بنات اللى سوت ليزك منو احسن الربيعة و لا المنصور؟

[noty]

والله الربيعه واايد يذمونه الصراحة

و من كذا وحدة

احسن دكتور بالكويت اهو د.امل اللي بوشهري

حتى اللي اسوون عملياتهم بره بالمانيا و غيرها اقولون لهم راجعوا بالكويت اذا صار شي عند هالدكتور

رفيجتي سوتها عنده و الحمدالله واااااايد شاطر

و اي وحده من البنات تمدح الكندري .. واايد اسمع عنه انه زيين بعد

و ان شاء الله ماتشوفوون شر

 

[أوركيد]

آنا مسويتها عند الربيعة من 8 سنوات تقريباً

الحمدلله تمام..

واهو مريح بالتعامل ماشاالله عليه

اي آنا مسويه ليزر مو ليزك

 

[كشموووشه]

مرت اخوي واخوي سووها عند الربيعه قبل 7 سنوات وماشاء الله تبارك الرحمن الموبس النظر اوكي احس صار في لمعه بعينهم تهبل

 

[Morena]

بنات انا عندي موضوع محيرني واهوا اللي موقف موضوع عمليتي

سمعت انه الربيعة حاشنة جلطة ومن عقبها ايده قامت ترجف

ابي واحدة تكون رايحتله من قريب او اي احد من اهلها تؤكدلي صحة الكلام هذا

و د امل شنو جنسيته؟

 

[Harmony]

منوره اليوم رحلته لا ترجف ايده و لا شيء جنه البخت عاد انا قاعده و ادقق عليه حرام اللى قالوا عنه جذى لأنه مو صج و انتى روحى الفحص و شوفى بعيونج خو مو سيده العملية

 

[هبونه]

رفيجتي سوتها عند الربيعه وتمدحه وفي دكتور بعد من شهرين اخوي مسوي عنده عملية وايد يمدحه اسمه
^
^
^

مبارك العجمي يقول وايد ممتاز

 

[حبيبته آنا]

عبدالله المنصور ممتااااااااز بس لاتروحينله بروحج دايما اخذي معاج محرم

 

[Harmony]

مورينا انا صايرة المحقق كونان و السبة انتى لوووول يوم الاثنين رحت العيادة الصبح بلاغة شف لأن دريت انه يسوى العملية يوم الاثنين الصبح عاد رحتله اشوف اللى سوها و شنو يقولون و الله الكل طلع ما شاء الله تبارك الرحمن شحليلهم يمشون يقولون كل شيء زين و ما يعور و يقرى اية الكرسى قبل لا يبدى و وايد يهديهم و يذكر الله و يسمى بكل شيء وايدارتحت من كلام الناس اللى توهم مسوينها و طلعوا و صراحة العيادة ما شاء الله تبارك الله متروسة من حريم و رياييل حتى اجانب شفت 3 امريكان سويها عنده!!!! و العيادة جنها خلية نحل ما شاء الله تبارك الله و الموظفين نحل بس يبارون و يعلمون و على ان ضغط عليهم الكل وجهه بشوش و يضحك و يتحمود للناس بالسلامة لطلعوا و اللى بالانتظار يدعولهم بالسلامة و اللى ريحنى ان الكل اللى يشتغلون ما عدا الفليبنيات كلهم متحجبات و عبى بعد و الكل ملتزم بالصلاة يعنى يوم اذن تداوروا علشان يصلون كلهم حتى الدكتور و مساعدة وقف الشغل قبل الصلاة و صلى عقب كمل و انا هالشيء ريحنى لأن المكان اللى فيه الصلاة مبروك و رحت ثانى يوم يوم الثلاثاء اللى هو يوم المراجعة على طول ثانى يوم عقب العملية الصبح و اسأل الناس و ما شاء الله كلهم و الزينهم يقولون عقب العملية جاهم صداع ناموا و يوم قاموا العصر ما فيهم الا العافية و كلهم جايين ثانى يوم يبتسمون و يقولون كل شيء تمام و يشوفون عدل عسى ربي يتمم عليهم العافية و يشافينا جميع

و هذا تقصى خاص و شامل لعيادة الدكتور سامى الربيعة لعيون اختى مورينا

 

[AwradAli]

انا وياج هارموني توكلي على الله الربيعه مثل ما شفتي بعينج وشفتيني P: ممتاز ماشالله عليه ودكتوري حسين العباد بعد ممتاز بس قوليلي متى ناويه انشالله تسوينها عشان أيي اتطمن عليج