بنات الكويت مسااعده بليز أبي مكااان اسافر له

[عقد ألماس]

السلام عليكم ...



بنات الله يعافيكم محتاجه لكم كثير
هاذي السنه كنا مخططين انه نرووح المانيا وماتم معلومه ماخذناها حتى حجز وتذاكر للسفر أخذناها

المهم يوم صار على رحلتنا اسبوعين الجوزات وقفوا لنا انا السنه اللي قبلها كنا مسافرين على تايلند وتعرفون ممنوع للسعودين انهم يرحون هنااك

سو لنا سالفه وطلبوا منا اول شي انه الجواز يتجدد لأن اخر ختمه بتكون لألمانيا المهم لما جددنا وخلصنا
قالوا لنا ان خلصنا لكم الفيزا لشخصين اما الباقي تسلمونهم بعد اسبوعيين وخربت كل روحتنا


اللي ابيه منكم تقولون لي اي مكان اسافر فيه بدون فيزا ويكوون حلو بليز

الاماكن اللي سافرتها ( ماليزا - مصر - الاردن - سوريا - لبنان - تايلند - تركيا )

ابي مكان في اسيا او اوربا يكون حلو لكن الشرط بدوون فيزا ​

طالبتكم يااابنات الكويت ساعدوني كنت مستانسه اني بروح المانيا لكن ماهو مكتووب لنا الروحه

ومحتاره الحين وين نرووح وماأبي ارووح مكان سافرنا فيه قبل


سااااااااااااااااااااااااااعدوني بليز ​

​

 

[وردة نقية]

السلام عليكم
الي سمعته انا ماليزيا بدون فيزا

وتايلاند اكثر السوديين هناك معلومة اول مرة اسمعها ان تايلاند ممنوعه عليهم؟

 

[سمبوسة]

حبيبتي كل دول أوربا تبي فيزا لكن بامكانج تروحين سفارة أوربية ما عليها زحمة مثل اليونان أو التشيك مثلا وتطلعين منهم فيزا شنغن وهذي تدخلج ألمانيا عاااادي وتدخلج أي دولة أوربية غير لندن يعني اذا سفارة ألمانيا بتطول بالفيزا ببساطة طلعوها من مكان ثاني ولا تخربون سفرتكم

واذا معزمة تغيرين الوجهة ما أدري شقولج كل الدول اللي ما تبي فيزا انتي رايحتها بس ممكن اذا تبين روحي ماليزيا وسنغافورا اسبوعين

واذا ميزانيتكم زينة عندج بعد هونج كونج حلوة وراقية وفيها ديزني لاند

وسامحينا على القصور يا الغالية

 

[عقد ألماس]

وردة نقية​

السعوديين ممنوعين من تايلند واللي يروحها عندنا على مسؤوليته حتى سفاره للسعوديه هنااك مافيه لأنه هم قاتلين من عندنا امير ومن بعدها صارت ممنوعه​

سمبوسة​

فكرت في سنغافوره لكن سألت وطلعت بفيزا الرووحه لها اما الصين ماأدري بسأل حلوه التسووق فيهاااا بشووف اسأل وياليت اللي يعرف يعطيني بعد​