بنات الكويت طالبتكم عااااااااااااااجل

[SauDiah]

مساء الورد بنات شخباركم
بنات بليزززززززززز يمكن نمشى الكويت بكره ومازرتها من يوم كنت صغيره
ومحتاجة منكم معلومات ضروري قبل نمشى
اولها وين ممكن نسكن نبي شقه تكون نظيفة ومرتبه وسعرها معقول وقريبه من المولات والمطاعم والكافيهات
ياليت تعطوني اسماء وارقام وبأي منطقة اذا ممكن
وشئ ثاني كل روحتنا 3 ايام وين ممكن اروح فيها
ابي احسن المولات الي توفر على الدوارة ويكون فيها كل شئ
خاصه فساتين السهره << اهم شئ
وابي تعطوني اسماء صالونات يكون شغلها حلو واسعارها معقولة وابي اسماء لمطاعم حلوه واماكن ترفية حلوه تصلح لناس لكبار << اصغرهم 15 سنه
بليز بنات ردو علي بسررررررررررعه المفروض اني ادور حجز الليلة قبل نمشى بكره​

 

[نيوفه]

ابي احسن المولات الي توفر على الدوارة ويكون فيها كل شئ
خاصه فساتين السهره << اهم شئ

المهلب ​

وابي اسماء لمطاعم حلوه

قيصر​

واماكن ترفية حلوه تصلح لناس لكبار << اصغرهم 15 سنه

مالج غير الشعب​

​

حياكم الله​

 

[زلابيا]

مساء الورد بنات شخباركم
بنات بليزززززززززز يمكن نمشى الكويت بكره ومازرتها من يوم كنت صغيره
ومحتاجة منكم معلومات ضروري قبل نمشى
اولها وين ممكن نسكن نبي شقه تكون نظيفة ومرتبه وسعرها معقول وقريبه من المولات والمطاعم والكافيهات
في مجموعه من العمارات في منطقة السالميه خلف الفنار اتوقع انها يديده ماذكر اسمائها بس جنه اسم وحده من العمارات سارا بلازا

ياليت تعطوني اسماء وارقام وبأي منطقة اذا ممكن

السالميه

وشئ ثاني كل روحتنا 3 ايام وين ممكن اروح فيها
ابي احسن المولات الي توفر على الدوارة ويكون فيها كل شئ
خاصه فساتين السهره << اهم شئ

ليلى جاليري- مجمع زهره- غاليريا 2000 - المهلب - مجمع العثمان - مجمع النقره الشمالي - مجمع النقره الجنوبي << اغلبهم تلقين فيهم فساتين السهره
مارينا مول - سوق شرق- الكوت- المنشر - الفنار

وابي تعطوني اسماء صالونات يكون شغلها حلو واسعارها معقولة وابي اسماء لمطاعم حلوه واماكن ترفية حلوه تصلح لناس لكبار << اصغرهم 15 سنه

المطاعم اللي موجوده عالبحر مثل ( فرايديز- شيليز-هارد روك- ابل بيز )- ميس الغانم-مطاعم البدع- مطاعم المارينا كريسنت (جهة البحر) - مطاعم الفنادق

بليز بنات ردو علي بسررررررررررعه المفروض اني ادور حجز الليلة قبل نمشى بكره​

هذا اللي في بالي حاليا .. وانشاءالله البنات ما يقصرون .. وحياكم الله

 

[طال السكوت]

ما شاء الله ما طلبتى شي عيوووووونى (صرت فوزيه الدريع هههه)

اماكن ترفيه واااااايد ويهبلووووووون

اولهم الكوت وسوق شرق

ابل بيز ومرح لاند وماجيك لاند

ولا يطووووفكم المركز العلمى يهبل

 

[SauDiah]

فديتــــــــــــــــــــــــــــــكم الكويت واهلها
ماشاء الله عليكم بجد فزاعات واهل الذوق والطيب كله
وش كثر كتبت بمنتديات ولي يومين انتظر الرد ماحد عطاني وجه
ويعطيكم العافيه بنات على ردودكم
بس حابه اسأل
انا ناوية اروح سوق شرق وسوق مارينا وسوق المباركية
شرايكم يسوى العنوه لسوق الكوت ؟؟
ترى كل قعدتي عندكم 3 ايام وودي بعد استانس فيها
وايش المناطق الي فيها شقق مفروشه وتكون قريبة من السالمية
لاني مابقى شقق فندقية بالسالمية مادقيت عليها كلها فل مافي حجز
ياليت تعطوني المناطق الي تصير قريبه من السالمية وهل دسمان قريبه فيها
وكيف مستوى شقق فينيسيا لاني دقيت عليهم قالو يمكن يكون فيه حجز بكره
ولو ممكن تعطوني ارقام شقق تكون زينه بمكان حيوي واسعارها معقولة بحدود 30 دينار لشقة غرفتين

