بنات الله يخليكم ساعدووووووووني ...ابي احسن دكتور طفل انبوب بالكويت

[BNT_NAS]

بنات الله يخليكم ساعدووووووني ...ابي احسن دكتور طفل انبوب بالكويت ويرجع اجنة وايد

السلام عليكم








































اشلونكم حبيباتي عساكم بخير....بنات انا الي فيني عقم غير مفسر ...يعني ولله الحمد لا انا ولا زوجي فينا شي.((ماشاء الله))..بس ربي ماكتبلي الحمل ....سويت 4 مرات تلقيح صناعي ومرتين انابيب مرة عند باترك <<<ويع
ومرة عند فوزية<<<عسل

والحين ودي اعيد العملية مرة ثانية بس محتارة هل اعيدها عند فوزية ويلا عند دكتور ثاني

لاتقولولي العرف دقيت عليهم مواعيدهم يالله شهر عشرة...وانا ابي استغل عطلة الصيف....

يالله عاااااد بناااات ادري ماتقصرون ...منو اتشورون علي؟؟؟؟؟

ابي دكتور شاطر ويرجعلي اكثر من 4 اجنة ....منو؟؟؟؟؟

 

[ماي الورد]

للحين عندج احسن اثنين الي يمدحونهم دائما

1) اسامة صالحة بدار الشفا ( لكنه طبعة جاد اشوي بتعامل ما عندة لا ابتسامة عندة الشغل شغل )

2) ناهض حمادية في مستشفى المواساة هم يمدحونة حيل ( لكني ما تعاملت معاه صراحة )

والله يرزقج يارب

 

[Amory]

حبيبتي استخيري وشوفي وين ترتاحين افضل

فوزيه وايد زينه و حفصه البوعركي هم زينه ابرويال حياة وعندج ناهض حماديه بالمواساة

انتي سوي جوله بينهم وقرري والله يرزقج المره اليايه يارب.

 

[BNT_NAS]

مشكورين وماقصرتو...انزين بنات ابي دكتور شاطر ويرجع اكثر من 4 .....اسامة صالحة وناهض حمادية جم جنين يرجعون.؟؟؟؟

 

[eng.q8]

هلا والله بنت ناااااس
شخبارج..طمنينا عنج

في وايد دكاتره زينين والله يكتبلج
بس سالفه الاجنه هاذي تختلف من حاله لي حاله ..سوال صعب ..

والله يرزقج يارب

 

[Amory]

نصيحه لوجه الله اقدمها لج من اخت لي اخت واهي:

شيلي أسامه صالحه من القائمه تكفين لا اتضيعين وقت وتتعبين عالفاضي

ارشحلج ناهض حماديه.

 

[hadooya_ali]

انصحج بناهض حمادية دكتور فاهم وممتاز

 

[ريحة الحنه]

اول شي استخيري عسى الله يكتبلج الخير
شوفي الدكتور عماد غزاوي برويال حياة شاطر
بس مادري كم يرجع اجنه
الله يرزقج بالذريه الصالحة ويرزقنا جميعاً

 

[BNT_NAS]

مشكورين بنات وايد وايد ...برشه برشه...

هلا انج حبيبتي ...والله انا غاطة ومقصرة ادري ....انتي اشلونج واشصار عليج

بنات اتصدقون وايد قاعدة اسمع عن ناهض حمادية....اشلونه زين ؟؟؟ شنو سامعين عنه بالضبط ؟؟؟؟

 

[@حوريه86@]

مشكورين بنات وايد وايد ...برشه برشه...

