بنات اللى سوت ليزك منو احسن الربيعة و لا المنصور؟

[Harmony]

السلام عليكم بنات
​

انا قاعدة افكر اسوى ليزك وايد متأذية من العدسات و كل ساعة مخرعينى من هالسائل و لا ذاك اللى يعمى و اللى يسبب بكتيريا مادرى التهاب و سالفة

المهم اذا الله يسر و قدرت اطمن بسويها بس سؤالى لكم بنات منو احسن د. سامى الربيعة و لا د.عبدالله المنصور؟

تكفون بنات علمونى و اللى مسوين عندهم شلون الطريقة و السعر و شنو قالولج حق المتابعة سواء قبل العملية و لا بعدها شنو عطاها بعد العملية و قبلها من دويات و غيره و شكثر قعدتى بدون عدسات قبل العملية و شكثر على ما صار النظر عادى عقب العملية؟
​

و يجزاها الله كل خير و يوفقها دنيا و اخره اللى تجاوبنى و تعينى على هالقرار

و مشكورين مقدما كل اللى دش و قرى :eh_s(17): :eh_s(8):​

 

[غيوووض*]

شوفى اختى انا سويتها عند الربيعه واهو خبره وممتاز بس عيبه انه زحمه بس شاطر اما المنصور اعتقد فاضى اختى انا ما البس عد سات فالنظام كان كالتالى قبل العمليه عطانى قطرات استخدمها لمده ما اذكر كم بس ما تطولين بعدين يسويلك العملبه بس بالعمليه لاتحركين علشان تستفيدين من اكبر قدر من الليزر وعلى فكره هناك فحوصات عنده قبل العمليه وبعد العمليه يلبسك مثل النظاره الكبيره ويكون حاط بعينك عدسات وتلبسين اثاء النوم وما يحوش عينك صابون ولا تفركينها وتراجعين بوعد ويعطيك قطرات وغلى فكره لاتستخدمين المكياج لمدة عشر ايام بعد العمليه والقطرات بعد العمليه لازم تستخدمينها علشان عينك لاتجف وبعدين يتسبب يجروح وانا اختى سويت عين وحده واخذو منى 350 اذا مانى غلطانه لانى نسيت بصراحه واو لشئ ياخذون منك 50 دينار والف سلامه لك

 

[Harmony]

تسلمين اختى وهايب الخير ما قصرتى عسى ربي يوفقج ان شاء الله

 

[Harmony]

>|<

 

[^ام العيون السود^]

هلا حبيبتي
انا توني سويتها يوم الاثنين اللي طاف عند سامي ربيعه والحمد الله كنت البس عدسات والحين نظري اوكي ما البس لا عدسات ولا نظارات
طريقتهم تاخذين موعد وبعدين يطلبون 50 دينار حق الفحوصات قبل العمليه وبعد العمليه وفتح الملف عندهم بلاش وقبل العمليه يفحصون عيونج انا سويت 3 او 4 فحوصات بعدين تدشين على الدكتور يشوف الفحص ويقولوج العمليه متى؟
طبعا قبل العمليه يعطيج قطرات ثنتين وحده كرتزون والثانيه ترطيب حق العين
بعد العمليه راح تحسيت بحكه بعيونج وهو راح يعطيج نظارات تلبسينها عشان ما تحكينهم وحتى وانتي نايمه تلبسينها وطبعا تستخدمين القطرات ومدة يومين ما يحوش عيونج ماي ولا تتسبحين ولا صابون ولا شامبو ومدة 10 ايام ما تحطين مكياج بعد اسبوعين يعطيج موعد يفحص نظرج وكلفتني العمليه 475 دينار
انا انصحج عنده دكتور شاااطر وبالتوفيق يا قلبي واي سؤال انا حاضر

 

[FOZQ8]

امي واختي مسوين عند الربيعه ماشالله عليه خبره هالريال
انصحج تسوين عنده

 

[Harmony]

تسلمين يا ام العيون السود و عسى ربي يتمم عليج نعمتة
ما قصرتى حبيبتى

 

[Harmony]

تسلمين فوز عسى ربي يخليلج اميمتج و اخيتج

 

[Morena]

