بنات .. اللي تعرف شلون تسوي الدقوووس لا تبخل علي ..

[أم حورية]

السلام عليكم ...

بنات تكفون ابي اعرف طريقة الدقوس بالضبط ...

ويعطيكم العافية ...

 

[ريم الصبايا]

اخلطي طماط بالخلاط الكميه اللي تبين مع شوية ماي

احمسي شوية بصل وثوم بزيت بعد مايتحمر حطي عليه الطماط

مع معجون وملح وبهارات وفلفل وخليه على النار شويه لما يثقل وبالعافيه

 

[بنت الهيلاكحيلة]

نفس الطريقة

 

[أم حورية]

مشكوووووووووووورين وقصرتوا ..

الله يوفقكم ان شاء الله ويوفق عيالكم ويبعد عنكم الشر يارب وينولكم اللي تبونه

 

[أم حيدر]

طريقتي متخرش المية سويها وادعيلي

تحطين قفشة صغيرة كمون وقفشة اكل خل بلسمك وفلفل احمر بارد - بابريكا وزيت وثوم وتحمسينهم حمسة خفيفة بعدين تحطين فوقهم الطماط المضروب بالخلاط + م=معجون طماط وخلي يبقبق عالنار وزيدي ملح وبالعافية

 

[جارة القمر]

مشكووورييييييييييييييين


وتفضلي طلبج

http://q8yat.net/showthread.php?t=422516&highlight=%C7%E1%CF%DE%E6%D3

 

[حلاوه حمره]

اب ابا اب

 

[دنياالحب]

بالنسبة حق الدقوس أنا أفضل لو أنج تحمسين المعجون مع البصل والثوم وبعد ما تطلع ريحته حطي الطماط يكون أفضل يعطيج طعم أحلى وضيفي حق حمستج شوية كركم وفصين صبارة أو شويه لومي مطحون وحطي واحد فافل علوب عشان يطعم فيه وسلامتج

 

[تركواز83]

شوفي حبيبتي تحطين شوية زيت وتضيفين ثوم مفروم ناعم وتحمسينه شويه بس ديري بالج لايحترق وتحين شوية فلفل اسود وملح بعدين تضيفين عليه طماط طري ( مبشور او بالخلاط ) تتركينه شوي مع التحريك بعدين تضيفين معجون الطماط شوي وماي وتتركين شوي على
النار ..انتي وذوقج في درجة الكثافه تحبينه خفيف او ثقيل
او في طريقه قديمه يسوونها الكويتيين تقطعين طماط طري حجم كبير وتحطينه بالجدر وتغطين الجدر وتقصرين على النار ...لين يذبل الطماط بعدين تشيلين القشره عنه وتضيفين له ثوم ناعم وفلفل اسود وملح وشووووووي معجون طماط وهم الماي قليل حلاته ثقيل
وتخلينه شوي على النار ..وسلامتج هني وعافيه

 

[متغليه لعيون غاليها]

طريقتي بالدقوس


احط بالخلاص 3 فصوص ثوم وطماط ومعجون وشوي ماي


بعدين احطه بالجدر واخليه يطبخ واحط فلفل اخضر 3 حبات صحاح و3 لومي


واخليه يفوح تقريبا ربع ساعه لين يثخن

 

[سميرة و حلوة]

انا احب اسوي الدقوس بهل طريقة اولشيء دقي ثلاث فصوص ثوم و و قطعي ثلاث طماطات و جهزي معجون الطماط حطي بالجدر الصغير زيت يعدين حطي معجون طماط وخلطي و بعدين حطي ماء علشان ما ينشف الدقوسو خليه عالنا لمدة ربع ساعة او الى ان يثخن و قدميه مع العيش و الايدام

 

[fatti75]

والله انا احط الطماط في الخلاط مع شوية ثوم وقليل من الماءواخلطه بعدين المعجون وهم اخلطه مره ثانيه وشوية زيت واحطه على النار ولا تنسين الملح وبالعافيه

 

[العيازة]

السلام عليكم ...

بنات تكفون ابي اعرف طريقة الدقوس بالضبط ...

ويعطيكم العافية ...

تبين الدقوس الاصلى اقولج
بس تاكدى انه احسن دقوس كويتى
تطحنين طماط بالكميه اللى تبينها بالخلاط بس مو حيل ناعم
كل ما كان خشن احسن واطعم
وحطيه عالنار لما ما يصير ثقيل
وعقبها حطى شوية زيت واحمسيه
احمسيه عدل وبعدين حطى شوية معجون عليه شويه
وحمسيه شوى وعقبها حطى عليه ماى بس مو وايد وخليه يغلى دقيقه
واخيرا حطى عليه ثوم مدقوق مع ماجى حبه وطفى عليه
واذا حبيتى تحطين فلفل هندى اخضر بعد احسن
وتعالى ذوقيه مع العيش يا سلام
بس ادعى لى
وشكرا

 

[العيازة]

حطى طماط مطحون بالجدر عالنار لما ما يروح مايه يصير ثقيل
بعدين حطى عليه زيت واحمسيه مع شوية معجون

وآخر ش صبى عليه شوية ماى لما ما يغلى دقيقه مو اكثر

حطى ثوم حبة ماجى فلفل اخضر شوية ليمون اصفر مع شوية سكر اذا حبيتى
وسكرى النار عشان ما تروح نكهة الثوم
وهذى الطريقه القديمه للدقوس
مالت اول