بنات الله يخليكم ولدي عمره 12 سنه ويحس تنميل بالوجه

[goreyflower]

السلام بنات
تقبل الله طاعتكم
ولدي عمره 12 سنه ومن كم شهر يحس بتنميل بالوجه وساعات بجسمه وصراحه انا خايفه عليه وايد وابي اعرف وين اوديه سوتله تحاليل بالمستوصف واليوم تطلع نتيجه وطبعا دكاترت مستوصف خواره اقولها ولدي يحس بتنميل بالوجه اتقولي اول مره اسمع بالحاله
بنات الله يخليكم بحق هذا الشهر فضيل اللي صار فيها جذي جاوبني وشنو اسبابه واللي تعرف دكتور شاطر وزين علشان اوديه عنده
طلبتكم بنات لا تردوني الله يعطيكم اللي بخاطركم اللي يرد علي

 

[الباحثات عن الجمال]

ألف سلامه عليه إن شاء الله كل العافية لابد من الذهاب وباسرع وقت لطبيب مخ وأعصاب

 

[الباحثات عن الجمال]

وسوي اشعة رنين على المخ فإذا طلع كله تمام ترجعي طبيب نفسي لأن أحيانا هذه الأعراض منشأها مشاكل نفسية وربنا يكتب له الشفاء.

 

[goreyflower]

حبيبتي الباحثات عن الجمال مشكوره حياتي على ردك ربي يعطيك كل اللي بخاطرك في هذا الشهر الفضيل بس يارب ان ما يكون في شي ولدي

 

[احساس ملكه]

صاجه البنات يمكن شي باعصاب وجه ويمكن هواء بارد حايشه ويمكن فيه انيميا


دهنى بزيت مقري والله يشفيه يارب وخلى يقرا البقره والرقيه الشرعيه

 

[دنياالوله]

حبيبتي وديه مخ واعصاب الدكتور سهيل نجم
او سوي له اشعة رنين
والف لا باس عليه ممكن الاعصاب حايشها برد
الاشعه تبين الاعصاب كلها

 

[كويتيه سبيشل]

up

up

ان شاء الله مافيه الا العافيه

 

[الجواريه]

مرحبا يا اختي انا اعاني مثل ولدج وهذا عادة بسبب نقص فيتامين ب12 وروحي للمستوصف وقوليلهم انتي بنفسج يكتبون له هالابر ابر فيتامين ب 12 وان شاء الله مايشوف الا كل خير

 

[goreyflower]

اهلين خواتي ومشكورين على ردودكم
احساس ملكه اهوه في فقر دم لان حامل انميا البحر المتوسط ولمن سويناله تحليل طلع الحديد زين بس دمه نازل وعطوه فلوكد اسد علشان دمه وصج راح اخليه يقره سورة البقره لان اهوه اسمله شاطر من صغره وهادي والكل اللي في مدرسه يحبونه وديما العين عليه وانشاء الله راح اوديه طبيب يشوفه ومشكوره وايد حبيبتي على ردك جعاه الله في ميزان حسناتك ونولك مرادك
دنياالوله الله يعطيك العافيه حياتي ومشكوره حبيبتي والله يسلمك من الشر
كويتيه سبيشل الله يعافيك حبيبتي ومشكوره على ردك
الجواريه هلا حبيبتي مشكوره حياتى على ردك بس انتي اشلون عرفتي ان هذا نقص فيتامين ب12 يعني راجعتي عند دكتور ومنو دكتور وسلامات وما تشوفين شر

 

[منو انت]

مااعرف


الله يخليه لج وماعليه شر ياررب

 

[goreyflower]

منو انت حبيبتي مشكوره على مرورك وشر ما اييك كافي ردك علي

 

[بسيمه]

عليج بالرقية الشرعية مع دهان الوجه بزيت الزيتون أثناء القرأه ومايشوف شر إن شاء الله ويطمن قلبج .

 

[doda_]

نصيحه مثل ماقالو سويله اشعه الرنين المغناطيسي ووديه عند دكتور سهيل الشمري
كنت احس احساسه لين اكتشفو فيييني مرض الام اس
الله يشافي ولدج وروحي بأقرب وقت

 

[روح مغليها]

ليش مكبرين السالفة
عااادي يبئ هذا فقر دم يأماا صغار فيني
أكيد اكله موو زين