اللى كتبت لي ورسلتني خاص ماقدرت ارد بس ابي طريقه كيف انسحب من حياته للمعلومه له مده ناااااااااااااااااااااااااادرر ماشوفه بالمسنجر
يعني القاه دقيقه دقتين بالفيس بوك :eh_s(2):
حقيقه انا نفسي يقولي خطب عشان اقطع الطريق
بنات اللى كانو اول يحبون شلون تركتو اللى تعزيهم يعني شلون انسحبتو من حياتكم
ربي يرزقكم من واسع فضله اللى ترد علي ولا يطيحكم ببلاء يارب
بسم الله الرحمن الرحيم ... بس بقولك الامر سهل اذا اعنتي نفسك على الشيطان
تقدرين اذا اخلصتي النيه لله .. الله بيساعدك ... انا ماشفت موضوعك السابق .. بس فهمت انك على علاقه محرمه
حاولي ماتدخلين النت لحالك خليك بين اهلك واجلسي معاهم اغلب وقتك
اذكري الله واكثري من الاستغفار
ثانيا ... عطلي حسابك بالفيس بوك ..
او خلي احد ثقه يغير الباسوورد عشان ماتقددرين تدخلين
لو وسوس لك الشيطان بالمعصيه .. قومي توضأي وصلي ركعتين وادعي الله .. والله بتنقدين على نفسك وتفكيرك قبل الصلاه
تذكري الفضيحه وسوء العاقبه .. وتخيلي لو احد يشوف محادثاتك وسوالفك .. تخيلي اخر هالطريق .. اما فضيحه وخزي عند اهلك .. او عيشه رديه وبدون كرامه لانه بيضل يشك فيك كل عمرك ومار اح يحس انك اهل تكونين ام عياله
وطبعا غضب الله في كلا الحالتين لو ماتبتي .. واستغفرتي
كل يوم اول ماتدخلين النت شغلي سورة البقره ... بصوت شيخ تحببينه مثل ادريس ابكر صوته عذب ويشرح الصدر
حاولي وجاهدي نفسك انا كانت لي معاصي بالنت مو علاقات لكن اتابع اغاني واشوف يوتيوب
بس الحمدلله تخلصت منها وانا الحين فخوره بنفسي جدا جدا ... الله يغفر لنا ويتوب علينا ويستر علينا
الله يكون بعونك ويهديك ويكفيك شر عيال الحرام انتي وجميع بنات المسلمين
