بنات الجامعه إنقذوني

[(ضحاوي)]

السلام
:68_asmilies-com:
شخباركم بنات و شمسوين بالجامعه شكلها وناسه
إن شاء الله مسوين زين :ggdw:

بنات أنقذوني أنا أخر سنه بالثانويه قسم الأدبي
بنات أنا ناويه أدخل الجامعه الأداب تخصص انجليزي
فعشان جذي رحت سجلت بإختبار القدرات و عطوني كتاب فيه تعليمات عن الإختبار و نموذج إختبار مع الإجابه
فا أنا شنو سويت رحت جربت إني أحل نموذج الإختبار اللي حاطينه و أشوف عن روحي بس بنات سقطت فيه:krkrkr:
يعني جبت46من 85 و أنا حطيتلي ساعه إجاوب فيها
بنات شنو أسوي يقولون اللي تبي تتخصص بالإنجليزي لازم تجيب فوق ال70 صج بنات
و شلون أرفع من درجتي لا تقولون روحي لدورات الجامعه و لا معهد أنا ما أقدر لأن عندي ظروف
يعني أبيكم تقولون لي شنو لازم أدرس أهم شي و الإمتحان الصجي صعب حيل و لا نفس مستوى اللي حاطينه
بنات تكفون مساعدتكم و أبي تجاربكم في هالإختبار
و راح أدعيلكم خووووووووووش دعوه _03BA:
و جزاكم الله خير
:tek:

 

[boOnita]

حبيبتي تقدرين تنقبلين حتي لو سقطي بالقدرات
راح يعطونج تمهيدي
بس في كليات لازم تييبين نسبه بالقدرات ويضيفونها علي معدلج مثل الطب والهندسه
اما باجي الكليات عادي موشرط تعدينه

 

[(ضحاوي)]

حبيبتي تقدرين تنقبلين حتي لو سقطي بالقدرات
راح يعطونج تمهيدي
بس في كليات لازم تييبين نسبه بالقدرات ويضيفونها علي معدلج مثل الطب والهندسه
اما باجي الكليات عادي موشرط تعدينه

لا لا لا لا
تكفين لا تقولين أخذ تمهيدي
أنا عشان جذي أخذت امتحان القدرات عشان اتجنب التمهيدي
و مشكوووووووررررررررره على الرد

 

[boOnita]

عيل شدي حيلج
وتري قليل اللي ينجحون انجليزي
لان اسئله وايد والوقت مايمدي حبوبه

 

[Strawberry Shortcake]

حبيبتي ركزي على القواعد والكلماات < اهم شي الكلمات حفظي كثر ما تقدرين
وو تراا عادي اذا سقطتي فيه تقدرين تاخذين تمهيدي خو كلها كورس واحد وتعدينه ..
والله يوفقج وتنقبلين بالجامعه وتدخلين التخصص اللي تبينه

 

[Mo7aSbChia]

اللي اعرفه انه درجة نجاح الكيميا و الرياضيات من 50

و الانقلش من 60 مو 70 !

معقوله معلوماتي قديمه وانا العام متخرجه

 

[حجيه هيونه]

حبيبتي اكو معهد يعطي دورات تقويه تساعدج تجتازين اختبار القدرات اخذي رقمهم ودقي عليهم يمكن يفيدونج


99331148

 

[bobo lover]

أختي شوفي النجاح لاحتبار القدرات انجليزي 60 .
لكن دكتورتي اللي تدرسني أدب قالت انه هالسنة من شروط تخصص الانجليزي ان الطالب يجتاز القدرات ب 60 عالاقل يعني السنين اللي قبل ما يقبلون اقل من 70 .. بس قبل كل شي لازم تحبين الانجليزي و مستواج قوي .. واي سؤال انا حاضرة بس عالخاص لاني انسى ادش

 

[كلن له الله]

حبيبتي شلون تسقطين بالقدرات وتبين اداب انجليزي
امتحان القدرات تاااااااااااافهه انا نجحت فيه وجبت87 مع تخصصي لغة عربية
نصيحة لوجه الله امتحني القدرات وشوفي كم تجيبين لو جبتي اقل من 70 فكري اكثر مرة قبل لاتدشين انجليزي
لان هالتخصص يبيله وحدة شاااطرة فية وتحبه لانج بتدرسين مواد قوية فية مثل شكسبير وادب وعصر فكتوري وبتقرين روايات
والله يوفقج ويكتب لج الخير

 

[أم حمد =)]

ماتقدرين تحكمين بمجرد امتحان تجريبي سويتيه بالبيت !

