بنات الله يوفقكم اللي تعرف تتصرف مع القطاوة تدخل ضروري الله يجزاكم خييييير

[ms. hana]

بنات الله يوفقكم انا ما اعرف بالقطاوة ابد ... وانا كنت طالعه لقيت قطوة كبر كف ايدي بحوشنا ما كانت تتحرك رحت الجمعيه وتقضيت ورجعت وهي بنفس مكانها ..
ولما رجعت
رحت حطيت شوي ماي وخليتها تشرب شوي .. وبعدين قامت تتحرك شوي وطلع لها صوت . وحسيت انها خايفه ..والحين انا محتارة اخليها بالحوش او ادخلها البيت .. سالت زوجي وكنت خايفه اني اكون اعذبها وانا ما ادري .. قال لي دخليها البيت اعتني فيها وروحي سبحيها ونضفيها وهي من الحين قطوتج وانا خايفه ما ادري شنو اسوي .. لان اول مرة اتعامل مع القطاوة ..

اقدر اسبحها بشامبو لايف بوي وشلون اسبحها

للعلم انا ادري ان للقطاوة اشياء خاصه بس انا ما عندي ولا شي منها حطيت لها طشت صغير وعبيت فيه شوي تراب ...

وما ادري احط لها من اكلنا او اروح اشتري لها اكل ...

بنات فيدوني الله يجزاكم كل خييييييييير بشهر الخير

الي تعرف للقطاوة تدق علي الله يوفقها بدنياها وبآخرتها .. لان انا مو عند الجهاز بروح اشوف قطوتي ...:eh_s(6):

55566916

ام عبد العزيز​

 

[بــدويه]

لااااااااااااااااااااااااااااااااااااااااااااااااااا تسبحينها ترى تموووت ..

اول شي فاتحه عيونها ولا لاء وتقدرين تقدرين لي جم عمرها ؟؟

انا بالصفحه ناطرتج لما تردين

 

[سكارف.فوشي]

صح كلام بدويه

 

[تولاي 2009]

هي اكيد توها والده ومايصير تسبحينها والظاهر انها ترضع يعني ماتاكل شيء
والله يوفقج مس هناء

 

[moka-cat]

اذا مو فاتحة عيونها لاتسبيحنها واذا فاتحة عيونها سبحيها بس رفعي راسهاعلشان مايدش ماي باذونها ونشفيها عدل علشان ماتمرض والاكل انا قطوتي اشتريها اكل قطاوة مع البسكوت

 

[moka-cat]

ولاتحطينها بره البيت لان حر عليها حرام

 

[moka-cat]

اذا مو فاتحة عيونها لاتسبيحنها واذا فاتحة عيونها سبحيها بس رفعي راسهاعلشان مايدش ماي باذونها ونشفيها عدل علشان ماتمرض والاكل انا قطوتي اشتريها اكل قطاوة مع البسكوت

 

[yassoo]

حبيبتي لا تسبحينها
بللي فوطة ماي دافي ومسحي جسمها
واذا بتعطينها حليب عطيها حليب قليل الدسم
الازرق الفاتح
وبالنسبة للاكل من مركز سلطان في العلب الصغيرة سعر العلبة 320 فلس
ييبيلها اللحم المفروم الناعم عشان تقدر تاكله
واهم شي تحطينها بمكان دافي
عسى الله يوفقج دنيا واخره ياقلبي وريلج معاج
عاد انا احترم واقدر الناس اللي تتعامل مع الحيوانات ايا كان نوعها

 

[ms. hana]

اشكركم كلكم .. واللهه يعطيكم العافيه ويوفقكم

بدويه ياليت تردين عالخاص بليييييييز بسرعه

انا خايفه لان بحياتي ما مسكت قطوة ...

