بنات الكويت.. اختكم من البحرين تبي فزعتكم

[مـون]

السلام عليكم...

خواتي شلونكم عساكم بخير؟

الله يسلمكم انا ياية الكويت نهاية هالشهر باذن الله (يا ناس احب هالديرة موت)

هذي ثاني مرة ايي الكويت بس المشكلة لي الحين مادل كل مكان

وابي رايكم في سوق الكويت هالايام.. صج يقولون كله شتوي؟ يعني اذا ييت ما باحصل شي

وشلون البرد عندكم :d نييب معانا ثياب الشتا لول .. (اتغشمر ترى)

لا سؤالي المهم هو والله لا يهينكم ابي تقولون لي محلات تبيع فساتين سهره بأسعار معقوله وديزاينات حلوة

وابي تقولون لي بعد عن المجمعات اللي فيها الثياب الحلوة والغريبه (غير زارا ومانغو يعني ابي اشيا غير عن اللي عندنا)

وتحياتي الحارة لكم..

 

[زمرد]

هلا حبيتي

حياج الله بديرتج الثانية الكويت

اولا ييبي كل ملابس الشتويه بالخزانه ......................( برد برد برد )

بالنسبة لمحلات الملابس السهره
عندج النقرة الشمالي في الدور الاخير موجود كذا محل ( في منطقة حولي)
بعد مجمع حمرا مول في الدور الاخير موجود كذا محل ( في منطقة الفروانية )
الحين البضاعة شتويه احلى المجمعات الفنار - شرق ( السالمية )
اسم المحلات في المجمعات انوتا ريفا
عندج بعد مراكز يكون فيها عرض مستمر يعرضون فيها الحريم وانتي عارفه شلون شغل الحريم حلوووووووووو هالمراكز اسمها كاريزما بيت ديفا
مقابل مستشفى الاميري وهو قريب من سوق شرق لا طوفينها

في مجمع جديد يمدحونه وايد اسمه المنشر والكوت ( في منطقة الفحيحيل)

اي سؤال انا حاضره

على فكره انا ان شاء الله راح ازور البحرين اول مره مادل فيها شيء

شنو عندكم مميز سواء الملابس او العطور او الدراريع او العبي

ياليت تفيديني

 

[رمانه كويتيه]

مجمع العثمان تحت فى محل عنده ملابس سهره حلوه

 

[مـون]

مشكورة اختي على الوصف

انا الصراحة مابي ثياب شتوية ابي ثياب عادية إن شا الله احصل وابي ثياب سهرة

بالنسبة عن البحرين

الملابس مو حلوة الا اذا تبين الماركات المعروفة مانغو وبرمود هذيلين موجودين في المجمعات

والحين في مجمع السيف فتحوا محل سيفورا مال المكياج جان تعرفينه ومحل اسمه فوريفر 21 حلو بس كله صيفي

العبايات في البحرين حلوة
عندج من الغالي لي الرخيص

الغالي محل زمردة في العالي حلو يسوي لج عباية سورافيسكي اذا تبين
في محل في المحرق بس مادل وين بالضبط بس اهو مو في السوق اسمه مذهله هذي بعد تصاميمه غريبه وحلوة واسعاره غالية نوعا ما واللي تصمم بحرينية راعية المحل
ومحل المتحجبة في السيف وفي مجمع البحرين

أنا افضل تفصلين العباية مافضل تشترينها فاذا بتفصلين روحي اول يوم فصلي عشان تجهز

وفي محلات عبايات في سوق المحرق حلوين بعد واسعارهم معقولة ورخيصة بالنسبة حق الباقي

وبعد في سوق البوكوارة (الرفاع)

بالنسبة حق الدراريع للأسف ماعرف ولا شي :d الا محل السعفة في سوق البوكوراة

وفي شي مهم لا تيين البحرين في عاشورا لان كل شي مسكر

اتمنى اني فدتج


اي خواتي اقولكم انا ياية الكويت تاريخ 27 مو الاسبوع الياي
<< مستعيلة تبي تيي عبالها الاسبوع الياي

الجو بيكون احسن في هالتاريخ؟ وبتنزل بضاعه جديدة

 

[[ . . Jee Jee . . ]]

حبيبتي بس حبيت اقول .. حيالله اهل البحرين نورتي ديرتج حبيبتي

حياكم الله

 

[عبيطه^ماتستعبط]

هلاا فييج حبيبتي اتنوورين الكويت والله
عااد ن حظج ان اللحين تنزيلات مو طبيييعييه
الله يسلمج انا اقولج اذا تبيين بدل يعني حق طلعهه
عندج المرينا وشرق والفنار وزهره وليلى غلاري وبلازا والكوت(بس بعيد عن العاصمه)
واذا تبيين محلات اللي يكونون ماركات
عندج فله مودا و الصالحيه
واذا تبيين شغل حريم واايد حلوو شغلهم
مثل بيت ديفا وكريزما وبيت 23 او32 هذا بالعديليه
واذا تبيين دراريع اعتقد في بالحمرا مول ومجمع النقرة
وياريت اكوون فدتج

 

[زلابيا]

حيا الله اهل البحرين .. بتنور الكويت بوجودكم

المهم .. الحين تنزيلات باغلب المجمعات بس مادري شلون السوق شلون صاير مارحت ليلحين..

