بنات التكميم الرجاء الدخول

[Miss 3asal]

مرحبا خوتي العزيزات ،ان شاء الله بعد تفكير عميق و تردد نويت اسوي العملية بس سؤالي شنو احتاج لتجهير اغراضي لدخول المستشفى لني راح اقعد 3 ايام هل البجامة والا قميص النوم احسن ؟ واي اقتراحات اكون شاكرة لكم لاني اخاف انسى شي وادعولي ان شاء الله و باذنه تنجح العملية و اطلع بالسلامة

 

[تختخ55]

حبيبتي راح تحتاجين هالاغراض :

-3 نفانيف انصحج بكم طويل لان الدكاترة كل شوي داشين و طالعين
-جاكيت
-شال
-ملابس داخلية
-صابونه
-فرشة و معجون
-ديتول (ما استغني عنه اخذت معاي سائل و رش)
-فوطة (مهمة جدا)
-سليبر و انتي بكرامة
-مرة
-مشط
-باكيتات كلينكس
-مزيل عرق
-مرطب
-مرطب شفايف
-شيلات قطن خفاف اذا كنتي متحجبة
-سجادة صلاة


و توكلي على الله و السالفة سهالات اول يومين تعب بسيط و تقدرين تتحملينه

و ما قلتي لنا عند منو ناوية تسوينها ان شاء الله ؟

 

[Miss 3asal]

مشكورة اختي تختخ ما قصرتي ان شاء الله عند الدكتور باسل السميط بس المرة حق شنو؟؟ واودي سراويل طويلة؟؟

 

[اميره بكلمتي]

سراويل طويله قطن
مره
كوتكساات (يمكن باي لحظه تنزل عليج الدوره هناك )
ملابس داخليه (هاذي كثري منها )
دشاديش طوال ( هم هاذي كثري منها )
كريم مرطب حق الجسم
مرطب شفااايف
سجاده وقران
كتيب حق الاذكار
مشط
فرشاة ومعجووون
دلاغات

بس النفانيف خليها وسااااع وطويله

 

[Miss 3asal]

يعطيج العافية اميرة بس ما قلتولي ليش المرة وشسوي فيها؟؟

 

[اميره بكلمتي]

الله يعافيييج

عشااان العمليه لاتشم عليييج

اخذيها ونقعيها بمااي وحطيها دار مادار خشمج

 

[Miss 3asal]

جزاج الله الف خير وان شاءالله بجهز الاغراض والله يعيني

 

[اميره بكلمتي]

متى بتسوووين العمليه ميس عسل وعند اي دكتور ؟

 

[صخر جلمود]

تقوومين بالسلامه أن شاء الله

 

[ماكنتوشه بنفسجيه]

هلا حبيبتي مس عسل
ان شاء الله تسوينها وتضعفين بصحه وعافية يارب

بالنسبة لي اللي خذيته معاي
- قميصين نوم نص جم (لان السسترات كل شوي يايين ابرة مني وابره مني)
- روب بيت علشان اذا دش الطبيب عليج
- فوطة
- معجون اسنان وفرشة
- مناديل ديتول
- كنبل خفيف لأن ما احب اتلحف سيدة بشراشف المستشفى
- شاحن الموبايل
- كتاب اذكار
- مشط
- ديودرنت
- خدرة صلاة .. والسيادة مايحتاج تاخذين اذا مسويتها في مستشفى خاص راح تكون متوفرة بالغرفة
- شال
- سليبر
- ملابس داخليه .. بالنسبة لي ما لبست ستيان الا حق الطلعه وشريته كبير علشان يصير السير وسيع ما يضايقني لأن في فتحة منظار تكون تحت الصدر فالستيان يضايق
- كرتون ماي صحه

ان شاء الله ما اكون نسيت شي والله يتمم لج على خير وتقومين بالسلامة

 

[دمع القلوب]

يا ربي تتوقعون يرضى الدكتور يسويها لي اذا محتاجه انزل من وزني 20 الى 25 كيلو

 

[لــفــتــه]

رد : رد: بنات التكميم الرجاء الدخول

يا ربي تتوقعون يرضى الدكتور يسويها لي اذا محتاجه انزل من وزني 20 الى 25 كيلو

اي يسويها بس بما انه وزنج مووايد كبير ليش ماتحاولين ريجيم

 

[ام لجووونه]

مشكورة اختي تختخ ما قصرتي ان شاء الله عند الدكتور باسل السميط بس المرة حق شنو؟؟ واودي سراويل طويلة؟؟

حبيبتي جم وزنج وطولج؟ وهل تعانين من سكر أو ضغط

 

[Miss 3asal]

متى بتسوووين العمليه ميس عسل وعند اي دكتور ؟

ان شاء الله بسويها 14/2 عند الدكتور باسل السميط

 

[Miss 3asal]

تقوومين بالسلامه أن شاء الله

مشكورة حبيبتي

 

[Miss 3asal]

مشكورة ما قصرتي اخت ماكنتوشة ،راح اشتري ستيانات اكبر اشوي خوش فكرة

 

[ماكنتوشه بنفسجيه]

العفو حبيبتي

 

[ranoona55]

بجم بيسويها لج لو سمحتي

 

[donat]

الله يسهل عليج و تطلعين بالسلامة
وين بتسوينها بأي مستشفى؟ و ليش موعدج بعيد؟ والا انتي تبين هالوقت؟

 

[¤§ زيتونة §¤]

ان شاء الله تقومين بالسلامة حبيبتي


انصحكم بنات بالمرة فعلا مضاد حيوي طبيعي حق كل شي



وشربو منها شوي عشان تنظف المعدة وتطيبها