واخاف اعذبها

يمكن نفس ما قلتوا توها مولوده ... لان عيونها مثل ما قلتوا مغمضه .. وحجمها كبر كف ايدي

عاد ما اعرف نوعها او جم عمرها

اذا صارت زينه راح اصورها وانزل صورها بالمنتدى

الحين بليز الي تقرا الموضوع تقولي شنو الاغراض الاساسيه الي اقدر اشتريها لان انا بروح الجمعيه بعد شوي

مثل شنو اكلها

وشنو تشرب ؟ واشتري لها طشت او الي عندي يكفي .. واذا في اشياء ثانيه الله يوفقكم قولوا لي بسرعه

وجزاكم الله كل خير وجعله في ميزان حسناتكم

 

[lojeeen]

شوفي اهم شي لا يلمس جسمها الماي و اهي بهل عمر تو الناس خل يصير عمرها 3 اسابيع بعدين تجي دور النظافه

حطيها في سله أو طشت و حطي تحتها مفرش قطني ما تبينه أو اي ملابس قطنيه ما تبينها المهم تكون نظيفه

جيبي لها جربه ماي و عبيها ماي دافي و خليها تنام فوقها لأن المواليد يحتاجون الدفا

إذا مستمره مع الحليب اللي وصفه لج اياه الطبيب كل ثلاث ساعات بعد كل ثلاث ساعات جيبي كلنكس أو قطنه و بلليها اشويه ماي دافي و مسحي المكان اللي تبول منه القطوه ضروري تساعدينها على التبول و الخروج بتشوفين تطلع منها ماده لزجه لونها بني أو اسود و ممكن تتبول بهل طريقه

الأم تلعق جسم القطط حتى تنشط الدوره الدمويه و بدونها يتوقف سريان الدم بالجسم فانتي حتى تحاكين هل طريقه جيبي فرشاه اسنان ناعمه و مشطي جسم القطوه على الأقل ثلاث مرات باليوم

و شنو بعد ~~~ بهل عمر القطوه ما تحتاج لأي نوع من الأكل الصلب أو السائل ما عدا الحليب المخصص للقطط لا تعطينها لا كي دي دي و لا أي نوع خالي الدسم لأ، كلها تحتوي على اللاكتوز و القطط الرضيعه ما تقدر تهضمه

و أي شي محتاجته لا تترددين عندج الموضوع أو اتصلي علاي رقمي عندج الحين ^^

 

[ابي قطوة ميوووو]

والله انا الي اعرفا ان القطاوة الصغار ما ياكلون بس يشربون صح بنات ؟؟؟
وانشاء الله البنات ايفيدونج

 

[sweet cake]

ما قصرت لوجين وانا انصحج تاخذين بكلامها لأنها من المربيات المتمرسات بالتربيه..
مو تنقيص من معرفة الخوات لكن كلنا نثق بلوجين ..

 

[دمي مـטּ ذهب]

الله يجزاج خييير والله
بس نصيحتي خليها عندج جم يووم
وبعدين حاولي تدورين أمها حرام
وبالأول لازم تشرب حليب
وان شاء الله البنات يفيدونج أكثر لأني ما ربيت قطاوه

 

[دمي مـטּ ذهب]

up
up
up
up
up

لعيونج وطمنينا عليهااا

 

[Qـويتية]

الله يزااااااااااج ألف ألف ألف ألف ألف ألف خييييييييير ربي يوفقج دنيا وآخره على هالتصرف ^__^ الله ينور عليج ويفتحها عليج دنيا وآخره، القطوة أول شي وديها البيطري خليهم يفحصون عليها شوي، وانشالله مافيها شي، وشربيها حليب، ولا تسبحينها توها ياهل، ودفيها، خليها عندج وخليها تحس بالأمان، يمكن امها خلتها، ويزاه الله ألف خير إن زوجج قال إنها قطوتج ^__^ اهتمو فيها وهي قطوتكم ومشالله عليكم، ورينا صورتها وطمنينا عليها

 

[girl0lisheis]

اي لاتسبحينها وخليها بمكان دافي ولا تشترين لها اكل بس حليب وماادري وجنه ايقولون ان البيطري ابيع حليب حق القطاوه لان اخاف الحليب العادي ثقيل عليها بس اذا بطلت عيونها يعني صار عمرها شهر ونص حطيلها اكل القطط بس يكون لين واذا صار عمرها 3 اشهر وديها البيطري عشان اتطعمينها وطلعين لها دفتر......واتمنى اكون فدتج