ومثل ماقريت تبين فساتين سهره باسعار معقوله .. انشاءالله راح تلقين بمجمع النقره الشمالي .. مجمع العثمان .. سوق السالميه القديمه في بعض المحلات تبيع .. المهلب

وفي عندج مجمع زهره - الرايه - ليلى جاليري .. اسعارهم غاليه وماركات

واكيد تعرفين مجمعات المارينا - الفنار - سوق شرق - الكوت (بالفحيحيل) - المنشر >> اغلب المحلات بهالمجمع ما فتحت << هذولي المجمعات محلاتهم نفس محلات مجمع السيف

واي استفسار انا حاضره وحياج الله

 

[مـون]

مشكورين خواتي وماقصرتوا

والكويت منورة باهلها

 

[الفرحه السجينه]

هلا اختي

الكويت بتنوووور

توني راده من البحرين صج وناسه جني بالكويت لان شعبها نفس الكويتيين ذربين وطيبين وصج مريت عالزمرد اللي بالعالي غااالي بس كشخهههههه

دام الماركات عندكم وتبين شغلات حلوه وبسعر معقول وذربه سواء بدل و نعال وجناط و قمصان وبجايم وملافع وعبي وبدل سهره عندج ( مجمع مغاتير - مجمع الحمرا مول - مجمع العربيد بلازا - مجمع المناور والدبوس ) هذولا تلقينهم بنفس الشارع تقريبا و في منطقة الفروانيه .. وبنفس المنطقه بتلقين اسواق شعبيه مثل الموعد و الامتياز و مستوره والصادق الخ الخ ..يعني وناسه حق الفراره واذا بتلقطين شغلات




و بالفروانيه اذا تبين دراريع من 8 دنانير لي 30 وشغل خياط وحلو خصوصا الاقطان تلقينهم بمجمع العربيد اتوقع مريتيه قبل ... بس الحين منزل شتوي مو حلو ... بس يمكن تلقين شغلات الصيف القديمه

و هم عنده بس من الصوب ثاني محلات عبي وملافع .. مري على بوكنان والمشعل و خلي يطلعون لج الملافع الكشخه والبيشل ... واذا مطوله بالكويت خل يفصلون لج من الصور اللي عندهم


اذا تبين بدل سهره عندج محل الاميره موجود بالعربيد بلازا ( الفروانيه ) و موجود بالمهلب ( منطقة حولي ) وعندنا مجمع بالسالميه اسمه ليلى جاليري كله بدل سهره .. عالعموم بدل السهره تحصلينهم حتى بالفروانيه وحولي والسالميه بس انا احب افصل شغلات ناعمه عشان جذي مادري اذا للحين في شي يسوى ...لاني اذكر قبل فترة يوم افتر عليهم شغلهم نفس بدل لبنان الشك والشيفونات

عندنا معارض مثل بيت ديفا وبيت كاريزما هذولا عند مستشفى الاميري بشرق ... كل 3 ايام تتغير البضاعه والمحلات اللي فيه على طول السنه شغال و على حسب بس مرات تصدف محلات كشخه و شغل حريم يسوى

وعندنا فيلا السلام و بيت ديمه


وفي عندنا اسواق الفحيحيل يمدحونها

وترى اسواق الكويت الشعبيه والسراديب حلووووه من مواعين و بجايم و شحاطات و تحف ومكياج الخ يعني لا تحطين في بالج انها اسواق هنود و لا غيره ...

وهم عندنا مجمع المارينا مول وليلى جاليري وجاليريا 2000 و شرق والمهلب والفنار و زهره و دانه سنتر و وسوق السالميه والرايه وفيلا مودا والصالحيه و حولي بلازا و سنام والنقره والكوت و هم عندج ماكس و دريم مول



انتي تبين شغلات ماركه وغاليه ولا عاديه ؟ وترى سوقنا الحين شتوي بس فيه شكثر تنزيلات عالنعال الصيفيه و عالجناط

لو تحددين اللي تبينه بالضبط عشان تروحين دايركت احسن من الفراره

وترى الكويت برددددددددددد

 

[الالماس واللولو]

حياج الله في ديرتج الثانية الكويت:eh_s(17):

اولاً المجمعات عندنا الراقية (الغالية) وعندنا المجمعات اللي اسعارهم مناسبة

بالنسبة للمجمعات الراقية::eh_s(7):

مجمع الراية (الشرق)
مجمع الزهره (السالمية)
مجمع ليلى غاليري (السالمية)
مجمع الفنار(السالمية)
مجمع الصالحية
مجمع العوضي

المجمعات اللي اسعارهم مناسبة

مجمع النقره (حولي)
مجمع العثمان (حولي)
مجمع بيروت (حولي)
مجمع المهلب (حولي)

مع تمنياتي لك بقضاء وقت ممتع وباذن الله تستانسين في الكويت وتعودينها كل سنه

 

[ghalaty]

حياج الله بديرتج الثانيه وترا عندكم سوق أحلى:eh_s(17):

 

[مـون]

الفرحة السجينه.. أنا اشوف البحرين منورة اثرج عندنا
مشكووووووووورة فديتج على هالوصف الحلو... وانا ابي المحلات العادية لان مثل ما قلت عندنا نفس الماركات وابي اشيا غير عن اللي عندنا
ومشكورة اختي الألماس واللولو على ردج
اختي غلاتي بالعكسسس سوقكم أحلى بالف مرة.. احنا سوقنا بالزور تحصلين اللي تبين ولازم يكون ماركات لان الباقي ما يسوون ابد..

بس الظاهر السفرة تكنسلت لي الحين مب اكيد اذا بايي او لا

اختي اللي طرشت لي رسالة خاصة مشكورة فديتج بس سامحيني ماقدرت ارد على الرسالة الظاهر عندي خلل في الرسايل الخاصة او لازم اكملة عدد معين من المشاركات بس مثل ما قلت مب اكيد ايي اذا اكيد ان شا الله ارد عليج وماقصرتي اختي


مشكووووووورين جميعا وما قصرتوا وان شا الله اذا ييت احصل اللي ابي

تحياتي لكم