بنات العيم ممكن تدخلون شوي ظروري

[عرباوية من قدي]

هاي بنات
شلونكم شخباركم
ياحضريات وخصوصا العيميات ولا يهينون خواتي البدوو اختي انخطبت من يوم من ناس عيم واحنا اصلنا مو عيم احنا شماليين وبصراحه مانعرف طبايعهم بالخطبه وبالزواج احنا عوايدنا العرس على المعرس وتجهيزاته من الالف للياء غير المهر طبعا الناس يوم يونا خطبو ساكتين ولا حرف تكلمو بس مجاملات وابتسامات شافو البنت قعدت وشافوها والظاهر انعجبو بشكلها وبس بالعيون يخاززون قعدت ربع ساعه وامي اللي تسولف بس واهما سئلو جم سؤال وبس ولما قامت البنت داخل على طول مشوو حتى البنت بعدها ماوصلت لغرفتها اهما سلمو ومشوو الحين نبي نعرف عوايد العيم شنو بالخطبه والزواج مادري يحسسونا كاننا مسوين شي خطا غريبين الاطوار
ناطرين ردودكم الحلوه

 

[فوفو22]

هم جايين للشوفه؟

اذا شوفه

يتصلون فيكم ويقولون عجبتنا

وياخذون موعد ثاني يشوفها الولد

وتصير الاتفاقات الثانية

المهر والحفل والشروط الباقيه

قبل الملجه

هذا عوااايد الكويتيين

فوفو

 

[q8dvd2000]

انا بنات العيم بس ما اعرف عوايدهم تصدقين

خل نسمع من البنات شنو عوايدهم

والله يوفقهم يارب

 

[عرباوية من قدي]

هم جايين للشوفه؟

اذا شوفه

يتصلون فيكم ويقولون عجبتنا

وياخذون موعد ثاني يشوفها الولد

وتصير الاتفاقات الثانية

المهر والحفل والشروط الباقيه

قبل الملجه

هذا عوااايد الكويتيين

فوفو

اي اهما جايين للشوفه بس بالتلفون قالو انه اول شوفه لنا بيكون الولد معانا وقالو هذي عوايدنا

واحنا قلنا يمكن صج هذي عوايدهم فوافقنا اول لقاء يكون الولد موجود هل هالشي طبيعي ولا لا ؟؟؟؟؟؟؟؟

 

[بوابة الهدايا]

حبيبتي مافي فرق كلنا نفس العوايد

ايون اهل الريال ويشوفون البنت وطبعا لازم يخزون ويطالعون عدل ولازم يكون فيه سكوت توه الناس ما تعارفوا عليكم عدل

ويدقون عليكم ثاني يوم وفيه بعضهم نفس اليوم يحددون وقت علشان الريال يشوف البنت واذا انعجب الريال في البنت نفس اليوم او يوم ثاني يتصلون علشان تاخذون راحتكم بالاسئلة عن الريال وتفكر البنت بالقبول او الرفض

 

[3emya_Berry]

عادي حبيبتي نروح نجوف البنت ااذا عجبتهم بيقولون بينه اتصال ويمشون واذا ماعجبتهم يروحون ولا يردون ولا يدقون وبس ولي دقو ايبون المعرس يجوفهااا بعدين الريايل يحددون كل شي مهر وشبكه وخرابيط والعرس عليه الملجه عليكم وكللووووووووووووووووووووووووووووووووووووش

 

[3emya_Berry]

هاي بنات
شلونكم شخباركم
ياحضريات وخصوصا العيميات ولا يهينون خواتي البدوو اختي انخطبت من يوم من ناس عيم واحنا اصلنا مو عيم احنا شماليين وبصراحه مانعرف طبايعهم بالخطبه وبالزواج احنا عوايدنا العرس على المعرس وتجهيزاته من الالف للياء غير المهر طبعا الناس يوم يونا خطبو ساكتين ولا حرف تكلمو بس مجاملات وابتسامات شافو البنت قعدت وشافوها والظاهر انعجبو بشكلها وبس بالعيون يخاززون قعدت ربع ساعه وامي اللي تسولف بس واهما سئلو جم سؤال وبس ولما قامت البنت داخل على طول مشوو حتى البنت بعدها ماوصلت لغرفتها اهما سلمو ومشوو الحين نبي نعرف عوايد العيم شنو بالخطبه والزواج مادري يحسسونا كاننا مسوين شي خطا غريبين الاطوار
ناطرين ردودكم الحلوه