هلا انج حبيبتي ...والله انا غاطة ومقصرة ادري ....انتي اشلونج واشصار عليج

بنات اتصدقون وايد قاعدة اسمع عن ناهض حمادية....اشلونه زين ؟؟؟ شنو سامعين عنه بالضبط ؟؟؟؟

الدكتور ناهض وايد زين وفاهم واهو توه ياي من لندن حيل شاطر والله يكتبلج ما فيه الخير

 

[ام_مرام]

الله يرزقكم و يرزقنا
انا سمعت يمدحون الثلاثه ... غزاوي و صالح و ناهض
بس ليش ما تمدحين باتريك ؟؟

 

[شذر الحلوة]

حبيبتي روحي حق عماد قزاوي وانت مغمضة انا رفيجتي سوت عنده وجابت توم بنات بس الدكتور حيل شاطر كان بالمواساة قبل والحين في رويال حياة والله يرزقج يارب اذا على عدد الاجنه اهو اللي يقرر على حسب حالتج وتحمل جسمج عشان ماتخسرينهم تراه نصوح ويعرف مصلحة مريضته روحي وبشرينا ان شاءالله الله يرزق الكل باللي يتمناه من ضنى سواء بنات ولا اصبيان روحي لاتترددين

 

[BNT_NAS]

بالنسبة حق باتريك انا ماحبت تعامله ولا تعامل المستشفى بكبرة....الصراحة مستشفى معفن ووسخ...لا وفجأة تلقين الدكتور مطنقر مع ادارة المستشفى وطاق كل المعالجين بالطوفة وهاد المستشفى وطالع ....انا صارت معاي كنت لازم اخذ ابرة يوم 21 ويوم رحت قالولي الدكتور مو موجود ويوم سألت متى بيرجع قالوا ماندري وشكلهم حده متوترين وموعارفين شيقولون..انا اهني عصبت قلت اشلون جذي انا المفروض اخذ ابرة اليوم قالولي احنا اندق...وبعد 3 ايام تقريبا دقوا وقالو اليوم اتيين وتاخذين الابرة ......يعني فوووووووووووضة. ...انزين والي عندهم عمليات والي قاعادين يعالجون ويحتاجون متابعة؟؟!!! مادري اشلون ...وماديين بشكل يعني تطلعين دافعة جريب 3000 حق الانابيب ...انزين ليش وعلى شنو...كل الدكاترة مايتعدون 1500...مادري كلش مابلعته ....


الحين انا محتارة بين ثلاث فوزية وناهض وغزاوي؟؟؟؟

 

[WaChoCha]

حبيبتي هالدكاترة من بعد الله اسباب سوي استخارة وشوفي وين قلبج يدلج.... والافضل تاخذين لج فرة بينهم وتشوفين وين ترتاحين
وعسى الله ايسر لج امورج

 

[فطووومة]

الله يرزقج حبيبتي وكل اللي يبون

 

[صمت ودموع]

ايه والله صاجه ما ادري ليش هالدكتور مطنقر ويكلمنا جنه نطر منه ما جنه دافعين فلوس انا بعد ما دخل قلبي هالدكتور باترك كلش شايف نفسه ما ادري على شنو

 

[Coffee-Girl]

ماجده اليتامى

 

[الفريده]

دكتور باتريك يحب الفلوس انا سويت عنده مرتين وخرطى مره اهو سوالى والمره الثانيه ما كان له خلق يبى يقطنى عند اى احد رحنا دخلنا عليه قلتله انا يايه اهنيه عشان انت تسويلى مو احد ثانى لا كلللش مو خوش دكتور ولمن يرجع الأجنه يحطلى ياهم اى كلام مو مثل الصباح شغلهم حلو ومرتب واخلاقهم عاليه ونفسيتهم تينن .. فأذا تبين دكاتره زينين روحى عند ناهض او عماد او خالد حموده

 

[ذهب والماس]

ماحبيت اطلع من غير لا ارد
اشوف الكل يمدح ناهض وكنت بعالج عنده ورحت اليوم المواساه وطلع ماخذ اجازه وبيرد تاريخ 18
الله يرزقنا ياربي ولا يحدنا على الدكاتره

 

[حورية الشماااال]

بعد الله ماجده اليتامى