بنات اللي تاخذ بدل بطاله تدش شوي ما عليكم امر

[kuwaitya-frawla]

السلام عليكم


شلونكم شخباركم عساكم بخير؟ :ggdw:


طبعا انا ناطره ديوان الفقر عفوا اقصد ديوان الخدمه خخخخخخخخخخ :dddds: لا تلوموني قاهريني..بيقلبوني مشروع

مخلل الله يهداهم... المهم يا طويلات العمر يا حبيباتي بغيت اسالكم انا الحين كملت 6 شهور بالضبط فبغيت اسال شلون اقدم

على بدل البطاله؟وشنو الاوراق اللي يبونها؟و رفيجتي قالت لي لازم انطر ينزلون اعلان بالجريده!فمادري ياليت اللي تعرف

تعلمني بارك الله فيكم و صج انه لازم كل شهر اروح لهم عشان ينزلون البدل :eh_s(1): !!

وناطره ردودكم

ادري ماراح تقصرون :tek:

 

[3w!Shni]

وووو انا بعد وياها ^^

 

[حـــواوة]

رد : بنات اللي تاخذ بدل بطاله تدش شوي ما عليكم امر

عادى حبيبتى تاخذين شهاده الاصليه وصوره عنها والبطاقه وصوره عنها وصوره من الجنسيه والميلاديه وصوره شخصيه وتحويل راتب من البنك وتروحين اى يوم عادى طبعا الصبح مافي العصر وتقدمين
وكل شهر مراجعه لازم والبدل 150 لمده سنه

 

[ياعيون مغليك]

رد: رد : بنات اللي تاخذ بدل بطاله تدش شوي ما عليكم امر

سبحان اللخ توني بنزل موضوع بسأل فيه عن البدل
والله عذبونا خلصنا من طرارة الاعانه جانا ذل البدل بس حدتنا عليه المصاريف

انا قريت مره موضوع لوحدة معانا بالمنتدى تقول لازم تاخذين موعد من النت
المشكله اني دشيت موقعهم وسجلت رقمي المدني وفجأأأأأأأأأه طلع اسمي يعني رابطين الموقع مع الديوان
ولمى سجلت اني ابي بدل طلع لي انت غير مسجل كباحث عن عمل
وسجلت بنفس الموقع اني ابحث عن عمل ورديت حطيت طلب صرف بدل
طلع لي انت غير مستوفى للشروط

مدري مع اني مقدمة شهر 3 على الديوان
وزوجي يقول ربعه يقولون من العام وهم موقفين طلبات الديوان بس يقبلون اللي صارلهم 6شهور مقدمين على الهيكله

 

[3w!Shni]

وشنو الشروط الي لازم تتوفر عشان استحق البدل مال البطاله

 

[ياعيون مغليك]

وشنو الشروط الي لازم تتوفر عشان استحق البدل مال البطاله

اللي اعرفه قبل وكل الناس تعرفه ان الشروط هي:
انج كملتي 6 شهور مقدمة على الديوان وماتوظفتي
ان عمرج بين 18 و40
انج كويتيه
وسلامتج
بس انا عندي الشروط هذي كلها ومو راضي الموقع يعطيني موعد يقول لي انتي مو مستوفية الشروط

 

[3w!Shni]

اهااااا

هممممم .. طيييب ووووو ليش لازم اراجعهم كل شهر؟؟؟

وشكرا حوبي ماقصرتو :eh_s(7):

 

[ياعيون مغليك]

رجعت لكم ومعي الخبر اليقين
التسجيل لازم يكون بعد ست شهور من اغلاق الدفعه اللي سجلتي فيها
يعني احنا سجلنا شهر 3 صح؟؟
متى تسكر التسجيل بدفعتنا؟؟
19-3 صح؟؟؟
يعني 20-9 ندش الموقع ناخذ موعد

اهااااا

هممممم .. طيييب ووووو ليش لازم اراجعهم كل شهر؟؟؟

وشكرا حوبي ماقصرتو :eh_s(7):

لازم تراجعينهم عشان يذلونج ويطلعونها من عينج
عفوا قصدي تراجعينهم عشان يشوفونج يمكن توظفتي وماجاهم خبر
يمكن متي والبدل يمشي حق اهلج بدون وجه حق

هو بالعقل ماله داعي تراجعينهم بس يعني تعرفين مايعطون شي بالراحه لازم تراكضين
واذا ماراجعتيهم يقطعونها عنج

 

[لجل عيۆنڪ]

رد : رد: بنات اللي تاخذ بدل بطاله تدش شوي ما عليكم امر

صارلي 3 شهو اخذ بدل بطاله .. ..

ياحلوه يبون صوره عن بطاقتج المدنيه .. وصورة كشف حساب تروحين البنك تقولين لهم ابيه عشان بدل البطاله ,,

وهنآك تسجلين عندهم بالهيكله ,., بالفروانيه منطقة الضجيج ..
بس بالاول سإلي دقي عليهم .. لان اهما يبلشون ع الدفعآت
يمكن ليما الحين ,, ماخلصو الدفعه الي قبلج ..

والبدل 150 ,,

من تاريخ تسجيلج .. يعني حسبي اسبوعين ثلاث ينزلج .. 110 انا رفيجتي كانت جذي

بس لان انا سجلت متاخر ,, صرفوها لي بأثر رجعي 260 ..

بعدين بعد كل مراجعه حسبي 10 ايام ينزل البدل ..