 

[حبنا الله عليه]

محلات بدل السهره أغلبها في " السالمية "

" ليلى جاليري - جاليريا - ومعرض فؤاد سركيس مقابل وكالة مرسيدس - ومقابل له محل الجعيدي "

وعندج " منطقة الجابرية " " المشاغل الكبيرة مثل " انسام الخلف - وهيا الحوطي - ونادية بوشهري " كلهم بشارع البنزين مقابل حلويات الخباز .. اعطيج رقم هيا وتلقين يمه المشاغل الباقية 5356366 - 5356579 .

طبعاً لاتنسين تروحين المباركية كل شيء فيه من دراريع بيت " مثل محل شحليله بالسرداب " او " محل شيتل بالعمارة البيضاء " وفي الجميع للملابس الداخلية - وفي قمصان البيت الرخيصه - الحواجين - ملابس الأطفال العملية مثل VIP وغيره - كذلك محلات العطور كلها مثل " الشايع - أجمل - القرشي - الحرمين ....... الخ " ومحلات الذهب .

ولاتنسين " سوق شرق - المهلب " ملابسهما لعملية زينه ورخيصه وماركات و عندج " مجمع الرايه " هذا روووووووعه فيه التسوق والقعدات والكافيهات والهدوووووووء عكس المجمعات الباجية .

وبخصوص اماكن الترفيه فلا يعلي على " المدينة الترفيهية - وحديقة الشعب "

وان شاء الله اكون فدتج لو بالقليل

وياحياج الله في ديرتج الثانية بس لو تطولون بالقعده على الأقل ليوم الخميس عشان تشوفون كرنفال الإفتتاح لمهرجان " هــلا فبراير 15/2/2007 "

 

[bambena]

الحين احطلج معلومات وشقق مع ارقام تلفوناتهم

 

[حبنا الله عليه]

نسيت اقولج اذا ودج في بدلات سهره رخيصه عندج منطقة الفروانية

" مجمع الحمرا مول - العربيد بلازا "

 

[bnt q8 in usa]

عندج جمايكااا بالسالميه جمب مستشفي المواساة شقق لايعلي عليها

 

[SauDiah]

تسلمون خواتي ماقصرررررررررررررررررررتو والله وبيض الله وجيهكم
انا ابي بدل تكون نعومه واسعارها معقولة حق سهرات وحفلات صغيره
وبدل كشششششخه حق عزايم الليل القاها بالعربيد والحمراء ؟
واحتمال نقعد للخميس ونحضر الكرنفال بس وين بيكون فيه الكرنفال وفعاليات المهرجان ؟

 

[SauDiah]

عندج جمايكااا بالسالميه جمب مستشفي المواساة شقق لايعلي عليها

اختي ياليت تعطيني لهم رقم وعنوان لو تكرمتي

 

[شهدQ]

مجمع الكويت مايفرق عن غيره

روحي لمجمع الصالحيه والرايه اذا تحبين الماركات

واحلى مطاعم فريج صويلح بالسالميه

ومغل محل بالسالميه

والصيني الي بحولي

 

[SauDiah]

خواتي انا مابي الماركات العالمية تارسه الديره عندنا انا ابي الشغلات الي مو موجوده عندنا ومعروفين انتو بالكشخه والذوق بالبدل وفساتين السهره وابي اخذ من عندكم هالشغلات لاني وش كثر عندي مناسبات الاشهر الجايه وابي لي كم بدلة كشخه وبأسعار معقولة

 

[bambena]

رويال إن

الموقع:السالمية
Telephone : +965 5716111/ 5710085
Fax : +965 5716222
شقق فندقية


ــ لخدمات الشقق المفروشة
( تفضلوا على هذا الموقع )
http://www.aaahousingq8.com/

وأيضا هذا

الشقق الفندقية




شقق رويال سويت

http://www.royalsuiteku.com/contact_ar.asp

 

