بنات العلوم الاجتماعية حلو مشكلتي عفية

[عدوانية والنعم]

قوة بنوتات انا امس رحت اللقاء التنويري وانا طبعا انقبلت بعلوم اجتماعية وسجلت مادة وتمهيدي المهم ماعلينا وانا حابة اتخصص علم نفس واصير مدرسة علم نفس المهم البنات الي اهناك ماقصروا معانا يعطيهم الف عافية بس سالتهم وقالولي انه خلاص مايصير اتصيرين مدرسة علم نفس جنة بشيلونة :0bee2e8d89: فانا الحين ابي رايكم احول حق حقوق او اتخصص جغرافيا طبيعية لان يصير مدرسة جغرافياوشرايكم بهتخصص صعب حييييييييييييل ولا لا بلييييز ابي رايكم والصراحة تحسفت الحين ليش مادشيت حقوق "معني مااحب حقوق" ونسبتي كانت امتياز يعني ادششني لانه طموحي انه اكون مدرسةعلم نفس وهالشي شكله مراح يصير فعلى الاقل ادش مكان زين ويصير معاشي قوي انتوا شرااايكم؟؟؟

 

[أم منيـرة]

امبلا يصير تصيرين مدرسة علم نفس ،
بس يبيلها شدة حييل شوي ،
يقولون واسطه ومن هالكلام ..!
والعلوم الإجتماعيه حلووه وهم الحـقوق حلوووه ،
أممم وصح تقدرين تصيرين مدرسة جغرافيا ، بس انا ماظن ان الجغرافيا صعبه حيل وتعجيزيه ولا جان ماشفتي احد تخرج منها ..
والإختيار لج يالغاليه ،
مووفقه فديتج

 

[عدوانية والنعم]

هلا والله يالغاااالية ام منيرة ماادرري يقولون جنة بشيلونة حبيبيتي انتي مشكووووووووورة والله يخليلج منيرة ويوفقها يااارب

 

[عالمي المجنون]

هلا حبوبة

كل سنة يطلع كلام يديد وغريب

بس اقولج شغلة وحطيها ابالج

ان التخصص يعتمد اولا واخيرا عليج

يعني اذا حابة تتخصصين جغرافية لازم تكونين حابته او على الاقل عندج ميول له

واذا انتي حابة العلم نفس <<مع اني مااشوف شي ينحب فيه

تخصصي وتوكلي على الله

وقبل كل شي صلي استخارة

وترى كليتنا حدها حلوة والدراسة فيها سهالات
والله يوفقج حبوبة

^_^

 

[عالمي المجنون]

ومعلومة

ترى نص كليتنا تخصصهم علم الميانين اقصد علم نفس

loo0ool

والنص الثاني علم اجتماع

وربع خدمة "احنا " و سياسة وجغرافية

يعني التخصص مطلوب وبشدة

<<حسيت اني شخصية لما قلت وبشدة

^_^

 

[عدوانية والنعم]

هلا والله عالمي المجنون هههههههههههههه الجغرافيا هم احبة وعندي ميول له بس احسة مللليغ كله عن البراكين والجبال يعني جامد ماادري شلون وعلم النفس حابتة شسوي حدي متوهقة ومشكووووووورة حبيبتي

 

[أم منيـرة]

عـدووانية
نصيييييحه دشي الشي الي انتي حابته ،
الإنسان اذا دش المجال الي أهو يحبه ، راح يبــدع فيه ،

وعسى ربي يوفقج يااغلااااي ،

 

[عدوانية والنعم]

اي والله صح كلامج و تسلميييييين ع الكلام الحلوووو واجمعين انشالله

 

[كويتية عيمية]

الوظيفة اول وتالي تحتاج واسطة

حتى لو داشه هندسة

وعادي يصير اتصيرين مدرسة علم نفس ..واسطة على الخفيف وخلصنا

اموفقة

 

[عالمي المجنون]

