بنات الرياء ذابحني ابي حل ؟؟

[مواليد 90]

السلام عليكم

بنات بقولكم سالفتي واسمحولي اذا مو مرتبه لان والله مو عارفه شلون ابدي وشلون انتهي

بنات لما افكر اني ابي احفظ قران اتخيل الناس يقولون ماشاء فلانه حافظه قران

لما افكر اهد اغاني اتخيل الناس يقولون والله فلانه ماتسمع اغاني

اتخيل نفسي لما اتزوج يقولون عني ماشاء الله فلانه زوجه صالحة ومومقصرة مع ريلها وريلها يحبها يموت عليها من ادبها واخلاقها

لما اعرف معلومة دينية اتخيل نفسي وانا اقولها جدام الناس

حتى ساعات اتخيل نفسي اني ربي يحسن خاتمتي فالناس يقولون فلانه ماتت موته الكل يتمناها

والله حتى وانا اكتب الحين كلامي اييلي احساس انكم بتقولون ان ماشاء الله فلانه تبي تفتك من الرياء


رياء رياء رياء رياء تعبت شسوي ؟؟؟

اهتم وايد للناس ابي الناس تمدحني وتتكلم عني

ماادري ماادري شسوي

شلون اخلص بعملي ... ذبحني الوسواس

اي شي اسويه اتخيل الناس تمدحني

فيدوني !!!!!!

​

 

[طموحه بزياده]

هلا لقيت لج فيديو عجيب جواب لمشكلتج مدة 3 دقايق محمد حسان اسمعيه مناسب لج جدا (دواء خاص لعلاج الرياء والتخلص منه) ‫دواء خاص لعلاج الرياء والتخلص منه‬‎ - YouTube

 

[طموحه بزياده]

نسيت اقول وعليكم السلام و رحمة الله وبركاته
شوفي هذا الفيديو 8 دقايق ( انا مصاب بوسواس الرياء) ‫أنا مصاب بوسواس الرياء؟‬‎ - YouTube

 

[لآلئ وردية]

ما قصـرت اختنا طموحه

و الزمـي الاستغفـار

و الله يثبتنا و يثبتج عالحـق يا رب​

 

[شذونه]

الزمي لاستغفار والدعاء ربي يشفييك

وحولي تسوين اي عمل وتقولين بقلبك هاذا لربي وكل يوم نفس الشي عشان تتعودين لما تسوين اي شي قدام الناس يكون نيتك خالصه لربي

مثلا تطلعين فلوس من محفضتك وتقولين هالفلوس بتصدق فيهم بسر وتصدقي بدون محد يشوفك

ويارب تنحل مشكلتك

 

[عسل سل]

هذا مجرد تفكييير زايد عن حده ((الرياء الصح مو بالتفكير الي تفكرين فيه الرياااء بأنج تبينين عند الناس انج متدينه وانتي رايحه فيهاااا مثلا ))!!! هالشي معروووف شلون غفلتي عنه بس تفكيرج زاايد شوي ماله شغل بالريااااء
انا اشوف ان هالتفكير يحببج بالدين اكثر والخاتمه الحسنه <وجهة نظر

انا متاكده انج عندج وقت فرااااغ وماعندج شي جديد تلهين فيه فصار تفكيرج يدور على نفس الموال سوي تغيير جذي وغسيل حق مخج على قولتهم

 

[مواليد 90]

حبيباتي ماتقصرون:****


انا مشكلتي يهمني كلام الناس

 

[طموحه بزياده]

انوي ان الناس ماتدري عنج واذا دروا عنج ومدحوج انتي تلقائيا راح يضيق خلقج لانج مو حابه الرياء


انا اذكر مادري اذا هو حديث ولالا بس بتأكد بس بما معناه ان لا تخلون الخوف من الرياء يمنعكم من انكم تسوون الاعمال الصالحه .. والله اعلم

 

[SEtO]

وعليكم السلام
حبيبتي اللي تقولينة من الشيطااان عشان تتضايقين وتبطلين الاعمال الزينة
ودايم ادعي الله ان يقذف في قلبج الاخلاص بالعمل وقوة التوكل عليه وحسن الظن بة هذا الدعاء اخذتة من اسوم الله يجزاها خير

فكري ان حرام الاعمال الزينة ماتتجازين فيها بسبة هذا الشي
وانا متاكدة انج توج ملتزمة عشان جذي الشيطان بيرجعج مثل قبل
لاتخلين لة مجال ودايم قولي ان اعمالج كلها لله

عسى الله يثبتج

 

[M!SS CANDY]

وعليكم ا لسلام

حلو ان الواحد يحاول انه يكون بنظر الناس انسان صالح وسمعته تكون حلووه وهذا من حقج انه تشتغلين على نفسج وسمعتج

بس مو بهالطريقه ابدا والي يبغضها الله

انتي خليج مع ربج واخلصي النيه والعمل له وصدقيني هو الي بيوفقج وبيخلي سمعتج زينه وبيخليج بنظر الناس احسن مايكون بدون ماتسوين رياء ونفاق لنفسج اخلصي العمل مع الله والله بيعطيج فوق ماتبين

ودايما ادعي اللهم حسن ذكري بين خلقك وحببهم فيني

موفقه اختي