وشكرن لكم لووول

 

[لجل عيۆنڪ]

رد : رد: بنات اللي تاخذ بدل بطاله تدش شوي ما عليكم امر

لازم تراجعينهم عشان يذلونج ويطلعونها من عينج
عفوا قصدي تراجعينهم عشان يشوفونج يمكن توظفتي وماجاهم خبر
يمكن متي والبدل يمشي حق اهلج بدون وجه حق

هو بالعقل ماله داعي تراجعينهم بس يعني تعرفين مايعطون شي بالراحه لازم تراكضين
واذا ماراجعتيهم يقطعونها عنج

اي والله كل ماااروح لهم .. من غير لا تسأل او تقول شئ
ع طول تحط لي موعد جديد اراجعهم فييه ,, وهذي حالتي كل شهر اتعنى ع الفاضي

وجملتها المعروفه ,, ماكو وظايف وراح اصرف لج البدل هالشهر << جناا تصرفه من مخباتهاا ,, :eh_s(4):

بس الي تسأل وتحن تطلع الوظايف بس يعني اغلبيتهآآ ,, تكون مو ذآك الزود

يعني انا اخر مره رحت لقيت وظيفه حلوه ومعاشهااا زين بس ابوي مارضا ..

يقولي بعييده لوووول .. أضحك من القهر ,,

ينطر الديوان ينزل اسمي طبعاا بالمشمش هذي ..

 

[kuwaitya-frawla]

حبيباتي والله بارك الله فيكم ما قصرتو



انزين يعني الحين اذا قدمت على بدل البطاله لازم بالهيكله يعني جذي راح ينزل اسمي بالقطاع الخاص؟:bbbiu:





ومن صجهم كل شهر اروح لهم عشان يحطون لي موعد :eh_s(10): اففففففففف هذولي اخس من ايام الكليه والاعانه


لوووووووووووووووووول يالله شنسوي بعد الله كريم



وصج مشكورين وما قصرتو و جزاكم الله الف خير :wqedqw:

 

[بوليانه]

رد : رد: بنات اللي تاخذ بدل بطاله تدش شوي ما عليكم امر

أول مره أدري إنهم يصرفون بدل بطاله ....؟
وأنا صارلي سنه ونص مقدمه على الديوان وما طلع إسمي ولا استلمت بدل ولا شي

سألت مره عن البدل وقالوا هذا قانون قديم والحين مانعطي بدلات وسكت عن السالفه بعدها

وحتى اذكر ماكان عندي عيال ولمن ولدت قلت بغير بياناتي بالديوان قالولي ماراح يأثر شي بالرقم
وأنا سامعه إن المطلقه أو الإرمله أو المتزوجه وإلي عندها عيال لها الإولويه ....

وكل واحد يقول حجي حتى إلي يشتغلون بالديوان نفسه .....


ياليت اتفيدوني ....

 

[kuwaitya-frawla]

رد: رد : رد: بنات اللي تاخذ بدل بطاله تدش شوي ما عليكم امر

حبيبتي امبلى يعطون بدل 100% بس لازم الواحد ينذل منهم ولا شلون بالله لوووووووووووووووووول


هذا الديوان وهذي خلاجينه وبعدين هذولي الموظفين دايخين :/ مالهم خلق يسوون شي عشان جذي انا اسال بنات المنتدى عل اقل



يجاوبون جواب شافي تعرفين شالي لج وشاللي عليج عرفتي؟



فروحي لانه لج الحق بال150 من تكملين 6 شهور بطاله فما بالج وانتي مكمله سنه وشي

 

[بوليانه]

رد : رد: رد : رد: بنات اللي تاخذ بدل بطاله تدش شوي ما عليكم امر

يعطيج العافيه حبيبتي وإن شاء الله بس ريلي يقعد حق دوامه أقوله

 

[لجل عيۆنڪ]

رد : رد: رد : رد: بنات اللي تاخذ بدل بطاله تدش شوي ما عليكم امر

قدمي خيتوؤو ,,

وراح تنزلج بأثر رجعي ,, اتوقع ..

يعني ريلج راح يستانس ويركض ركض لوووول

 

[بوليانه]

رد : رد: رد : رد: بنات اللي تاخذ بدل بطاله تدش شوي ما عليكم امر

لووووول عاد حده بيستانس لأن يحاتي ولادتي ومايقدر ياخذ قرض

 

[لجل عيۆنڪ]

رد : رد: رد : رد: بنات اللي تاخذ بدل بطاله تدش شوي ما عليكم امر

الله يسهل عليييج يآآرب ,, وتقومين بالسلآمه ,,.

ويرزق بالذريه الصالحه ,,

موفقه انتي روحي سإلي او دخلي موقعهم ,,

وسجلي واهما يعطونج موعد تراجعينهم ,.,

 

[بوليانه]

رد : رد: رد : رد: بنات اللي تاخذ بدل بطاله تدش شوي ما عليكم امر

أي موقع الديوان نفسه ؟ شلون اسجل ؟

 

[لجل عيۆنڪ]

رد : رد: رد : رد: بنات اللي تاخذ بدل بطاله تدش شوي ما عليكم امر

ويت وانا اعطييج الرابط مال الهيكله

 

[لجل عيۆنڪ]

رد : رد: رد : رد: بنات اللي تاخذ بدل بطاله تدش شوي ما عليكم امر

http://www.mgrp.org.kw/uien/default.aspx

مني دخلي ع الموقع ,,
تلاقين بالاختيارات فوق .. الباحثين عن عمل ..

بعدين تسجيل باحث جديد وعبي بياناتج .. وبالاخير يحطون لج موعد ..


موفقه خيتوؤ ,,