بنات الطب المساعد تعالوووووووو

[سارونه المهبوله]

السلام عليكم بنات شلونكم






انا اليحن رايحه 12 علمي وابي اعرف عن الطب المساعد شنو التخصصات ماله
وبعد شنو احسن العلاج الطبيعي ولا العلاج المهني وشنو غير هذي التخصصات موجودة وشنو نسب الدخول ماله بزعجكم:eh_s(6): بس وش اسوي وكليته وين ويعتمد على الانجليزي عشان اخذ فيه تقويه وتنصحوني في المعهد اللي موجود بمجمع اجيال ولا لا واهو مختلط ولا بس بنات بليزززززززز ادري مزعجتكم بس هذي الاسأله حيل تهمني وابي اعرف شنو نضام الكليه و كم سنه دراسه واللي تعرفينه تقولينه بلييييييييز
وشكرا _03ba:طماعه ادري
باي

 

[عندما تغني الزهور]

وعليكم السلام .. هلا والله بسارونه .. شخبارج عساج بخير

بالبدايه الله يوفقج بالـ 12 ويارب تتخرجين بمعدل يرفع الراس .. معاج طالبة طب مساعد سنه 4 تخصص اشعه تشخيصية

شوفي حبيبتي الكليه اول شي موقعها بالجابريه مقابل مستشفى مبارك وبجانب بنك الدم ^_^
وتضم الكلية 5 تخصصات
1- العلاج المهني
2- العلاج الطبيعي
3- الاشعه وتنقسم إلى " أ: اشعه تشخيصيه .... ب: طب نووي"
4- مختبرات
5- ادارة معلومات صحيه


مااقدر اقولج احسن تخصص من بين هالتخصصات لانه راح يعتمد على ميولج ورغباتج
ولازم انتي تشوفين طبيعة الشغل والاماكن اللى راح تشتغلين فيها وطبيعة الدراسة كل تخصص فيهم
ولا تحاتين في مادة تاخذونها بالكورس الثاني من سنه اولى اهي مقدمة تخصصات
وراح تدرسون فيها نبذه عن كل تخصص وبجذي تقدرين تحددين انتي اي تخصص احسن لج

انا وحده دشيت الكلية عشان علاج طبيعي بس بالاخير لما شفت طريقة شغلهم بالمستشفى و اخذت مقدمة تخصصات بصراحه غيرت رايي ورحت تخصص اشعه تشخيصية


والكلية 4 سنوات
سنه اولى راح تاخذين 4 مواد من كلية العلوم بالخالديه " رياضيات منتيهه (فاينات) + بيولوجي مع لاب + فيزيا مع لاب + كيميا مع لاب "
بالاضافه إلى 3 مواد تاخذينهم بالجابريه واهم " مقررين انقلش + مقدمة تخصصات "

وطبعا لازم تدشين حيلج بسنه اولى عشان تييبن معدل حق التخصص

للعلم : انه مقدمة تخصصات لو مااخذيتها او سقطتي فيها راح تأخرج سنه

ونظام كليتنا تقريبا تقدرين تقولين سنوات
لانه مواد كليتنا تنزل مره بالكورس خلال السنه

و اي اسئله ثانيه انا حاضره ومستعده اجاوبج ومايردج إلا لسانج

 

[عندما تغني الزهور]

احم نسيت اجاوبج على سؤال

شوفي حبيبتي دراستنا بالانقلش
ويفضل انه يكون لغتج الانقلش زينه عشان تمشيين بالدراسه
اما عن معهد الاجيال فـ والله انا مو سامعه عنه نهائيا .. سوري

 

[سارونه المهبوله]

مشكورة حبيبتي علا هلمساعده بس ليش غيرتي رايج بالعلاج الطبيعي
انا ما ادري اذا اهو نفسه اللي بالمستشفيات كتمارين للاطفال اللي عندهم شي لاني رحت مع اخوي الصغير اهو مشيته غلط فعجبني التخصص انزين شنو تنصحيني فيه من معاهد انجليزي زينه اغريب من الفحيحيل على المناطق اللي حولها انزين انزين 4 اسنين تدرسون واهو شهادته دكتورة ولا اختصاصي وتخصصج اشعه عاديه نفس اللي بالمشتشفيات ولا لا لاني داجه الصراحهادري ازعجتج سوري حياتي باي
:tomato2:

 

[سارونه المهبوله]

اب اب بنات وينكم

 

[د.ساره]

عندما تغني الزهور كفيتي ووفيتي


ساروونة
شهادتج تكون اختصاصي وتكونين أشعة مثل اللي بالمستشفى
وشغلهم حلوو صراحة
ومعاش قوي
والله يوفقج

 

[سارونه المهبوله]

شكرا وايد عندما تغني الزهور و د سارة thanks مشكورين وايد وماقصرتو

 

[نعومه حدي]

لوووول انا داشة عرررض
بس حتى انا ابي اعرف ليش غيرتي رايج عن العلاج الطبيعي
وبلللليز ابي اعرف عن طريقه الشغل والمعاش ؟؟؟؟