بنات الفوعه طالبتكم ... باجر عندي عزيمة حق ربع أخوي (زبيدي) وما اعرف شسوي

[إنزعه صمتي]

مساكم ورد

لاتضحكون

انا وهجت نفسي بنفسي

يعني طاقة الصدر وبطبخلهم زبيدي

باجر عندنا غداء حق ربع اخوي زبيدى وربيان (مثلج من الجمعية ) يعني مو طازج

شنو اسوي اشلون اتبله (لاني أدرس بالجامعه وعندي محاضرة من ال10 الي 12 م)ومتوهحجة متى راح اسوي الغداء

المهم الحين انا بتبل الزبيدي والربيان شنو أسوي

(يعني بزهب شغلي الحين . واذا رديت من الجامعه يادووب اقليه واسوي الرز مع المرق)

عطوني الطريقة من البداية شسوي الي النهاية فديتتكم

انتظركم وماراح اطلع لاني بسويه الحين ​

 

[ام الدرر]

ياقلبي اللي فهمته انج بتسوين الزبيدي مقلي والرز بروح وتبين شي ثاني للربيان
ممكن تتبلين الزبيدي باي بهارات مخلوطه عندج مع ملح وعند القلي تمسحينها من بره ببهارات وترشين عليها طحين عشان ما تلزق او تتفتت بالقلي
اما الربيان ممكن تسلقينه ببهارات وكركم
وعقب تسوينه حمسة كاري وهي (بصل -ثوم -كزبره -شبنت-روب -زنجبيل)بالخلاط وعقب احمسي الربيان مع شوية بزيت ومعجون طمام وكاري ومكعب ماجي خضار وضيفي الخلطة وخليه على نار هادية لمدة نص ساعة
او خضار مقطعه(جزر -كرنب ابيض-فليفله الوان)بزبده وتضيفين الربيان المسلوق مع شوية ثوم وتحطين عليه صلصة صوياويصير عندج طبق ربيان صيني​

 

[جارة القمر]

ام الدرر


مشكوووووووووووووره


http://q8yat.net/showthread.php?t=609034&highlight=%C7%E1%D2%C8%ED%CF%ED


http://q8yat.net/showthread.php?t=523882&highlight=%C7%E1%D2%C8%ED%CF%ED



http://q8yat.net/showthread.php?t=643706&highlight=%C7%E1%D1%E6%C8%ED%C7%E4


http://q8yat.net/showthread.php?t=619034&highlight=%C7%E1%D1%E6%C8%ED%C7%E4

http://q8yat.net/showthread.php?t=520078&highlight=%C7%E1%D1%E6%C8%ED%C7%E4

 

[Un-6be3iya]

مادري ماعرف حق سوالف المطبخ كلش بس شهيتيييني زبيدي
عليهم بألف عافية و تسلم ايدج مقدمـًـا