هلا حبيبتي
انا توني سويتها يوم الاثنين اللي طاف عند سامي ربيعه والحمد الله كنت البس عدسات والحين نظري اوكي ما البس لا عدسات ولا نظارات
طريقتهم تاخذين موعد وبعدين يطلبون 50 دينار حق الفحوصات قبل العمليه وبعد العمليه وفتح الملف عندهم بلاش وقبل العمليه يفحصون عيونج انا سويت 3 او 4 فحوصات بعدين تدشين على الدكتور يشوف الفحص ويقولوج العمليه متى؟
طبعا قبل العمليه يعطيج قطرات ثنتين وحده كرتزون والثانيه ترطيب حق العين
بعد العمليه راح تحسيت بحكه بعيونج وهو راح يعطيج نظارات تلبسينها عشان ما تحكينهم وحتى وانتي نايمه تلبسينها وطبعا تستخدمين القطرات ومدة يومين ما يحوش عيونج ماي ولا تتسبحين ولا صابون ولا شامبو ومدة 10 ايام ما تحطين مكياج بعد اسبوعين يعطيج موعد يفحص نظرج وكلفتني العمليه 475 دينار
انا انصحج عنده دكتور شاااطر وبالتوفيق يا قلبي واي سؤال انا حاضر

اختي الحمدالله على سلامتج ومبروووك انج افتكيتي من النظارات والعدسات

بس ممكن سؤال تعور العملية؟
و يسوي كل عين بروخ؟؟؟ ولا نفس الللحظة؟؟؟
,,,,,,,,,,,,,,,,

وعندي سؤال للاخت وهايب شلون ما اتحرك اهما مايثبتون العين بشي مادري شلون شكله؟؟؟

 

[Harmony]

ويييي منيرة "ااااه يا حلات هالاسم و يا زين راعيته عسى ربي يخليج لى و اشوفج عروس "

منوره شكلش مثلى ودج و متردده يا ربي عينا و اهدينا للى فيه الخير ان شاء الله

 

[كويتيه منهو قدي]

اي بليز سؤال مهم

تعور العمليه ولالا؟؟؟؟؟؟؟؟

 

[BLack suGar]

وين مكان الدكتور الربيعة وجم رقمه ؟

 

[Harmony]

هلا حبيبتى black sugar رقمة يا محفوظة السلامة 5752222
و هو بالعمارة اللى قبال شوبيز اللى تكون قاعده بروحها على كتر و فيها مطعم بيتزا جان مانى غلطانه

 

[Shams O Gomar]

توكلي على الله وسويها عند د.الربيعه

وبالسلامة يارب

 

[^ام العيون السود^]

حبيتي مورينا
قبل العمليه يحطلج قطره بنج موضعي وما في عوار كلش واول شوي يبدي بالعين اليمنى بعدين اليسري وقت العمليه 10 دقايق او اقل بعد ويثبت عينج بحديده عشان ما ترمشين ولا تحاتين ما تعور

 

[Harmony]

للرفع

 

[Morena]

حبيتي مورينا
قبل العمليه يحطلج قطره بنج موضعي وما في عوار كلش واول شوي يبدي بالعين اليمنى بعدين اليسري وقت العمليه 10 دقايق او اقل بعد ويثبت عينج بحديده عشان ما ترمشين ولا تحاتين ما تعور

اختي الحديدة ماتعور او تضايق؟؟

 

[ladybird-143]

حبيبتي انا ريلي سواها عند سامي الربيعه والكل مدحله ياه اهو استشاري
اول شي خذوا منه 50 دينار مثل فتح ملف وفحوصات
وقاله 3 اسابيع قبل العمليه لاتلبس عدسات
(( نصيحه مني اذا تلبسين عدسات وتبين تسوين العمليه ريحي عينج بالاشهر من العدسات ولو سنه احسن وسوي فحوصات وتاكدي انه مافي التهابات او اي شي وسوي استخاره اهم شي قبل العمليه بيوم ))
وعطاه قطرتين يستعملهم وعلى مااعتقد الوحده 3 مرات باليوم لي يوم العمليه والله ما اذكر عدل ..
ويوم العمليه دفع 400 واستعمل نفس القطرات بس عدد المرات والايام اختلفت وهو على العموم الدكتور يقولج كل شي وانتي سالي الي تبينه
والافضل انج تسوينه بالشتى مو بالصيف مو زين لان الشمس حاره
يوم العمليه راح اتحسين بصداع اخذي بندوله ونامي ويروح العوار بس اول الايام اتحسين بوخز خفيف بعينج وضباب شوي بس كله يخف مع الايام
العمليه كلها كلفت 450 دينار سوا عيونه الثنتين
وبالتوفيق
انشالله ما اكون نسيت شي

 

[كندريه حلوه]

والله حبيبتي انصحج بجمال الكندري مو ليش انه يصيرلي لا والله اختي قبل سنه مسويه عنده وبنت خالتي ومشالله الحين نظرهم 6 على 6 وقطو العدسات اهوه دكتور شاطر وتخصص قرنيه جنه والله مادري وسوه بعد حق امي زراعه عدسه وروحي وشوفي وماتشوفين شر

 

[Harmony]

تسلمون بنات ما قصرتوا عسى ربي يوفقكم كلكم