[bambena]

ــ منطقة العاصمه _

ــ سوق المباركية ( يعتبر السوق الرئيسي في دولة الكويت وهو عباره عن عدة أسواق متنوعه تجتمع في منطقه واحده والكثير من تلك الأسواق حديثة وتحتفظ بمسمياتها القديمه ( كسوق الخضار ـ سوق السمك ـ سوق الحلوي ـ سوق اللحم ـ سوق السلاح ـ سوق الذهب _ سوق الحريم ـ سوق الجملة إلخ ....... )

ــ سوق الصفاة تلقين فيه ميسور والتراث الهندي للخامات والدراريع

ــ مجمع الصالحية - ماركات

ــ مجمع الأوقاف - دراريع

ــ سوق شرق ( من الأسواق الحديثة والجميله والتي تم إفتتاحها بالتسعينات )

ـــ منطقة السالمية ــ

ــ شارع سالم المبارك (السوق الرئيسي) وهو سوق ممتد ينقسم إلي أكثر من جزء ويسمي بالساسوق السالمية القديمه وسوق السالمية الجديده

ـــ سوق مركز السالميه ( أحدث المراكز التي تم إفتتاحها مؤخرا ) وهو مركز منوع يحتوي الكثير من المحلات ذات الأسعار المناسبة جدا بالإضافه إلي الكوفي شوب والمطاعم المختلفه ومطاعم الوجبات السريعه , وصالة كبيره لألعاب الأطفال
بالأضافه إلي مبان أخري ملحقه فيه تحتوي على سوق للحم والخضار والسمك والخضار والفواكه


ــ مجمع ليلي غاليري ــ

ــ مجمع الفنار .
ــ المارينا مول( الأحدث )
ــ مجمع زهره
http://www.zahracomplex.com/
ــ البستان
ــ بلازا السالمية

ــــ منطقة حولي ــ

ــ مجمع العثمان ــ مجمع المهلب ( الأحدث )
ــ مجمعي النقره الشمالي و الجنوبي
ــ السندس
ــ بلازا
ــ الأيوب

ــــ منطقة الفروانية ــ

ـ مجمع ميترو
ـ الحمراء مول
ـ الدبوس
ـ مبارك الصيفي
ـ مناور
ـ العربيد

ـــ منطقة أبو حليفه ــ
ــ كويت ماجيك ( من الأسواق الجميله شكلا وموقعا )
- الكوت محلات وقعده وايد حلوه على البحر والنافوره

 

[bambena]

ــ مطاعم الأبراج

ـ لونتر باريس ـ أبل بيز ـ نينو ـ فرايديز ـ شيليز ـ شرمبي ـ

ــ مطاعم الشيراتون
ــ مطاعم كراون بلازا
ــ ميس الغانم ( دسمان )
-مطعم ماكي ويفز
-مطاعم مارينا كريسنت
ــ مجموعه مطاعم قيصر( منتشره )
ــ مطعم مغل محل للمأكولات الهنديه والصينيه
( الشرق , السالمية ( الأكثر تميزا ) , الفحيحيل , الفنطاس )
http://www.mughalmahal.com/
ــ مطاعم نودلز
http://www.noodlesrest.com/

ــ مطاعم شركة سلطان


وطبعا هناك الكثير من محلات الكوفي شوب المتشره ولعل من أكثرها الموجود في الواجهة البحريه ـ المجمعات ـ شارع مركز سلطان ( السالمية )

 

[bambena]

وهناك شقق أخري

ــ هلا موتيل ــ 2560923

ــ مجمع الشاطىء _ 2624393

 

[SauDiah]

تسلمين يالغاليه على المواقع والمعلومات القيمه كل هذا قريتها
بس ابي من خلالكم انتو بنات الكويت تفيدوني بخبرتكم اكيد انتو اهل البلد وتعرفون الزين وينه فيه

 

[bambena]

شركات تاجير السيارات


الاوربي للسيارات ......... 5653340

الغانم 1......... 5645575

الغانم لتاجير السيارات ........ 4835164

المعتصم ........ 5611676

الوسيط ........ 5622980

ابراج الرقعي ...... 4886592

شركة الملا .... 4738410


عندج بعد مجمعات
مجمع الرايه
اجيال
دريم مول

 

[bnt q8 in usa]

ماقصرتي بمبونه رايتج بيضه