفيتامين دال و راويتهم الدكتوره بس قالت لي ما اخذهم لأن قوتها بس 200 يعني شويه و انا وااايد ناقصني اللي راح اخذه ان شاء الله يوم الثلاثاا قوته 5000 يعني فرق وااااايد فكل واحدعلى حسب كمية النقص اللي عنده و قالت لي لازم كل يوم اعرض نفسي للشمس اول الصبح او قبل ما تغرب لمدة نص ساعة و قالت بعد لازم اكل لحوم وااايد و بيض و جبده(سواء لحم أو دجاج) بس طبعاً انا ما آكل ولا وحده من هالاشياء غير اللحم للأسف

 

[غدووور الكويت]

رد : -- بنات اللي خذت ابر فيتامين "د" تتفضل ---

أأنا خذيت 3 ابر بس العوار كان شوي وبس أول يومين سوي كمادات دافيه

 

[@Miss Dio@]

رد : -- بنات اللي خذت ابر فيتامين "د" تتفضل ---

بنات اللي اخذها حس بفرق وبتحسن

 

[ام عفاف الكويت]

انا اول مره اخذتها كانت نفس اعراضج بس اللى عورتني بجددددد الثانيه
تحرققققققققققققققققق وماقدر امشي وتجمعت في مكان سويت لي كمادات
بس بالثالثه الامور اوكي وعادي قلبي
انتي جم وحده قايلين لج ؟
وتاخذينهم بشكل اسبوعين او شهري

 

[* EMY *]

حبايب قلبي بنناااااااااااااات مافهمتوني انا قصدي عوار العظام للحين مااقدر اقعد عالارض مااقدر اثني ريلي

ام عفاف حبيبتي قالي 3 ابر غزيت وحده منهم

 

[ZajiL]

انا طلع فيني نقص بس ماكنت احس باي شي الحمدلله

وعطوني ابره صج تعور حاره شوي مكانها بس هم ماحسيت بشي لانه ماكان فيني
شي لو مو مسويه التحليل الشامل صدفه جان مادريت

ورديت عدت التحليل بعد 4 شهور الحمدلله ارتفع




ماتشوفين شر

 

[* EMY *]

الشر مااييج حبيبتي

 

[dla3_princess]

انا بعد عنددي ناقص طلع 24

و قالوولي يبيلي ابررر بس تنحشت خفت بصراااحه

بس شكلي لازززم اخذذهم

اب
اب


انززين يعني اذا خذيت الابررره رااح احس يألم بجسمي

؟؟؟

 

[* EMY *]

لا حبيبتي موشرط يفرق من واحد لي واحد