بنات الحوامل او الوالدات

[ابي فزعه]

بنات انا من جد تعبت
حاسه بتعب من الثامن وثقل وحاجه تنغزني من تحت
والحين انا لي خمس ايام داخله التاسع وانا امشي من نهاية الثامن
وللحين ماولدت
اذا عندكم حل يعجل بهالشي من بعد رب العالمين قولولي :eh_s(16):

 

[ابي فزعه]

حرام عليكم ردوا
سالفة الشغاله محد فادني فيها
الحين حتى هذي مو قادرين تردون

 

[اعشق فهاوتي]

تقولين توج داشه فالتاسع ليش مستعجلة خلها على الله
وان شاء الله تولدين فوقتج

 

[نوسآ]

شي طبيعي تحسين بثقل من ضغط البيبي خلاص قربت طلعته

لا تغامرين بشي متى ماربي كتب له يطلع بيطلع


الله يسهل ويهون عليج حبيبتي

 

[ابي فزعه]

إعشق انتي مو حاسه باللي احس فيه عشان كذا مارح ازعل من ردك
نوسا الله يجزاك
المشكله كلي متورمه ورجولي كأنه احد طاقني عليها
يارب فرجك

 

[شيخة الغراشيب]

الله يهون عليج غناتي وعليه حتى ارقاد بالليل ماروم ارقد تصدقيين
ريولاتي كلما برقد على جمب احس بعوار فضيع كانها متكهربه الم وايد
طول الليل اتجلب
كثري من المشي واصعدي الدري انا امانتنا ناويه ادخله التاسع اصعد الدرج وانزل
عشر دقايق روحي على البحر امشي ع الرمل حافيه

 

[نوووور الشمس]

الله يهون علينا ان صارلي 13 يوم داشة التاسع ويوميا امشي ومن اخر الثامن

وانا مبلشه باكل التمر وشرب الخروع وكف مريم ومغلي مرامية وكمون ودارسين

وبابونج وخلطة الحليب بزيت السمسم ومسمار ومغلي الزعفران واكل اناناس

يوميا وشميت حلتينه وتوضيت بحلتيته وجماع وليلحين صامدة

 

[نوووور الشمس]

وكل هالشغلات سببت لي تقلصات بالبطن واسهال تكرمين وغازات

 

[ابي فزعه]

ي عمري ي شيخه وي عمري ي نور
الله يهووووووووون علينا ي رب
انا تخيلي احسها تخمشني من داخلي يمممه وربي شي لا يوصف

 

[*الغاليه*]

الله يسهل عليج ويقومج بالسلاامه

صبرتي 8 شهور اصبري هالجم اسبوع ادري ان التاسع حده ثجيل وممل بس لاتغامرين بعمرج وتشربين شي

خوووفج يحمي الطلق ويسبب لج مغص والرحم ماتبطل يعني توكلي على ربج

وعليج بالدعاااء ثم الدعاااء واتمشي ع الخفيف لاتمشين تجهدين روحج لانج راح تحسين بعوار وتالي بيروح
وهالعوار من ثقل وضغط البيبي

وربي يعجل بولادتج ويسهلها ياااااااااااارب

​

 

[راقيه وجذابه]

الله يسهل ويهون عليج ياقلبي

الله يريح قلبج وتولدين بالسلامه عن قريب ان شاءالله

 

[ملاك ^ الحب]

لاتشربين ولا شي ولا تسوين ولا شي غير المشي والجماع كثري جماع ترى يتبطل الرحم


لان اذا يالج طلق والرحم مومفتوح يولدونج فتح بطن

 

[sunshine22]

من له خلقققققققققق

لللجماع بالتاسع


يالله تصبر الحريم

بس




التاسع توج داخلته حبيبتي

توووو الناس

باالاسبوع الرابع من التاسع امشي عدل

الحمل 9 شهور تراااا

مو 8 شهوور!!!!!!!!!!!



استغرب من اللي تمشي بالثامن وتشرب خروع

 

[aro0o0oj]

طيب انتي توك داخله التاسع...

اعرف بنات مايولددون الا اذا خلصوه

ياربي الله يهون عليك وعلينا جميييع اهم شي امششي وكل يوووم اجلسي بمويه دافيه اقرب للحراره قد ماتقدرين باذن الله تساعدك على فتح الرحم والولادة بسرعه بدون تعب

 

[ام الحلوااات]

اللـــه يـــســـهـــل عــــلــيـــج

 

[شيخة الغراشيب]

صح نسيت اقولكم عندنا وحده تسوي مساج اصلها باكستانيه قالت لي من تدخليين التاسع اسبوع بسوي لج بس اشربي حليب طازج مع زبده فوريها واشربي باليوم مرتيين

 

[ابي فزعه]

إشكر كل اللي مر ورد علي
وربي لو مو حاسه بشي وتعب كان عادي
تخيلوا اقوم من النوم انتفض اصارخ تجيني نغزه من تحت
وتو هاليوم الصبح قمت صارخت وامي تركض علي
وربي عايشه رعب وتعب اساسآ من الثامن تعبانه
وسالفة الجماع لو اقولكم شي ماتصدقون
تخيلوا
زوجي اذا جا يلقاني ضيقه من تحت كأنه اول مره يجيني وهالشي هذا تاعبني اكثر واكثر كرهت نفسي وقمت اقوله خلاص لاعاد تجيني
وربي يصعب علي بس شنو اسوي
بس الم فضيييييييع وانا مو ناقصه تعب الله عالم بحالي

 

[om_3azoz]

حبيبتي لازم تحسين بالثقل ,, ولاتستعيلين ياقلبي مردج بتولدين

انا ماكو شي ماسويته حتى الخروع شربته 3 مرات وماولدت متى ما الله كاتبلج تولدين تودلين


والله يقومج بالسلامه حبيبتي

 

[om_3azoz]

فعلا انا حسيت صار صغير ,, وانا من اول التاسع ينزل دم وسوالف وكنت اقول اكيد اليوم حتى مره نزلت السداده وزهبت جنطتي وفيني عوار ورحت المستشفى لا في طلق ولا شي والرحم مفتوح بس 2 بس ماولدت الا بعد ماخلصت التاسع ب 3 ايام

 

[روح الأحزان]

الله يسهل عليج ويقومج بالسلامة ان شاء الله حرام نطري لين اييلج الطلق بروحه