عدوانية حبوبة انا كلش مااداني ولا واحد من التخصصات الي تبينهم

looo0oool

احمد ربي ان في تخصص اسمه خدمة اجتماعية

جان انا للحين اطق اصبع بالعلوم :krkrkr:

واذا حيل حابة هالتخصصين تقدرين تتخصصين جغرافية

ويكون التخصص المساند علم نفس او العكس

مافيش مشاكل يا البي:eh_s(6):

^_^

 

[عدوانية والنعم]

مشكوووووووورة ياقلبي انتي :ا نزين في امل انه اصير مدرسة علم نفس ولا كلش ماكو امل والخدمة الاجتماعية شنو اشتغل ماابي اخصائية ؟

 

[عالمي المجنون]

ان شاءالله في امل حبوبة

والخدمة الاجتماعية تصيرين اخصائية

بس مو شرط بالمدرسة<<تصحح هالفكرة القديمة:eh_s(14):

واايد اماكن تقدر الاخصائية تشتغل فيها

وللامانة حبوبة انا كنت علمي وماافكر بالكليات الادبية

<<كنت اقول ماكو شغل ادخل كلية ادبية:eh_s(12):

وانا علمي ونسبتي 84 بس الظروف

والكلية النحيسة الي اقبلوني فيها خلتني افكر عدل:eh_s(2):

يعني من صج ماكنت حاطة الخدمة ابالي

بس لما حولت خديت مدخل كل التخصصات الي بالكلية

وحبيييت حييييييييل الخدمة الاجتماعية وحسيتها قريبة مني:eh_s(21):

<<مابقى احد بالكلية ماقالت له قصتها :dddds:

loo0ool

الغرض من القصة : انج تاخذين مدخل كل تخصص

وتشوفين شنو اكثر شي حبيتيه وارتحتي له

وترى نفسية الدكاترة وشرحهم تاثر عليج حيل


وربي يوفقج

^_^

 

[Betty Boop ^^]

عـدووانية
نصيييييحه دشي الشي الي انتي حابته ،
الإنسان اذا دش المجال الي أهو يحبه ، راح يبــدع فيه ،

وعسى ربي يوفقج يااغلااااي ،

8

8

8

انا أأيد ام منيره ابهالكلام .. كل ماكنتي حابه الشي ومقتنعه فيه كل ما بدعتي وكان عطائج فيه احسن
و كفايه انه نفسيتج ترتاح !
وعلى فكره انا تخصصي علم نفس .. و التخصص اينن و المواد حلوه وممتعه والدكاتره بعد وايد زينين يعني انصحج تتوكلين على الله و اتمين وانشالله تنقبلين علم نفس
واذا عالوظيفه .. حبيبتي لاتقوليلي ما يصير ماكو شي بالواسطه ما يصير ضبطي امورج واللي تبينه بتاخذينه

 

[~~ SaM ~~]

دشي اللي انتي حابته وا شي

و ثاني شي ترا الجغرافيا زينه و حلوة و تخصص مطلوب حيل حيل ..



موفقه

 

[cheese cake 84]

حبيبتي صح موقفين تخصص علم النفس تصير مدرسه حتى بالجريده كاتبين فانتي بدايه المشوار ولا توهقين عمرج حولي كليه التربيه وتخصصي على نفس عندهم تخصص على نفس وعلى تخصص الخدمه ما انصحج معااش ولا شي ولا جنج جامعيه

 

[عالمي المجنون]

cheese

ياقلبي المعاش على حسب الوزارة

يعني بالتربية يعطون الاخصائية 570 جنة

بس باماكن ثانية مثل ادارة رعاية المعاقين الاخصائية تاخذ 900

وبالاخير التخصص عمره ما يوقف على المادة

اذا حابة تخصصين دشي بمكان تحبينه وتقدرين تبدعين فيه

برايي االمادة اخر اهتماماتي

^_^