حلي اكثر من امتحان وركزي على القواعد الي تتكرر بكل امتحان ..

ترا حيل سهل ومافيه شي وفيه وايد يمتحنونه بدون دراسه !



بالتوفيق

 

[Ajmal E7sas]

راجعي الكتاب اللي عطوج ياه
ترى وايد ايي نفس الاسئله انا امتحنت مرتين و شفت اسئله مكرره

شدي حيلج حاول تركزين وانشالله تنجحين فيه بدون دورات حرام ما يستاهل
تدرسين قواعد و حاله شغلات سهله انتي تقدرين تدرسينها بروحج و توج دارستها بالثنويه عشان امتحان بو ساعه

شدي حيلج ركزي وقت الامتحان و بيعدي على خير انشالله لا تحاتين مو صعب ,, بس ركزي بالفقره اللي عليها اسئله تاخذ وقت

حتى لو سقطتي فيه مو مشكله اخذي تمهيدي ترى ما يخرع ليش ما تبينه لوول ,, عادي اخذي تمهيدي اهوه بس كورس واحد و ما عليه درجات ما ينحسب لج بالمعدل ولا شي بس مجرد انج تعدينه =)

انا اداب انجليزي عديت امتحان القدرات 80% ,, انشالله تييبين زين ما عليج
حتى لو ما نجحتي مو مشكله عسوله اهم شي تدشين الجامعه و تنقبلين بالتخصص اللي تبينه
تخصصج يعتمد على المواد اللي بتاخذينها بالجامعه قبل لا تتخصصين مو على امتحان القدرات

موفقه نشالله =)

 

[Ajmal E7sas]

ايي بقولج بعد

اذا قدمتي هالامتحان و ما نجحتي عادي ,, في امتحان غيره بعد حقكم قبل وقت تسجيل الجامعه
اذا ما نجحتي لا سمح الله في مجال تقدمين مره ثانيه وتعرفين شتسوي و يكون عندج نوعا من خبره من الامتحان اللي طاف و بتقدمين احسن انشالله =)

 

[Turquoiseya]

اجل الجامعة غيرت سياستها بالقبول
على وقتي اللي تسقط واللي ما تحضر امتحان القدرات
تقدر تتخصص انجليزي بس لازم تاخذ تمهيدي
والتمهيدي كان كورس خفيف وممتع وحلو

انتي لاتتخوفين من التمهيدي
ترى مستوى كتب التمهيدي عالي
وعن نفسي عرفت ميولي بالانقلش وهو الادب

الله يوفقج

 

[(ضحاوي)]

يعديكم العافيه بنات و ما تقصرون كفو والله
أنا حبيباتي شاطره حيل بالإنقلش و إهوا غرامي بالذات الإدب أنا أموت ودي أقرا روايات بالإنقلش
مادري شفيني على هالمادة أحبها حيل فا عشان جذي نويت أتخصص فيها
بس نسيت لقول لكم إني لما سويت إختبار حق روحي خلصته بنص ساعه و لا فكرت إني أراجع يمكن عشان جذي سقطت فيه
عموما فددددددددددددديتكم يا خواتي
و الله يوفق الجميع

 

[نور الضي]

نصيحه
لوجه الله
اذا سقطتي واخذتي بالجامعه الكورس الاول تمهيدي مع ماده
اخذي اسهل ماده
لان معدلج بيكون علي هالماده
لوتجيبين اي يكون معدلج 4 نفاط وكذا

 

[(ضحاوي)]

up
up
up