اي عادي حبيبتي لازم الولد يجوفها وتجوفه ولا لازم ذاا محجبه تقط الحجاب لمده ثواني او دقيقه يجوف على قولتهم رويه شرعيه انا ريلي حساوي بس سووها فيني بعد ومارضيت وغصب امه قالت ترى امجعج هههه قطيت حجابي :eh_s(9):

 

[مخلصة للاسلام]

من صجج تقطين حجاابج شلوووون وانتي توج ماملجتي ابيه هذي جديدة احس حرام مدري اول مرة اعرف هل شي وعيب اصلاا اذا مايبيها احس فشله


الحمدلله ياارب اهلي غير يشوفج يوم الفحص وخلاص واكيد يزورج بالدوام او بمدرستج نفسي زارني وشافني من بعيد هههههه

 

[لعيون الغالي]

من صجج تقطين حجاابج شلوووون وانتي توج ماملجتي ابيه هذي جديدة احس حرام مدري اول مرة اعرف هل شي وعيب اصلاا اذا مايبيها احس فشله


الحمدلله ياارب اهلي غير يشوفج يوم الفحص وخلاص واكيد يزورج بالدوام او بمدرستج نفسي زارني وشافني من بعيد هههههه

اي حبيبتي الشوفه الشرعية تنزل حجابها عادي :eh_s(22):

 

[نور الكوثر]

عادي ايوون ويشوفونها واهو يشوفها ومو شرط يتحجون بشي ويمكن ماعجبتهم عشان جذي بسرعه طلعوا

 

[ظل الياسميـن]

البنات ما قصروا
وعسى الله يوفقكم

 

[يالبيه 17]

اب


اب

 

[حناينq8]

حبيبتي ما ادري اذا للعيم سلك خاص

بس انا اكلمج كحضريه

انهم دام شافوا البنت - لازم يتصلون عليهم تالي يا يحددون موعد عشان الولد يشوفها
او يتصلون يقولون مافي نصيب

اما سالفه انهم ما تكلموا او قاموا بسرعه - يمكن هالشي راجع لهم ولنفسيتهم يمكن اهو من النوع اللي ما يتكلم وايد

 

[Fstani]

اب



اب

 

[&موناليزا&]

عزيزتي رفع لعيووووووووووونج

 

[Ice Princess]

عادي حسب ومو شرط عيم اعرف وايد ناس جذي

القصد الاغلب يبي يختصر بدال لا اييون ويشوفون البنت بروحهم

يفضلون ييتهم مره وحده وييبون الاصبي معاهم علشان يشوف البنت

وفي البعض يطلب يكلمها على جنب ويطلبون البعض اذا في موافقه مبدأية

يشوفها بدون حجاب وفي ناس ترضى وفي لأ

بعدها يتحدد بثلاث ايام يا اوكي ولا لأ والاغلب اذا تعدت 3 ايام يعني رفض

وعلى فكره انا عيميه بس ما اعرف اي شي عن العيم

بس شفت بنت خالتي بملجتها وريلها عيميه عندهم سوالف العسل والنبات والماي الورد والسكر

اذا اهمه بيطبقون اشياء بالملجه في البعض يمكن عندهم هالسوالف

 

[Goss!p G!rl]

اي من اول يوم ايبون الولد معاهم
وتكاليف العرس حسب الاتفاق

 

[Goss!p G!rl]

تقعدون بصالة وحده بس اهما بقعده معزوله عشان ياخذون راحتهم بس جدام نظركم يعني مو بروحهم
مممم وبعد شنو
بالملجة فيه سفرة عروس فيه الشمعدان والمنظره والقران وهالسوالف
واحنا اذا صار خطبه نسوي قص مهر ام الريال تلبس نيشان حق البنيه (خاتم خطبه) بس مو الكل يسوي

 

[ناز]

حبيبتي عادي اذا يابوا الولد معاهم احنا اصلا كل ما ندق على ناس نبي نحدد معاهم موعد نبي نخطب حق اخوي اهم يقولون يوبوا الولد معاكم من اول يوم ونشوف البنت اذا ماعجبتنا نطلع مانطول اصلا ولا نتصل اذا ما في نصيب واذا في نصيب او الولد بيشوفها مره ثانيه ندق عليهم واذا ما في نصيب اقولج ما ندق لانه احس فشله ندق ونقول مافي نصيب والله يوفق الجميع ونحصل وحده تعجب اخوي وحيدنا

 

[أسطورة الجمال]

بالتوفييييييييييييييق